Jerimaya 23:25 - Ika

²⁵ “A nụgụọ m ihiẹn ndị-amụma hụ gi ẹfan m e bu amụma ntụ rị e ku; wẹ rị e mẹ oku nrọ, ‘O nwọn ihiẹn m rọhụn; o nwọn ihiẹn m rọhụn!’

Jerimaya 23:25 ပူးပေါင်းရင်းမြစ်များ

Jẹnẹsisi 37:5

Josẹfụ rọ nrọ. Ogẹn o gi ziẹnni mmunẹ ẹ nrọ ahụn, ize ẹ nọ bankẹnmẹ wẹ.

Jẹnẹsisi 37:9

O mẹgụ, ọ nọ rọzị nrọ ọzọ. Ọ nọ ziẹnni mmunẹ ẹ ya, sị, “Len'ẹ, a rọzị m nrọ ọzọ: ẹnyanwụn lẹ ifọn lẹzi okokisẹ mmanaị hụ a kụnị m isi-alị.”

Ẹbụ-ọma 139:2

Kẹ m nọdị alị-o kẹ m wuzo ọtọ-o, y'a marịnghọ; y'a gha ebe teni a ghọta ihiẹn m rị e ro.

Ẹbụ-ọma 139:4

M gini d'e kudẹ oku, Osolobuẹ, y'a marịngụọlẹ ihiẹn m jẹnkọ d'e ku.

Jerimaya 13:27

hụn k'ị dọn e fe m, e fezi mmọn, a tụsọn ihiẹn ile, e mẹ kẹ ịgbaraja nwọnlẹni ifẹnrẹn! A hụngụọ m arụ ị rị e mẹ elu ugu lẹ òke ichẹn-ichẹn. Nke i a jọka-o, Jerusalẹm! Elee mgbe y'a wụbehi onyẹ rụnị?”

Jerimaya 14:14

Osolobuẹ nọ sị m, “Amụma-ntụ kẹ ndị-amụma ahụn rị e gi ẹfan m e bu. Ẹlẹ mmẹ zi wẹ; ẹlẹ mmẹ tumẹ wẹ; onwọnni ihiẹn m sị wẹ ku. Wẹ rị a hụnnị ụnụ ọhụn wụlẹni ezioku, a gba ẹfa nwọnlẹni isi, e ku ihiẹn uche wẹ gwa wẹ.

Jerimaya 16:17

M hụ a hụn ihiẹn ile wẹ rị e mẹ, onwọnni hụn zuerini ebe m rị, onwọnni njọ wẹ m ghalẹni e legha.

Jerimaya 23:28

“Onyẹ-amụma rọ nrọ, ya ziẹn nrọ a; kanị onyẹ hụn nwọn oku m ya kuchanrịn a k'ọ nọ — makẹni ẹfịfịa-ọka lẹ akpụrụ-ọka ẹlẹ ihiẹn ohu.

Jerimaya 23:32

Mmẹ lẹ ndị-amụma gi ihiẹn wẹ rọhụn hụn wụlẹni oku m e bu amụma rọ. Wẹ hụ e ziẹn nrọ ndị ahụn, e gi ihiẹn ile wụlẹni nke m wẹ rị e mẹ e dufie ndị nke m, ihiẹn ile wẹ rịlẹni a jụ m e mẹ; ezini m wẹ, etumẹni m wẹ. Onwọnni ẹka wẹ rị e yeni ndị nke m kaka.’

Jerimaya 27:10

Ntụ kẹ wẹ rịkwọ a tụ ụnụ, ntụ hụn k'e wepụ ụnụ alị ụnụ, we ụnụ shi ebe tegbu enwẹn ẹ; makẹni, m sikọ d'a chụpụ ụnụ, ụnụ a la iwi.

Jerimaya 27:15

Osolobuẹ sị, ‘Ezikwọnị m wẹ. Wẹ rịkwọ e gi ẹfan m e bu amụma ntụ, Ụnụ gikwọ ihiẹn wẹ ku dọn, m jẹnkọ d'a chụpụ ụnụ, ụnụ a la iwi — kẹ ụnụ kẹ ndị-amụma ahụn rị e buni ụnụ amụma ndị ahụn.’ ”

Jerimaya 29:23

M k'e mẹ wẹ ẹbụbụọ ẹrịra makẹni e mẹgụọ wẹ arụ imẹ Izrẹlụ; a nagụọ wẹ ibe wẹ inyẹnmẹ, gi ẹfan m tụ ntụ, ku ihiẹn m gwalẹni wẹ kụ. A marịnghọ m ihiẹn wẹ mẹ; m wụ ọshẹri.’ ” Ya kẹ Osolobuẹ ku.

Jerimaya 29:8

“Ẹghẹẹ! Osolobuẹ ihiẹn ile rị okpuru ẹ, hụn wụ Chuku Izrẹlụ rị a sị: ‘Anịkwọlẹ ni ndị-amụma ụnụ hụn ụnụ lẹ wẹ rị dufie ụnụ, kẹ ndị rị a gbanị ụnụ ẹfa. Egọnkwọlẹ ni ntịn nrọ ndị ahụn ụnụ rị a rọ,

Jerimaya 8:6

E gọngụọ m wẹ ntịn ọhụnma-ọhụnma, onwọnni ezioku rị wẹ ọnụ. Onwọnni onyẹ njọ a rị a fụ obi n'ọ sị enwẹn ẹ, “Kẹ m mẹdẹni nwan ihiẹnni?” Onyẹ-onyẹ hụ e mẹ nke ẹ ikẹn-ikẹn nọkẹ ẹshin-agha zụnbankọ ọgbọ-agha.

Ẹkwan 2:14

Ọhụn ndị-amụma ị hụnnị ị wụhụ ọhụn ntụ lẹ ọhụn nwọnlẹni isi, agwapụnị wẹ i njọ ị, gi ẹ napụ ị ẹgbụnnị kunrunn'i nwan. Oku wẹ gwa ị nị ya kẹ Osolobuẹ ku wụhụ ntụ lẹ ndufie.

Izikẹlụ 22:28

Ndị-amụma nkẹ hụ e gi ịhụn-ọhụn ntụ lẹ ịgba-ẹfa ntụ a kwadọn wẹ, e tekin ẹ n'ọ la ẹnya; a sị wẹ, ‘Osolobuẹ Nwọn Ihiẹn Ile sị,’ bụ Osolobuẹ asịnị wẹ.

Juwẹlụ 2:28

“Ọnwan mẹgụ, m k'e hu Mmọn m kpu ịhịan ile: ụmụ ụnụ ikẹnnyẹ lẹ ikpoho k'e bu amụma; ikẹnnyẹ-ọba ụnụ k'a rọ nrọ; ikoro ụnụ k'a hụn ọhụn.

Zẹkaraya 13:3

nke wụnị, onyẹ pụhazị sị n'ọ wụ onyẹ-amụma, nẹdi lẹ nnẹ mụn'a a sị a, ‘Ị k'a nwụnrịrị, makẹni y'e giọlẹ ẹfan Osolobuẹ bu amụma ntụ.’ Nẹdi ẹ lẹ nnẹ ẹ e gugbu ẹ, makẹni o bu amụma.

Ọgụngụn 12:6

ọ nọ sị wẹ, “Gọn ni nwan ntịn ihiẹn m jẹnkọ d'e ku: Omẹni onyẹ-amụma m rị igunrun ụnụ, imẹ ọhụn kẹ m'a nọ e we enwẹn a ghọsị a; imẹ nrọ kẹ m nọ a gwa a oku.

Matiu 1:20

Kanị, ogẹn o gi rị e ro ihiẹnni, ọ nọ rọhụn mmọn-ozi Di-nwọnni-ẹnyi k'ọ bịa d'e kunrun ẹ, sị, “Josẹfụ nwa Defidi, atụlẹ egun; lụma Meri, makẹni nwa ọ rị imẹ ẹ gha ẹka Mmọn-nsọ bịa.

Luku 12:3

Ya wụ, ihiẹn ọwụlẹ ụnụ ku imẹ ishi, wẹ jẹnkọ d'a nụ a ifọnrin-ifọn; ihiẹn ọwụlẹ ụnụ gụnma ụzọ ka-ụka ku imẹ mmughẹ, wẹ sikọ d'e gi ẹ yi oro elu ụlọ.

Ndị Kọrẹntị Ibuzọ 4:5

Eke hanlẹ ni nwan eṅẹn ebe ogẹn kelẹni ru. Cheri ni nị Di-nwọnni-ẹnyi bịa. O jẹnkọ d'e wepụha ihiẹn rị imẹ ishi ifọn, o kpuchanrịn obi ile oghe. Ogẹn hụ, onyẹ-onyẹ a narịn ọjịja-mma run'ẹ ẹka Osolobuẹ.

Hibru 4:13

Ẹnya Osolobuẹ, onwọnni ihiẹn zuerini. Ẹghẹẹ, ihiẹn ile gba ọtọ, rị oghe, ẹnya onyẹ hụ ẹnyi jẹnkọ d'e ye mgbakọ.

Rẹvẹleshọnụ 2:23

M k'e gbu ụmụ a. Ụka ile k'e gi ẹ marịn nị mmẹ wụ onyẹ hụ e nyọnchan uche lẹ obi lẹ ni m k'a kụ onyẹ-onyẹ imẹ ụnụ ụgwọ ihiẹn o mẹ.