Jerimaya 17:4 - Ika

⁴ Ufiri ihiẹn ụnụ mẹ, ihiẹn m ye ụnụ jẹnkọ d'a nahịn ụnụ; m jẹnkọ d'e mẹ ụnụ wụrụ igbọn ndị iṅẹnrẹn ụnụ, makẹni ụnụ a kpasugụọ m iwe, gi ẹ fụnwun okẹn ọkụn jẹnkọ d'a dụnsọnmẹni.”

Jerimaya 17:4 ပူးပေါင်းရင်းမြစ်များ

Ndị-nze Nke Ibuzọ 9:7

ya wụ nị m k'e wepụ ndị Izrẹlụ imẹ alị m ye wẹ, a jụ m Ụlọ-nsọnị m dọngụ nsọ m gi e ye Ẹfan m ọghọ. Ogẹn ahụn, Izrẹlụ e họnrin eje-ihiẹn wẹ gi e lu ilu lẹ ihiẹn-ẹmụ ebe ndị alị ndị ọzọ rị.

Ndị-nze Nke Ẹbụọ 25:21

Eze Babilọnụ gha nọ imẹ Ribla rị alị Hamatị gbu wẹ. Ẹrịra kẹ wẹ dọnmẹ ẹka kpụnpụ ndị Juda alị wẹ, we wẹ shi alị ọzọ.

Nehemiah 9:28

Hụn ẹhụ gihụ fu wẹ, wẹ nọzị mẹ ihiẹn rịlẹni mma ẹnya ị, ị nọ la wẹ tọnị ndị-iṅẹnrẹn wẹ kịma. Ogẹn wẹ gi kwanghọsịzị ị, ị nọ gha elu-igwee nụ ẹkwan wẹ, mẹ omikẹn i zụọpụha wẹ mgbe ole-lẹ-ole.

Azaya 14:3

Ogẹn Osolobuẹ k'e gi ye ụnụ ezumikẹn, napụ ụnụ afụnfụn lẹ uhue lẹ ẹgbụn-igbọn rị ụnụ olu,

Azaya 30:33

O tekẹmẹkẹ wẹ kwademẹ Tofẹtị ebe wẹ nọ a dụn ihiẹn ọkụn; a kwademẹgụọ w'a tọnị eze. E mẹgụọ wẹ mgbugbu ọkụn a miwaye, shịawaye, ọkụn lẹ nkụn e jun ẹ; umẹrẹn Osolobuẹ hụn rị e hupụha lekẹ nsịn-ẹnyanwụn rị e nwun ọkụn, e d'a mụ ọkụn ye ẹ.

Azaya 5:25

Ịya haịn Osolobuẹ gi gi olulu sọn ndị nke ẹ; o weshi ẹka, titu wẹ: ugu e mẹhunmẹ, ozun e jun rịkẹ ẹfịfịa rị ụwaya. Kanị, ihiẹnni ile arọkwọn'a nwan olulu, echẹn kẹ ẹka a rịkwọ elu n'o tizi wẹ.

Azaya 50:11

Kanị, ụnụ ile hụn a mụyeni enwẹn ụnụ ọkụn, a mụyeni enwẹn ụnụ ukpẹ-ọwa, gi ni nwan ọkụn ndị ahụn ụnụ mụye ghama, ya lẹ ukpẹ-ọwa ndị hụ ụnụ mụye. Kanị, ihiẹn ụnụ jẹnkọ d'e nwọnhẹn ẹka m wụ ọnwan: ọnụ jẹnkọ d'e dinẹtọ imẹ eje-afụnfụn.

Azaya 66:24

Wẹ k'a gha a pụ d'e lee ozun ndị ahụn feni m isi, makẹni ọhọrị k'e rini wẹ anwụnkọ, ọkụn k'a rị a dụn wẹ etinyụnkọ. Wẹ k'a wụrụ ihiẹn-ize ẹnya ịhịan ile.”

Jerimaya 12:7

“M k'a jụ ụlọ m tọ, gbakitọ ihiẹn m azụụn; m k'e bu Izrẹlụ, okpoho nwẹn wụ obi m, che ẹka ndị-iṅẹnrẹn ẹ.

Jerimaya 15:14

M k'e gi i họnrin igbọn ndị-iṅẹnrẹn i imẹ alị ị marịnlẹni — makẹni m jẹnkọ d'e gi olulu mụye ọkụn hụn jẹnkọ d'a dụn ụnụ.

Jerimaya 16:13

M jẹnkọ nwan d'a gha alịnị ma ụnụ tuhu, ma ụnụ ye alị ụnụ marịnlẹni, ndị nẹdi ụnụ marịnlẹni, ụnụ a nọ ebẹhụ fe mmọn-lẹ-iyi ichẹn-ichẹn uhinhin lẹ efinnaị, makẹni emẹkọnị m ụnụ omikẹn.’

Jerimaya 18:23

Kanị Osolobuẹ, y'a marịnghọ kẹ wẹ dọn rị e zu eje-umẹ nị wẹ gbu m. Agbagharịkwọlẹ wẹ eje-ihiẹn wẹ mẹ! efinchanpụkwọlẹ njọ wẹ ebe ị rị. Ndị iṅẹnrẹn wẹ wẹ mẹri wẹ ru alị idẹnya ị. Mẹ wẹ ihiẹn ebe olulu i kelẹni rọ.

Jerimaya 2:14

Igbọn kẹ Izrẹlụ wụdẹ nwan ra? Igbọn kẹ wẹ mụd'a nwan? Kị haịn nwan o gi wụrụ ihiẹn wẹ e gbukwarị?

Jerimaya 21:12

Ụnụ ndị ikpụlọ Defidi, lekwọ nị ihiẹn Osolobuẹ ku: E gikwọ nị ezioku a kị ụhụọhịn-ụhụọhịn; a zụọpụhakwọ nị ndị wẹ rị a bịangbu ẹka ndị rị a bịangbuni wẹ — amamgbe m'e gi ufiri eje-ihiẹn ụnụ mẹ gi ọnụma m mẹ ụnụ ihiẹn lekẹ ebe ọkụn nọ a dụn, ọkụn wẹ jẹnkọlẹni d'e tinyụn.

Jerimaya 22:28

Okẹnnyẹni wụ Jehoyakini wụdẹ nwan mkpọkọ-ite hụn nwọnlẹni ihiẹn wẹ gi ẹ e mẹ — ra ọ wụ ihiẹn wẹ k'a mahu? Kị wẹ k'a kpụnrụnnị ya lẹ ụmụ a shi alị ọzọ? Kị wẹ k'a manị wẹ ye alị wẹ marịnlẹni?

Jerimaya 5:19

Wẹ jụma, ‘Kị haịn Osolobuẹ wụ Chuku ẹnyi gi mẹ ẹnyi ihiẹnni ile?’ Ị k'a sị wẹ, ‘Kẹ ụnụ dọn latọ m d'e femẹ mmọn ndị alị ọzọ imẹ alị ụnụ, ẹrịra kẹ ụnụ k'a ta nwan afụnfụn fe ndị alị ọzọ imẹ alị wụlẹni nke ụnụ.’

Jerimaya 5:29

Kị wụ nị eyekọ m wẹ afụnfụn ihiẹnni?” Ya kẹ Osolobuẹ ku; “Kị wụ n'e mẹgwarịkọ m alị nọ ẹnịna?

Jerimaya 7:20

Ufiri ẹ, Di-nwọnni-ẹnyi wụ Osolobuẹ sị, ‘M k'e gi okẹn olulu mẹ alịnị ihiẹn — kẹ ịhịan kẹ anụ kẹ osisi rị ọfịa kẹ ihiẹn gha alị pupụha; o k'a dụn kẹ ọkụn, ọ dụbehikọ.’

Ẹkwan 1:12

Onwọnni ihiẹn ọ wụ ụnụ ẹnya — ụnụ ile ndị rị a ghafeni? Lehunmẹ ni ẹnya nị ụnụ hụn: O nwọnghọ afụnfụn nọ kẹ afụnfụn wẹ ye m, afụnfụn hụn Osolobuẹ ye m ogẹn o gi ghọsị okẹn iwe rị e wen'ẹ?

Ẹkwan 5:2

Ndị ẹnyi marịnlẹni e werigụọ alị ẹnyi, itumunyẹ e werigụọ ụlọ ẹnyi.

Izikẹlụ 21:31

M k'e hu ọnụma m kpu i, fụ olulu ọkụn m kpu i; m k'e we i che ẹka ndị ẹfọ jọ, ndị ahụn marịn ẹnya ntikpọ.

Izikẹlụ 7:24

M k'e wẹhẹni wẹ alị ẹfọ kachanrịn a jọ, a narịn wẹ wẹ ụlọ wẹ; m k'a napụ ndị hụ zegbu enwẹn wẹ isi hụ wẹ rị a nyan; wẹ k'e mẹrụ ebe ile rị nsọ w'a nọ e fe ofufe.

Ditrọnọmi 28:25

Osolobuẹ k'a nị ndị iṅẹnrẹn ụnụ mẹri ụnụ. Ụnụ k'a ghaha azụụn ohu bịa d'a maye wẹ, kanị ụnụ k'a gbayịya azụụn ẹsa ebe ụnụ gbakọnị wẹ, ndị alị-eze ile rị elu-ụwa nụ ihiẹn mẹni ụnụ e be wẹ ọrịọ.