Jerimaya 18:21 - Ika

²¹ Ẹgụn ya gbu nwan ụmụ wẹ. Wẹ gi ọpịa-agha gbu wẹ. Di lẹ ụmụ, wẹ nwụnnahịn ikpoho wẹ; emu ya gbu ikẹnnyẹ wẹ, ọpịa-agha ya gbu ikorọbịa wẹ tọ imẹ agha.

Jerimaya 18:21 ပူးပေါင်းရင်းမြစ်များ

Ihiẹn Mẹni Nke Ẹbụọ 36:17

Osolobuẹ nọ zihẹni wẹ Nebukadineza, eze ndị Kal'di, ndị alị Babilọnụ. Nebukadineza nọ gi ọpịa-agha gbu ikorọbịa wẹ imẹ Ụlọ-nsọ kẹti-kẹti. Ọ latọnị okorọbịa, ọ latọnị nwagbọọ; ọ latọnị okẹnnyẹ-ọba, ọ latọnị ẹgẹdi. Osolobuẹ buchanrịn wẹ ile che Nebukadineza ẹka.

Ẹbụ-ọma 63:10

Wẹ k'e kpọn wẹ ye ndị k'e gi ọpịa-agha gbu wẹ; ufu k'e ri wẹ.

Ẹbụ-ọma 63:11

Kanị eze k'e gi ihiẹn Chuku mẹ ghọghọ; ndị ile gi ẹfan Osolobuẹ dọn ẹnya k'a dụ ẹka obi, ọnụ ile a tụ ntụ e kpuru.

Ọpụpụ 22:24

Onunu k'e bu m, e gi m ọpịa-agha gbupụ ụnụ, inyẹnmẹ ụnụ e họnrin ndị di wẹ nwụn, ụmụ ụnụ e họnrin ndị nwọnlẹni nẹdi.

Azaya 13:18

Ụta wẹ k'e gbu ikorọbịa; emẹkọ wẹ omikẹn mmụ-ẹka, emẹkọ wẹ omikẹn ụmụ-ndu.

Azaya 9:16

Ndị-ndu wẹ rị e dufie wẹ, e dula wẹ iwi.

Azaya 9:17

Ufiri ẹ, Osolobuẹ eleni ikorọbịa wẹ ẹnya ihun, o mẹdẹni omikẹn ụmụ-ẹka nwọnlẹni nẹdi lẹ nnẹ lẹ ikpoho di wẹ nwụn, makẹni ndịnị ile wụ ndị eje-omumẹ ghalẹni a tụ egun Osolobuẹ; ọnụ ile rị e ku eje-ihiẹn! Kanị, ihiẹnni ile arọkwọnị Osolobuẹ olulu, o wetukwọnị ẹka o gi e mẹshi wẹ ikẹn.

Jerimaya 12:3

Kanị y'a marịngụọ m, Osolobuẹ; ị hụ a hụn m, e lele kẹ m dọn e ro i. Dọkpụnrụn wẹ kẹ atụnrụn d'e gbu! Bu wẹ tọnị ụhụọhịn wẹ k'e gbu wẹ!

Jerimaya 14:16

Ọpịa-agha lẹ ụnwụn k'e gbuzikwọ ndị ahụn wẹ rị e buni amụma tọ ọgbara-ogbe Jerusalẹm. Onwọnkọ onyẹ k'e lini wẹ lẹ inyẹnmẹ wẹ lẹ ụmụ wẹ ikẹnnyẹ lẹ ikpoho. M jẹnkọ d'e hu afụnfụn ahụn furuni wẹ kpu wẹ.

Jerimaya 15:7

M k'a fụchan ndịnị kẹ ọka, imẹ obodo ile rị alịnị. M k'e gbunarịnsọnmẹ ndị nke m ịhịan, tikpọ wẹ, makẹni alatọnị wẹ eje-omumẹ wẹ.

Jerimaya 15:8

M k'e mẹ ikpoho wẹ di nwụnnahịn barahị, a karị wẹ ẹjan rị mkpẹnrẹn ohimin ọda. M k'e gi efinaị wẹhẹ onyẹ e tikpọnị d'e wiwi ndị nnẹ mụ ikorọbịa wẹ ihiẹn; e hukpu m wẹ eje-ihiẹn idẹnmuzi — hụn k'a fụgbu wẹ, tụgbu wẹ egun.

Jerimaya 50:30

Ufiri ẹ, agha hụ k'e gbu ikorọbịa a tọ ogbe ẹ; nke ndị-agha a k'a gụ ụhụọhịn ahụn. Mmẹ wụ Osolobuẹ ku ẹ.”

Jerimaya 9:21

Makẹni ọnwụn a ghagụọ windo ẹnyi nyinbanhan, o nyinbangụọ ebe ile zeni ẹnyi te a gbaban; o werigụọ ụmụ-ẹka rị ogbe e gu egu lẹ ikorọbịa rị ebe wẹ nọ e zu. Osolobuẹ sị:

Ẹkwan 1:15

Osolobuẹ a lagụọ ndị odogun-agha m tọ; o zigụọ ndị-agha d'a pịpịa ikorọbịa m ile. Osolobuẹ a zọpịpịagụọ Nwagbọọ wụ Juda kẹ w'e mẹ ebe wẹ nọ a zọ vaịnị.

Ẹkwan 5:3

Ẹnyi e họnringụọ ndị nwọnlẹni nẹdi, ndị nnẹ ẹnyi a wụrụgụọ ndị di nwụnnahịn.

Izikẹlụ 16:38

M k'a hangbu i eṅẹn lekẹ okpoho zọ ụkụ ye ọfịa lẹ onyẹ gbu ịhịan; m k'e gi olulu lẹ ẹnya hụ rị a fụnị m gbugwarị ị.

Izikẹlụ 22:25

“Ndị-amụma rịn'a a kịgbamagụọ, e mẹ kẹ ẹwọrọ rị e dẹnni, a dọrinrin anụ o gbu; wẹ hụ e gbu ịhịan; wẹ hụ e buru ihiẹn rị mma lẹ ihiẹn rị mkpa; wẹ hụ e gbunarịn ikpoho bu ọda rịn'a di wẹ.

Emọsụ 4:10

“E mẹ m ụnụ ihiẹn kẹ m dọn mẹ ndị Ijiptu; e gi m agha lẹ ọpịa-agha gbu ikorọbịa ụnụ; a napụ m ụnụ ẹshin ndị ahụn m napụ ụnụ; e mẹ m ishin ozun jun ebe ụnụ bi. Kanị, ụnụ egikwọn'a rogharị d'e kunrun m; Ya kẹ Osolobuẹ ku.

Ditrọnọmi 32:25

Ọpịa-agha k'a nọ ogbe a napụ wẹ ụmụ wẹ, egun e kwọn wẹ imẹ ụlọ a tụgbu wẹ. Ikorọbịa lẹ ịgbagba k'a nwụnla iwi — kẹ ụmụ-mkpodu kẹ ndị ẹgẹdi isi-ẹwọ.

Timoti Nke Ẹbụọ 4:14

Alẹzanda hụn a kpụ ụzụn kọpa mẹ m eje-ihiẹn ọda-ọda. Di-nwọnni-ẹnyi jẹnkọ d'a kụ a ụgwọ ihiẹn o mẹ.

Samuẹlụ Nke Ibuzọ 15:33

Kanị Samuẹlụ nọ sị a, “Kẹ ọpịa-agha ị dọn gba ikpoho ẹka nwa, ẹrịra kẹ nnẹ i k'a gba ẹka nwa.” Ya kẹ Samuẹlụ nọ nọ ihun Osolobuẹ imẹ Gil'galụ jakịka Agagị.