Jerimaya 2:32 - Ika

³² Nị nwagbọọ zọ yiri ejije ẹ? Nị okpoho rị a gba ẹkụkwọ zọ yiri ihiẹn-mma a? Bụ ndị nke m a zọgụọ m — zọgele m.

Jerimaya 2:32 ပူးပေါင်းရင်းမြစ်များ

Jẹnẹsisi 24:22

Ogẹn anyịnyan ndị ahụn gi ragụ mirin, okẹnnyẹ ahụn nọ we ọla-imi goru ṅanrannị lẹ ihiẹn-ẹka goru kadẹ ọhụn a ṅanran ye ẹ. Goru ọla-imi ahụn wụ ahanmahan shẹkẹlụ ohu nchaịn! Ihiẹn-ẹka ahụn wụ gram goru mmẹbụọ kwasị ọgụn ẹtọ nchaịn!!

Jẹnẹsisi 24:30

makẹni ọ hụnọlẹ ọla-imi ahụn lẹ ihiẹn-ẹka Rebika nwẹnẹ ẹ yi, nụzịkwọ ihiẹn Rebika ku nị ịya kẹ okẹnnyẹ ahụn gwa a. O ru ẹ, ọ nọ hụn a ebe o turuyeni anyịnyan-mkpukpuke ndị ahụn ụsụọ ọmị ahụn.

Jẹnẹsisi 24:53

Ya odibo Ebraham nọ kpọnpụha ihiẹn-mma rị ichẹn-ichẹn, kẹ ihiẹn siliva kẹ ihiẹn goru, kpọnpụhazịkwọ ẹkwa, kpọn wẹ ye Rebika. Ọ nọ yezi nwẹnẹ Rebika hụn okẹnnyẹ lẹ nnẹ wẹ ihiẹn ichẹn-ichẹn a ṅanrannị.

Samuẹlụ Nke Ẹbụọ 1:24

Euu ikpoho Izrẹlụ, kwan nị nị Sọlụ ẹkwan — onyẹ hụn yimẹ ụnụ ẹkwa ṅanrannị lẹ ihiẹn-mma, hụn gi ihiẹn-goru chọ ẹwuru ụnụ mma.

Ẹbụ-ọma 106:21

A zọ wẹ Chuku hụn a zụọpụhanị wẹ, onyẹ hụn mẹsọnmẹ okẹn ihiẹn imẹ alị Ijiptu;

Ẹbụ-ọma 9:17

Ọnwụn wụ nke ndị-njọ — alị ile hụn zọ Osolobuẹ.

Azaya 17:10

Kị haịn? Makẹni y'a zọgụọ Chuku ahụn a zụọpụhanị ị; y'a nyanhannị Ọmụma hụ y'a gbaban imẹ ẹ. Ọ sụọkwọ ị nwan kụn ihiẹn-akụnkụn rịgbu enwẹn ẹ mma, kụndẹ vaịnị pụ ichẹn wẹ gha alị ọzọ wẹhẹ;

Azaya 57:11

Onyẹ k'i rị a manị piripiri, a tụ egun ẹ hụnnị ile — i gi a tụ m ntụ ẹnịna; i gilẹni a nyanhan m mọbụ e rodẹ ihiẹn rị e mẹni? Ẹlẹ nkịtịnnị m gbabie haịn i gilẹni a tụ egun m?

Azaya 61:10

M rị a ghọghọ ọda-ọda makẹ Osolobuẹ; obi rị a sụọ m ụsụọ ọda-ọda makẹ Chuku m. Makẹni o yimẹgụọ m nzụọpụha kẹ ẹwuru, we ezi-omumẹ tụ m mgburu, gi wẹ ile chọ m mma kẹ okẹnnyẹ rị a gba ẹhụhụọ dọn e kpuru okpu ma mma lekẹ onyẹ nchụn-ẹjan, kẹ nwagbọọ rị a gba ẹhụhụọ dọn e yi ihiẹn-mma a.

Jerimaya 13:10

ndị-ejẹni jụ nị egikọ wẹ oku m dọn, ndịnị rị a gba isi-akwanran kẹ eje-obi wẹ dọn gwa wẹ, e sọn mmọn, e fe wẹ, a kụnị wẹ isi-alị, wẹ jẹnkọ d'a nọkẹ nwa-mpeni wiwini nwọnlẹni ihiẹn wẹ k'e gi ẹ mẹ!

Jerimaya 13:25

Ịya wụ ihiẹn run'i, ịya kẹ m keye i — makẹni y'a zọgụọ m, gi mmọn-lẹ-iyi wụlẹni Chuku dọn ẹnya. Ya kẹ Osolobuẹ ku.

Jerimaya 18:15

Kanị ndị nke m a zọgụọ m; wẹ hụ a mụyeni mmọn nwọnlẹni-isi nsẹnsi. O mẹgụọ wẹ kpọgburusọnmẹ, latọsọnmẹ ụzọ mbụ-mbụ hụ rị mma; o mẹ wẹ ghasọnmẹ ụzọ-ọfịa lẹ ụzọ rịlẹni mma.

Jerimaya 2:11

o nwọntughọ alị latọ mmọn wẹ femẹ ọzọ? Ọsụọn'a nị mmọn ndị ahụn ẹlẹ ezigbo ẹ. Bụ ndị nke m a latọgụọ mmẹ hụn wụ ọghọ wẹ, gi mmọn nwọnlẹni isi nọkin ẹnya m.

Jerimaya 2:33

Ụnụ a marịnka kẹ wẹ dọn a sụọ! Ịgbaraja a mụnarịndẹ ụnụ.

Jerimaya 23:27

Ndịnị hụn rị a chọ nị wẹ gi nrọ ndị ahụn w'e ziẹnni ibe wẹ mẹ ndị nke m zọ ẹfan m, nọkẹ kẹ ndị nẹdi wẹ dọn zọ ẹfan m ebe wẹ rị a rụa Baalụ.

Jerimaya 3:21

Ụzụn rị elu-ugu ndịnị fọnni, ụzụn ẹkwan lẹ arịrịọ ndị Izrẹlụ rọ, makẹni e bimẹgụọ wẹ ghẹrẹ-ghẹrẹ-ghẹrẹ, zọ Osolobuẹ wụ Chuku wẹ.

Izikẹlụ 22:12

“Ịhịan hụ imẹ i a narịn ọgị-azụụn lẹ egho-azụụn e gbu ibe ẹ; a na okẹn-ọmụnịnwa a chọ okẹn erere, e ri ibe ụnụ erere, e mẹgbu wẹ, ụnụ a zọ mmẹ nwẹn. Ịya kẹ Osolobuẹ Nwọn Ihiẹn Ile ku.

Hosia 8:14

Izrẹlụ Ẹbamịn-ugu a zọgụọ Onyẹ keni wẹ, rụnsọnmẹ okẹn ụlọ: Juda hụ a tụnhunmẹ obodo-obodo mgbọn. M jẹnkọ nwan d'e zi ọkụn ye obodo ndị ahụn, ọkụn a dụnpụ okẹn ụlọ ndị ahụn.”

Ditrọnọmi 32:15

Kanị Jẹshurunu ẹ hụn wụ Izrẹlụ hụn o mẹ kụrụ ọtọ, e tutu, nupụma isi; o rijun ẹfọ, a nyịn, e dẹn. Ọ la Chuku mẹmẹn'ẹ tọ, jụ Ọmụma hụn a zụọpụhan'a tọ.

Rẹvẹleshọnụ 21:2

M nọ hụn obodo nsọ hụ, Jerusalẹm ọhụn, k'ọ gha ẹka Osolobuẹ imẹ elu-igwee hidanla. Ọ nọ kẹ nwagbọọ chọgụ mma agbamẹkụkwọ rị e che di ẹ.

Ndị Han Eṅẹn 8:34

anyanhanzịnị wẹ Osolobuẹ wụ Chuku wẹ hụn zụọpụha wẹ ẹka ndị-iṅẹnrẹn wẹ azụụn ile.