Jerimaya 25:34 - Ika

³⁴ Kwanma nị, gomẹ ni, ụnụ ndị-ndu! Dan nị, kperemẹ imẹ uzunzun, ụnụ ndị kị alị ichẹn-ichẹn — makẹni ogẹn w'e gi gbu ụnụ e ruọlẹ; ụnụ k'a dan, gungwọnpụ kẹ ite ụrụa!

Jerimaya 25:34 ပူးပေါင်းရင်းမြစ်များ

Ihiẹn Mẹni Nke Ẹbụọ 36:10

Mbidọn ahụa e ru, eze Babilọnụ wụ Nebukadineza nọ zi wẹ d'e wẹhẹ ẹ Babilọnụ — ịya lẹ ihiẹn ndị rị mkpa rị imẹ Ụlọ-nsọ Osolobuẹ; Nebukadineza nọ kin Zẹdikaya nwẹnẹ-nẹdi Jehoyakini eze Juda lẹ Jerusalẹm.

Ẹbụ-ọma 2:9

I k'e gi ẹka ze kẹ ọkpọ-igwe kị wẹ, tikpọ wẹ rịkẹ ite-ụrụa.’ ”

Azaya 10:12

Kanị Osolobuẹ sị, “M mẹgụ nwan Ugu-Zayọnụ lẹ Jerusalẹm ihiẹn m k'e mẹ wẹ, mmẹ wụ Osolobuẹ k'e ye eze Asiria afụnfụn mpache hụ rị imẹ ẹ lẹ nhọnrọn hụ ọ rị a họnrọn.

Azaya 2:16

kẹ ụgbọ-mirin uku wẹ gi a zụ afịa kẹ ụgbọ-mirin ile ma mma.

Azaya 30:14

ọ dangungwọnchanrịn kẹ ebe ite-ụrụa nọ kụkpọchanrịn, nke wụnị ahụnkọdẹ wẹ ibe ẹ ọwụlẹ hụn ru hụn wẹ e gidẹ bi ọkụn mọbụ hụn wẹ e gi kwọrị mirin.”

Azaya 33:1

Nsọngbu rị e che i, yụ hụn e tikpọnị wẹ kelẹni tikpọ; ịyụ hụn e re ndị ọzọ bụ wẹ eke re i! I tikpọgụ, e tikpọ wẹ ịyụ nwẹn! I regụ ndị ọzọ, ndị ọzọ k'e rezikwọ ịyụ nwẹn.

Azaya 34:6

Ẹdeke e jungụọ Ọpịa-agha Osolobuẹ; ụtọrọ e jungụọ a — nọkẹ sị o gbu ewu lẹ ebulu, ụtọrọ rị akụnrụn ebulu. Makẹni Osolobuẹ k'e gbu ịhịan kẹ anụ wẹ gi a chụn ẹjan imẹ obodo Bozra rị alị Ẹdọm — o k'e gbu okẹn ogbugbu imẹ alị Ẹdọm!

Azaya 34:7

Wẹ ile k'a dan — kẹ ndị wụ efin a kpa ikẹn kẹ ndị zegbu enwẹn wẹ lekẹ okoro-efin kẹ ndị kẹnrẹnnahịn ibe wẹ. Akpakalị Ẹdọm k'a rajun ẹdeke ẹfọ, ẹjan rịn'a k'e mẹ ụtọrọ-ụtọrọ.

Jerimaya 18:22

Ẹkwan ya rị iwe wẹ, ogẹn y'e gi zi wẹ d'a maye wẹ idẹnmizi. Makẹni e gutọgụọ wẹ olu w'e gi nwụndọn m, kpọtọsọnmẹ ọnyan kẹni m zọye ụkụ.

Jerimaya 22:28

Okẹnnyẹni wụ Jehoyakini wụdẹ nwan mkpọkọ-ite hụn nwọnlẹni ihiẹn wẹ gi ẹ e mẹ — ra ọ wụ ihiẹn wẹ k'a mahu? Kị wẹ k'a kpụnrụnnị ya lẹ ụmụ a shi alị ọzọ? Kị wẹ k'a manị wẹ ye alị wẹ marịnlẹni?

Jerimaya 23:1

Eje-nsọngbu rị e che ndị-ndu ndị nke m hụn rị e mẹ wẹ a la iwi, a gbayịya. Ya kẹ Osolobuẹ ku.

Jerimaya 25:12

“Kanị, ahụa iri kwasị ọgụn-ẹtọ ahụn zugụ, m k'e ye eze Babilọnụ lẹ ndị alị a, ndị Kal'di, afụnfụn njọ wẹ. Mmẹ wụ Osolobuẹ e kugụọ a. M k'e mẹ ẹ gba okpokoro jẹnrin ejẹn.

Jerimaya 25:23

e yezighọ m ndị alị Dedanị lẹ Tẹma lẹ Buzu lẹ ndị ile rị ebe teni hụn a kọ ntutu wẹ azụụnnị lẹ azụụnnị

Jerimaya 25:36

Gọn ntịn ẹkwan ndị-ndu rị a kwan! gọn ntịn kẹ ndị a kị alị ichẹn-ichẹn rị e goo! Wẹ rị e goo ni Osolobuẹ rị e tikpọ alị wẹ.

Jerimaya 27:7

Alị ile jẹnkọ d'e humẹn'ẹ isi, humẹni nwa a isi, humẹzini nwa-nwa a isi d'e ru ogẹn m'e gi tikpọzịkwọ alị ya nwẹn wụ Babilọnụ. O ru ogẹn hụ, alị bu ọda lẹ ndị-nze bu ọda a kpazịkwọ ikẹn jẹnkọ d'e mẹri Babilọnụ, kịma a.

Jerimaya 3:19

“Mmẹ nwẹn, m te sị enwẹn m, ‘Nkẹ ọ sụọka m nị m mẹ ụnụ kẹ ụmụ, ye ụnụ alị rị mma, alị manahịn nke ndị alị ọzọ ile mma.’ M te ro ni ụnụ k'a kpọ m, ‘Baba’; nị ụnụ esọnbehikọ m.

Jerimaya 48:26

“Ye Mụabụ afụnfụn ra n'ọ tụ a kẹ manya, makẹni ọ kpọ Osolobuẹ mgba; Mụabụ ya kperemẹ imẹ ẹgbọ a kẹni ya nwẹn wụrụzịkwọ ihiẹn w'a mụ ẹmụ.

Jerimaya 48:38

Ẹkwan-ẹkwan k'e jun alị Mụabụ — kẹ elu-ụlọ wẹ ile hụn w'a nọdị kẹ ebe ile rị ogbe wẹ nọ e zu, makẹni m jẹnkọ d'e tikpọ Mụabụ lekẹ ugbẹgbẹ nwọnlẹni ihiẹn wẹ gi ẹ e mẹ. Mmẹ wụ Osolobuẹ ku ẹ.

Jerimaya 50:27

Gbuchanrịn nị okoro efin wẹ; kpụnrụn nị wẹ d'e gbu! Nsọngbu k'a rịnị wẹ makẹni ogẹn wẹ e rugụọ — o ruọlẹ ogẹn w'e gi narịn afụnfụn ihiẹn wẹ mẹ.

Jerimaya 6:26

“Heuu, ndị nke m, yiri ni ẹkwa-achọ, ụnụ e kperemẹ imẹ ntụn; kwan nị ụya kẹ onyẹ akpụ nwa-okẹnnyẹ ohu nwụnnahịn, makẹni onyẹ e tikpọnị lala idẹnmizi d'e tikpọ ẹnyi!”

Ẹkwan 4:21

Ghọghọmakwọ nwan, Nwagbọọ wụ alị Ẹdọm, ẹfọ ya sụọma ụnụ ndị bi alị Uzu ụsụọ. Kanị mkpu afụnfụnnị k'e ruzirịrị yụ nwẹn ẹka — y'a ra a, tụ, gbarị ọtọ.

Izikẹlụ 34:20

“ ‘Osolobuẹ Nwọn Ihiẹn Ile sị wẹ nwan: Lee n'ẹ, m sikọ d'a hannị atụnrụn tutuni lẹ hụn tutulẹni eṅẹn.

Daniẹlụ 11:8

O jẹnkọ d'e kpọnrinzikwọ mmọn wẹ, ihiẹn ile wẹ gi igwe rị ichẹn-ichẹn mẹmẹ w'e fe lẹ ihiẹn siliva lẹ goru rị mkpa, kpọnshi Ijiptu. O k'e yeni eze alị rị ẹbamịn-ugu hụ efe ahụa ole-lẹ-ole.

Hosia 8:8

E luepụgụọ wẹ Izrẹlụ; ọ rị nwan kẹ ugbẹgbẹ tikpọnị imẹ igunrun alị ndị ọzọ:

Emọsụ 5:11

Ebe ụnụ rị a zọ ndị igbẹnnyẹ ụkụ isi, a sị wẹ tụnị ụnụ ọka, ụnụ ebikọ ezigbo ụlọ ndị ahụn ụnụ gi ọmụma wẹ chọ mma tụn! Ụnụ arakọ manya alị-vaịnị ndị ahụn rịgbu enwẹn ẹ mma hụn ụnụ rụn;

Zẹkaraya 10:3

Olulu ndị-ndu ụnụ rị e bu m ọda-ọda, m k'e mẹshi ndị rị a kịgbu ụnụ ikẹn; makẹni Osolobuẹ ihiẹn ile rị okpuru ẹ e lepụ atụnrụn a wụ alị Juda ẹnya; m k'e gi wẹ họnrin ẹshin-agha m, ẹshin-agha nwọn ndụn wẹ e lee ile ọgbọ-agha.

Zẹkaraya 11:3

Ndị e du anụ rị e goo, makẹni ihiẹn wẹ gi e bi e wiwigụọ! Ẹwọrọ rị ẹgboko Iyi Jọdanị rị e dẹn, makẹni ẹgboko Iyi Jọdanị a lagụọ iwi!

Jemisi 5:5

Ụnụ e bigụọ elu ọdanfịn lẹ iri-ụwa elu ụwanị; ụnụ a zụngụọ akpobi ụnụ tọnị ụhụọhịn ogbugbu.