Jerimaya 25:14 - Ika

¹⁴ “Wẹ lẹ enwẹn wẹ wụ ndị Babilọnụ k'a wụzịkwọ igbọn alị bu ọda lẹ ndị-nze uku; m k'e mẹgwarị wẹ ihiẹn ile wẹ mẹ lẹ ihiẹn ile wẹ rụn.”

Jerimaya 25:14 ပူးပေါင်းရင်းမြစ်များ

Ẹbụ-ọma 137:8

Ịyụ nwẹn wụ Babilọnụ, hụn wẹ k'e tikpọ! Ngọzi ya rịnị onyẹ jẹnkọ d'e mẹgwarị ị ihiẹn i mẹ ẹnyi.

Azaya 13:4

Gọn ntịn ụzụn rị elu ugu, ọ nọ kẹ nke igunrun hi ogbe! Gọn ntịn isusu ndị alị-eze ichẹn-ichẹn — ndị alị ichẹn-ichẹn rị e zu. Osolobuẹ ihiẹn ile rị okpuru ẹ rị a kpọkikomẹ ndị-agha nị wẹ d'a lụ agha.

Azaya 14:2

Ndị alị ichẹn-ichẹn k'e duru wẹ, dulụa wẹ alị wẹ. Ndị Izrẹlụ e nwọnrin ndị alị ichẹn-ichẹn, awụrụnị wẹ wẹ igbọn ikẹnnyẹ lẹ ikpoho imẹ alị Osolobuẹ. Wẹ k'e kwọndọn ndị te gini wẹ, a kịma wẹ ndị te rị a kịgbuni wẹ.

Azaya 66:6

Gọn ntịn ụzụn rị a zụn imẹ obodo; gọn ntịn ụzụn rị a pụ imẹ Ụlọ-nsọ! Osolobuẹ rọ: ọ rị e mẹgwarị ndị-iṅẹnrẹn ẹ.

Jerimaya 27:7

Alị ile jẹnkọ d'e humẹn'ẹ isi, humẹni nwa a isi, humẹzini nwa-nwa a isi d'e ru ogẹn m'e gi tikpọzịkwọ alị ya nwẹn wụ Babilọnụ. O ru ogẹn hụ, alị bu ọda lẹ ndị-nze bu ọda a kpazịkwọ ikẹn jẹnkọ d'e mẹri Babilọnụ, kịma a.

Jerimaya 32:19

Y'e rokẹkwọ! Y'e mẹkẹ okẹn-ihiẹn!! Y'a hụnchanrịn ihiẹn ile ịhịan rị e mẹ, e gi obibi onyẹ-onyẹ lẹ ihiẹn o mẹ e sọn ẹ, a kụ a ụgwọ-ọrụn.

Jerimaya 50:41

Lee ẹ! Ndị-agha alị rị ẹbamịn-ugu lala; m rị a kpọli okẹn alị lẹ ndị-nze bu ọda; wẹ k'a ghasọnmẹdẹ ebe ụwa ru bịa.

Jerimaya 50:9

Lee ẹ, m sikọ d'a kpọli alị ichẹn-ichẹn wẹhẹ wẹ d'a lụsọn Babilọnụ agha, alị ichẹn-ichẹn hụn k'e bugbu enwẹn wẹ ọda, hụn ghasọnmẹ ẹbamịn-ugu bịa. Wẹ k'e werisọnmẹ ọnọdị lụsọn ẹ agha, gha ebẹhụ weri ẹ. Ụta wẹ jẹnkọ d'a nọ kẹ nke odogun-agha, hụn ghalẹni agbafie.

Jerimaya 51:6

“Ghakwọ nị Babilọnụ gbapụha! Zụọrịkwọ nị isi ọnụ! Anịkwọlẹ ni njọ a na ụnụ isi! Ogẹn Osolobuẹ e gi mẹgwarị a e rugụọ, ogẹn o gi kụ a ụgwọ ihiẹn o mẹ.

Daniẹlụ 5:28

“FASINI wụ: E kebegụọ wẹ alị-eze i, we ẹ ye ndị Mẹdịa-lẹ-Pẹshịa.”

Hosia 9:7

Ogẹn afụnfụn e rugụọ! Ogẹn wẹ gi a kụ ụgwọ-ọrụn a bịagụọ!! Ndị Izrẹlụ, marịnkwọ nị! Onyẹ-amụma wụ onyẹ-nzuzu, ẹnya ụnụ, Onyẹ Mmọn nsọ rị a kị wụ onyẹ-ẹra ẹnya ụnụ, makẹni njọ ụnụ e hikẹ, makẹni okẹn iwe rị ụnụ ẹfọ.