Jerimaya 25:32 - Ika

³² Osolobuẹ ihiẹn ile rị okpuru ẹ sị, “Lee n'ẹ, wẹ hụ e tikpọ otikpọ-otikpọ a gha alị, a pu alị; nsọngbu a kpọmagụọ nọkẹ okẹn ẹbi — ọ ghakwọrị ebe ụwa ru lala.”

Jerimaya 25:32 ပူးပေါင်းရင်းမြစ်များ

Ihiẹn Mẹni Nke Ẹbụọ 15:6

alị hụ a bịangbu alị, obodo hụ e tikpọ obodo — makẹni Chuku rị e gi ụdị nsọngbu ile e kpokpo wẹ.

Azaya 30:30

Osolobuẹ jẹnkọ d'e mẹ ịhịan nụ okẹn olu ẹ, mẹ wẹ hụn ẹka a k'ọ gha elu lala d'e mẹ wẹ ihiẹn — eje-ọnụma lẹ ọkụn rị a dụnnị lẹ ẹbi lẹ akpara lẹ ẹkwan-igwere k'o k'e gi bịa.

Azaya 34:2

Osolobuẹ rị e busọn ndị alị ile okẹn olulu — o gi ọnụma e sọn ndị-agha wẹ ile; o k'e tikpọpụchanrịn wẹ, o wegụọ wẹ ye ni wẹ gbu wẹ.

Azaya 5:28

Ọbara-ụta wẹ tụ nkọ, e kwọnchanrịngụọ wẹ ụta wẹ ile; akpụkụ ẹshin-agha wẹ ze kẹ ọmụma, ụkụ ụgbọ-ẹshin agha wẹ a gba fịafịafịa nọkẹ ufere.

Azaya 66:18

“Mmẹ nwẹn, ufiri omumẹ wẹ lẹ ihiẹn wẹ rị e ro, m lala d'e wegbama ndị alị ile lẹ ndị asụsụ ile, a bịa wẹ d'a hụn ọghọ m.

Jerimaya 23:19

E lee nị nwan okẹn ẹbi kpọlanị, ọnụma Osolobuẹ hụn lalanị — o jẹnkọ d'a nọ isi ndị eje-omumẹ hụ bi.

Jerimaya 30:23

Lee ẹ, ọnụma Osolobuẹ jẹnkọ d'a kpọ kẹ ẹbi! Olulu ẹ k'a nọ isi ndị eje-omumẹ bi.

Jerimaya 6:22

Osolobuẹ sị, “O nwọn okẹn alị lalanị: okẹn alị hụn rị ẹbamịn-ugu; okẹn alị ohu rị a kwademẹ, alị hụn rị ebe ụwa ru.

Jerimaya 6:23

Wẹ busọnmẹ ụta lẹ obo; ẹfọ jọ wẹ, w'a ra mẹ omikẹn ịhịan; ụzụn wẹ nọ kẹ okẹn-ohimin rị a kpọ ẹbi kẹ wẹ nyinla ẹshin wẹ; wẹ dọn ọtụtụ kẹ ndị-agha shikọ ọgbọ-agha; wẹ lala d'a maye i ọgụn, nwagbọọ wụ obodo Zayọnụ.”

Zẹfanaya 3:8

Gbacherikwọ nị m nwan! Ya kẹ Osolobuẹ ku; cheri ni ụhụọhịn m k'a kpa ikẹn kwarị ihiẹn m gbu. E kugụọ m'a nị m k'e wegbama alị ichẹn-ichẹn, nị m k'a kpọgbama alị-eze ichẹn-ichẹn, kẹni m mẹ wẹ ihiẹn kẹ olulu han m obi kẹni m gi okẹn iwe-lẹ-ọnụma m mẹ wẹ ihiẹn, makẹni m k'e gi ẹnya rị a fụnị m hu ọnụma m kpu wẹ ile ri nọkẹ ọkụn.

Luku 21:10

Ya ọ nọzị sị wẹ, “Alị lẹ alị jẹnkọ d'a lụ agha; alị-eze a lụsọn alị-eze;

Luku 21:25

“Wẹ jẹnkọ d'a hụn ihiẹn ahịma ihun ẹnyanwụn lẹ ifọn lẹ kokisẹ rị igwere. Imẹ ụwa, alị ichẹn-ichẹn jẹnkọ d'a rị imẹ nsọngbu, makẹ okẹn ụzụn ohimin rị a zụn lẹ k'o dọn rị e mẹhunmẹ ọda-ọda; o sikọ d'a gba wẹ ngharị-ẹnya.