Jerimaya 25:19 - Ika

¹⁹ E mẹzighọ m Fẹro eze alị Ijiptu lẹ ndị e jẹnn'ẹ ozi lẹ ịhaịmẹ ẹ lẹ ndị nke ẹ ile rarị afụnfụn Osolobuẹ hụ rị mkpu hụ,

Jerimaya 25:19 ပူးပေါင်းရင်းမြစ်များ

Jerimaya 43:12

O k'a mụ ọkụn ye ụlọ-mmọn rịsọnmẹ Ijiptu, dụnpụ ụlọ-mmọn wẹ ọkụn, kpọnrin mmọn wẹ. O k'a tụtụkwama ihiẹn ile rị mma rị alị Ijiptu, kẹ onyẹ e du anụ dọn a tụtụpụchanrịn izun ẹkwa a; o k'e bu wẹ ile la, onwọnni ihiẹn k'e mẹn'ẹ.

Jerimaya 43:13

O k'a kụkpọ ihiẹn ndị wẹ zumẹ imẹ ụlọ wẹ nọ a rụa ẹnyanwụn imẹ Ijiptu, dụnpụchanrịn ụlọ-mmọn ichẹn-ichẹn rị Ijiptu ọkụn.’ ”

Jerimaya 46:2

Nke Ijiptu: ihiẹnni kẹ Osolobuẹ ku banyeni ndị-agha Fẹro Nẹko, eze Ijiptu — ndị-agha a hụn Nebukadineza wụ eze Babilọnụ mẹri imẹ alị Kakẹmishi, mkpẹnrẹn Iyi-Yufretisi ahụa nke ẹnọ eze wụ Jehoyakim nwa Josaya kịma Juda: