Jerimaya 25:38 - Ika

³⁸ Ọ ghagụọ ebe o bi pụ nọkẹ ẹwọrọ; alị wẹ k'a gba okpokoro, yeni olulu onyẹ rị e mẹshi wẹ ikẹn, olulu ẹ hụn rị a dụn kẹ ọkụn.

Jerimaya 25:38 ပူးပေါင်းရင်းမြစ်များ

Ẹbụ-ọma 76:2

Imẹ Salẹm k'o bi; Imẹ Ugu Zayọnụ k'o bi.

Jerimaya 12:10

Ndị-nze alị ichẹn-ichẹn kịla ndị-agha wẹ nọkẹ atụnrụn d'a zọgbu ugbo-vaịnị m wụ Izrẹlụ; wẹ sikọ d'a zọkpụkpọ ihiẹn-ugbo m; wẹ k'e mẹ ugbo m hụn ma mma họnrin alị la iwi ihiẹn anaị rịlẹni.

Jerimaya 12:13

“Ịhịan k'a kụn ọka alịnị kanị ogun kẹ w'a hụn ghọrị; wẹ k'a rụngbu enwẹn wẹ, kanị onwọnni ihiẹn wẹ k'a rụnpụha. Ụya ya ri ụnụ makẹni ugbo ụnụ emẹni ihiẹn — makẹni Osolobuẹ e gigụọ ọnụma sọn ụnụ.”

Jerimaya 25:11

Ebeni ile jẹnkọ d'a gba okpokoro, la iwi; alị ndịnị ile k'e fe eze alị Babilọnụ ọrọgbọ ahụa iri kwasị ọgụn-ẹtọ.

Jerimaya 25:30

“Gi nwan okuni ile buni wẹ amụma — sị wẹ: Osolobuẹ jẹnkọ d'a gha imẹ-elu dẹn rịkẹ ẹwọrọ; olu ẹ jẹnkọ d'a gha ebẹhụ rị nsọ o bi han rịkẹ akpara; o k'e yini alị a eje-oro. O k'e yi oro nọkẹ ndị rị a zọ vaịnị; o k'e yini ndị bi elu ụwa oro.

Jerimaya 4:7

Ẹwọrọ a ghagụọ ebe o bi pụha; onyẹ rị e tikpọ alị ichẹn-ichẹn e buligụọ. Ọ ghaọlẹ ebe ọ rị pụha d'e tikpọ alị ụnụ la iwi. Obodo ile rị alị ụnụ jẹnkọ d'e họnrin mkpọkọ-mkpọkọ, obodo ịhịan bilẹni.

Jerimaya 49:19

“Lee ẹ! Kẹ ẹwọrọ dọn a gha ọfịa mkpẹnrẹn Iyi-Jọdanị a pụha ebe atụnrụn nọ a kpa nni mkpẹnrẹn mirin hụ ghalẹni a tahị: ẹrịra kẹ m k'a maye Ẹdọm idẹnmuzi, mẹ wẹ gba alị wẹ tọ. Onyẹ m chọ kẹ m e gi mẹ ẹ. Onyẹ nọ kẹ mmẹ? Onyẹ k'a jụ m ihiẹn ọwụlẹ? Elee eze k'a s'ẹka che m ọgụn?”

Jerimaya 5:6

Ufiri ẹ, ẹwọrọ k'a gha ọfịa bịa d'a maye wẹ, eje-anụ wụ wofu k'a gha imẹ atụ bịa d'a dọririẹn wẹ, liopadị k'a warị ẹhụ obodo wẹ, dọkịka onyẹ ọwụlẹ k'a ma-ama pụha, makẹni nnupụ-isi ndịnị a karịgụọ ẹka; ọkpahu ọkpahu kẹ wẹ rị a kpahu.

Jerimaya 50:16

Gbunarịn nị Babilọnụ ndị a kụn ihiẹn ugbo lẹ ndị a ghọ ihiẹn ugbo. Egun ọpịa-agha eṅẹnrẹn k'a chụdẹ abịamabịa ile. Onyẹ-onyẹ a gbaburu ndị nke ẹ; onyẹ-onyẹ a gbashi alị a.

Jerimaya 50:44

“Lee ẹ! Kẹ ẹwọrọ dọn a gha ọfịa mkpẹnrẹn iyi-Jọdanị a pụha ebe atụnrụn nọ a kpa nni mkpẹnrẹn mirin hụ ghalẹni a tahị, ẹrịra kẹ m k'a dọn maye ndị Babilọnụ idẹnmizi, mẹ wẹ gba alị wẹ tọ. Onyẹ m chọ kẹ m'e gi mẹ ẹ. Onyẹ nọ kẹ mmẹ? Onyẹ k'a jụ m ihiẹn ọwụlẹ? Elee eze k'a s'ẹka che m ọgụn?”

Hosia 11:10

Omẹgụ, wẹ k'e kinhẹn: wẹ k'a gbasọn Osolobuẹ, ogẹn m'e gi dẹn kẹ ẹwọrọ. M dẹnhụ kẹ ẹwọrọ, ụmụ m rị ẹbamịn ọdịdan-ẹnyanwụn e gi ẹhụ ọmụma-nni buruhẹ m.

Hosia 5:14

M k'e mẹ ndị Ifrem ihiẹn ẹwọrọ e mẹ anụ, e mẹ m ndị Juda ihiẹn okoro-ẹwọrọ e mẹ anụ: mmẹ lẹ enwẹn m k'a dọkịka wẹ; e buru m wẹ pụ, onwọnni onyẹ k'a sa ẹka zụọpụha wẹ.

Emọsụ 8:8

Ẹlẹ ọnwan haịn alịnị k'e gi mẹhunmẹ onyẹ ọwụlẹ rịn'a a kwan ụya? Alị k'e buli kẹ Iyi Naịlị, o k'e buli kẹ Iyi Naịlị, ziẹnban.”

Zẹkaraya 2:3

Ya kẹ mmọn-ozi ahụn mmẹ lẹ ịya gba ku nọ jẹnpụha, mmọn-ozi ọzọ nọ jẹn d'e kunrun ẹ,