Jerimaya 20:10 - Ika

¹⁰ M hụ a nụ kẹ ndị bu ọda rị a ka-ụka: a kpọ m ‘Ihiẹn-egun E Jun Azụụn ile!’ A sị ‘Kpe n'ẹ! Nị ẹnyi kpe n'ẹ!’ Ndị ile m kpọ ndị ọwụ m hụzịdẹ nwan e che nị m dan. Wẹ hụ a sị, ‘Ikẹnkwọ nị ẹnyi s'ẹka rẹrẹrị a — ẹka ẹnyi a karị nke ẹ, ẹnyi a hụn ụzọ mẹgwarị a.’

Jerimaya 20:10 ပူးပေါင်းရင်းမြစ်များ

Ndị-nze Nke Ibuzọ 19:2

Ya Jezibẹlụ nọ zi onyẹ-ozi d'a sị Ẹlaịja, “Mmọn ndị ẹnyi e fe wẹ mẹ m ihiẹn, mẹshi m'ẹ ikẹn, omẹni o ru mgbeni ekile nị m'e ke mẹ yụ nwẹn ihiẹn i mẹ wẹ.”

Ndị-nze Nke Ibuzọ 21:20

Ya Ẹlaịja nọ jẹn d'e kunrun Ehabụ. Ehabụ a hụn Ẹlaịja, ọ nọ sị a, “Onyẹ-iwe m, y'a hụnzịkwọ m!” Ẹlaịja nọ sị a, “A hụngụọ m'ị, makẹni y'e buchanrịngụọ enwẹn i che imẹ ihiẹn rịlẹni mma ẹnya Osolobuẹ.

Ndị-nze Nke Ibuzọ 22:27

Sị nị wẹ, ‘Lee ihiẹn eze ku: ọ sị, “Bu ni onyẹni che ụlọ-ngan; eyelẹ n'ẹ ihiẹn-oriri ọzọ karị brẹdi lẹ mirin d'e runi a lụaha m udọn-lẹ-ndọnkwa.” ’ ”

Ndị-nze Nke Ibuzọ 22:8

Eze Izrẹlụ nọ sị Jehoshẹfatị, “O nwọnghọ okẹnnyẹ ohu họdụnị hụn nkẹ ẹnyi a jụ uche Osolobuẹ; kanị ize ẹ e ze m makẹni o butunini m amụma rị mma, eje-ihiẹn eje-ihiẹn sụọ. Ẹfan a wụ Maịkaya nwa Imla.” Jehoshẹfatị nọ sị a, “Ekulẹ ẹrịra, eze.”

Jobu 19:19

M rị nwan e ze ndị te wụ ezigbo ọwụ m ize; onyẹ m gi e mẹ ẹhụ e bugụọ nụmanị m.

Ẹbụ-ọma 31:13

M hụ a nụ eje-ihiẹn ndị bu ọda rị e ku — ihiẹn egun e fihunmẹgụọ m azụụn ile; wẹ hụ e zuni m umẹ, e zuni m eje-umẹ ni wẹ gbu m.

Ẹbụ-ọma 31:14

Kanị ịyụ kẹ m rị e lee ẹnya, Osolobuẹ; m hụ e ku ẹ nị “Ịyụ wụ Chuku m.”

Ẹbụ-ọma 41:10

Kanị yụ nwẹn Osolobuẹ, dodo mẹni m omikẹn; zụọ m, nị m hụn ụzọ mẹgwarị wẹ.

Ẹbụ-ọma 41:9

Kẹ ezigbo ọwụ m hụn m gi dọn ẹnya, ọwụ m mmẹ lẹ ịya gba e ri ihiẹn-oriri, e bugụọ nụmanị m.

Ẹbụ-ọma 57:4

M rị nwan imẹ igunrun ẹwọrọ; m dịnọ nwan imẹ igunrun ẹwọrọ ndị e ri ịhịan; obo lẹ ọbara-ụta kẹ eze wẹ wụ, ire wẹ wụ ọpịa-agha tụ nkọ!

Itẹn 10:18

Onyẹ zuemẹ iwe rị a ẹfọ, oku-ọnụ a wụ ntụ-ntụ; onyẹ a ghahunmẹ e kuja oku ịhịan wụ onyẹ-nzuzu.

Azaya 29:21

ndị hụn e buokin ịhịan ọnụ, ndị a chọ isi onyẹ a han ezigbo-eṅẹn ọgwa, ndị hụn a hangbu onyẹ ẹka a rị ọchan eṅẹn.

Jerimaya 1:19

Wẹ k'a lụsọn i ọgụn, kanị asakọ wẹ ẹka mẹri i, makẹni m k'a nọyen'i, zụọpụha ị.” Ya kẹ Osolobuẹ ku.

Jerimaya 11:19

M te nọhụ kẹ nwa-atụnrụn mẹ jụụ wẹ dukọ d'e gbu. Amarịndẹ m nị e zugụọnị wẹ m umẹ, sị, “Nị ẹnyi gbutu ni osisini — okẹnnyẹni lẹ ihiẹn rị a gha a ọnụ a pụha; nị ẹnyi gbupụn'a elu-ụwa — anyanhankọzị wẹ ẹfan a.”

Jerimaya 11:21

Lee nwan ihiẹn mmẹ wụ Osolobuẹ ku banyeni ndị obodo Anatọtụ rị a chọ ị ogbugbu, a sị ị, “Kubehi oku-Osolobuẹ ị rị e ku, amamgbe ẹnyi e gi ẹka gbu i.”

Jerimaya 18:18

O nwọn ndị sị, “Bịa nị, nị ẹnyi chọ ihiẹn ẹnyi e mẹ Jerimaya, makẹni, ẹnyi e nwọnghọ ndị nchụn-ẹjan a kuzi ẹnyi Iwu lẹ ndị marịn ihiẹn hụn a dụn ẹnyi ọdụn lẹ ndị-amụma e ku ọnụ Osolobuẹ. Pụha nị, nị ẹnyi gi ọnụ gbu ẹ; nị ẹnyi gọnbehi ni ntịn ihiẹn ọ rị e ku!”

Jerimaya 20:3

Eki e fọn, Pashuru nọ kpọpụ Jerimaya aba hụ. Jerimaya nọ sị a, “Ebe Osolobuẹ rị, ẹfan ị ẹlẹzi Pashuru. Ẹfan ị wụ nwan ‘Magọ-Misabibu’ hụn wụ ‘Ihiẹn Egun E Jungụọ Ụzọ Ile’.

Jerimaya 37:13

Kanị, ogẹn o gi chọ n'ọ gha Ọnụ-mgbọn Bẹnjamini pụ, onyẹ-isi ndị-nche Jerusalẹm nọ kwọndọn ẹ. Ẹfan okẹnnyẹ hụ wụ Irija nwa Shẹlẹmia nwa Hanania. Ọ sị Jerimaya, “Ọsọ k'ị gbakọ; ị gbaburukọ ndị Babilọnụ!”

Jerimaya 6:25

Apụkwọlẹ ni nị ụnụ jẹnkọ ugbo, aghakwọlẹni ụwaya — makẹni eṅẹnrẹn ahụn bịanị bukwọ ọpịa-agha; ihiẹn-egun fihunmẹ ẹnyi azụụn ile.

Izikẹlụ 22:9

Wẹ hụ imẹ i e buokin ịhịan ọnụ ebe wẹ n'ọ a chọ isi w'e gbu; ndị rị imẹ i hụ e ri ihiẹn-oriri ụlọ-mmọn ndị hụ rị elu ugu; wẹ hụ e mẹ arụ ichẹn-ichẹn imẹ i.

Daniẹlụ 6:4

Ya kẹ ndị-nkịkwama ẹbụọ hụ họdụnị lẹ ndị-ọkịkị ile nọ chọma ihiẹn alị-eze hụn Daniẹlụ rụnlẹni ọhụnma, kanị ahụnnị wẹ ihiẹn wẹ e gi kpe ẹ, a hụnnị wẹ nkọrịanị. Ahụnnị wẹ eje-ihiẹn ọwụlẹ ẹka a, makẹni ọ wụ ịhịan esi, ahụnnị wẹ ebe ọ nọ la azụụn mọbụ rụn ọrụn a zizizi.

Luku 20:20

Ya kẹ wẹ nọ kemẹ Jesu nke. Wẹ nọ zi ndị wẹ zi d'e kunrun ẹ, sị wẹ mẹ nọkẹ sị wẹ gi ezioku bịa kẹni wẹ hụn ụzọ gi ihiẹn o k'e ku kwọndọn ẹ, bu ẹ che ẹka Gọvanọ hụn ndị Rom tumẹ.

Ọrụn Ndị-ozi 24:13

asakọ wẹ ẹka ghọsị nị m mẹ ihiẹnni ile wẹ rị e kin.

Ọrụn Ndị-ozi 5:33

Kẹ wẹ nụ ihiẹnni, ize ze wẹ ọda-ọda, wẹ nọ chọ nị wẹ gbu wẹ.

Ọrụn Ndị-ozi 7:54

Ogẹn wẹ gi nụ ihiẹnni Stivini rị e ku, okẹn ọnụma nọ bịa wẹ, wẹ nọ gi iwe tan'a ẹka eze.