Jerimaya 16:15 - Ika

¹⁵ Wẹ k'a gha a sị, ‘Ma Osolobuẹ hụn gha alị rị ẹbamịn-ugu lẹ alị ile o te chụshi ndị Izrẹlụ wekinhẹn wẹ alị wẹ.’ Makẹni m jẹnkọ d'e wekinhẹn wẹ alịnị hụn m ye ndị nẹdi wẹ kanị.

Jerimaya 16:15 ပူးပေါင်းရင်းမြစ်များ

Jẹnẹsisi 28:15

Lee ẹnya, mmẹ lẹ yụ wị! M k'e chemẹ i ebe ọwụlẹ i k'e jẹn; m k'e wekinhẹnzi i alịnị. Onwọnni ogẹn m'e gi la ị tọ d'e ru n'e mẹzuchanrịn m ihiẹn m kwe i nkwa a.”

Ẹbụ-ọma 106:47

Osolobuẹ Chuku ẹnyi, dodo zụọpụha ẹnyi dodo wepụha ẹnyi alị ndị gisọnmẹni ẹnyi, kẹni ẹnyi kpanmịn ẹfan nsọ ị, a ja ị mma, e gi ẹ a dụ ẹka obi.

Azaya 14:1

Osolobuẹ jẹnkọ d'e mẹ omikẹn ebọn Jekọpụ; o k'a họrịzị ebọn Jekọpụ wụ Izrẹlụ, mẹ wẹ birizi alị wẹ. Ndị alị ọzọ k'e sọn wẹ biri ebẹhụ, wẹ lẹ ikpụnọ Jekọpụ e họnrin ohu.

Jerimaya 12:15

M huepụgụ ndị alị ndị ahụn ile, m k'e mẹni Izrẹlụ omikẹn, wekinsọnmẹ onyẹ-onyẹ ukuu ẹ lẹ alị a.

Jerimaya 23:3

Mmẹ lẹ enwẹn m k'e kpọngbama ndị nke m k'a nwụnhọdụnị imẹ alị ndị ahụn m chụshi wẹ, wekinhẹn wẹ alị wẹ hụn wẹ nọ e rijun ẹfọ, alị w'a nọ mụba, buwaye ọda.

Jerimaya 23:7

“Mmẹ wụ Osolobuẹ rị nwan e ku ẹ nị ogẹn lala, asịkọzị wẹ, ‘Ma Osolobuẹ hụn gha alị Ijiptu wepụha ndị Izrẹlụ.’

Jerimaya 23:8

Wẹ k'a gha a sị, ‘Ma Osolobuẹ hụn gha alị rị ẹbamịn-ugu lẹ alị ile o te chụshi ndị Izrẹlụ wekinhẹn wẹ alị wẹ.’ Makẹni, ogẹn ahụn wẹ k'e birizi alịnị hụn wụ nke wẹ.”

Jerimaya 24:6

M sikọ d'e lepụ wẹ ẹnya ọhụnma ebẹhụ. M k'e wekinhẹnzi wẹ ebeni. M k'a tụnshi wẹ elu, ẹlẹ m k'a kụtu wẹ; m k'a kụn wẹ, ehuepụkọ m wẹ.

Jerimaya 29:14

M k'a nị ụnụ hụn m; m k'e wepụha ụnụ ẹka ndị gini ụnụ, wekinhẹn ụnụ. M jẹnkọ d'a gha alị ile lẹ ebe ile m chụye ụnụ wẹhẹzi ụnụ ebeni — e mẹ m n'ọ rịzịnị ụnụ mma, wekinhẹn ụnụ ebe m gha kpụnrụn ụnụ.’ Ya kẹ Osolobuẹ ku.

Jerimaya 3:18

O ru ogẹn ahụn, ikpụlọ Juda k'a bannị ikpụlọ Izrẹlụ. Wẹ ile k'a wị gha alị rị ẹbamịn-ugu lụaha alịnị m ye ndị nẹdi ụnụ kanị weri nị ya wụ ukuu wẹ.

Jerimaya 30:10

“Odibo m wụ Jekọpụ, atụkwọlẹ egun; ẹghẹẹ, Izrẹlụ anịlẹ ndụn gụ ị. M jẹnkọ d'a gha alị hụ teni zụọpụha ụnụ; m jẹnkọ d'a zụọpụha ụmụ ị ẹka alị hụ gini wẹ. Ẹghẹẹ, Jekọpụ jẹnkọ d'e bi udọn lẹ ndọnkwa; onwọnzini onyẹ k'e rọn ẹ egun.

Jerimaya 30:3

Ogẹn lala hụn m k'e gi wepụha ndị nke m wụ ndị Izrẹlụ lẹ ndị Juda ẹka ndị gini wẹ, mẹzi n'ọ rịnị wẹ mma imẹ alịnị m ye ndị nẹdi wẹ kanị weri.’ Ya kẹ Osolobuẹ ku.”

Jerimaya 31:8

M jẹnkọ d'a gha alị hụ rị ẹbamịn-ugu wekinhẹn wẹ, gha ebe ile wẹ rị imẹ ụwa welụa wẹ. Ndị ẹnya-ishi lẹ ndị ngụrọ k'a rịdẹ imẹ wẹ, kẹ ikpoho rị imẹ lẹ ndị imẹ rị e mẹ, igunrun ahụn k'a lụanị k'e hi-ogbe.

Jerimaya 32:37

‘M jẹnkọ d'a gha alị ile m gi olulu m rị a dụn kẹ ọkụn lẹ okẹn-ọnụma m chụshi wẹ wepụhazị wẹ, welụa wẹ ebeni, e mẹ m wẹ biri ẹ udọn lẹ ndọnkwa.

Jerimaya 50:19

Kanị m k'e welụa Izrẹlụ alị wẹ wẹ nọ a kpa nni. Wẹ k'a nọzị ugu Kamẹlụ lẹ alị-aradan Bashanị e ri, ebẹhụ ihiẹn-oriri jun, nọzị elu-òke Ifrem lẹ ẹgbẹrẹ Gilẹdị e ri ihiẹn gụnị wẹ.

Izikẹlụ 36:24

“M sikọ nwan d'e weri ụnụ imẹ alị ndị ọzọ, e wegbama m ụnụ welụa alị ụnụ.

Izikẹlụ 39:28

Izrẹlụ sikọ d'a marịn nị mmẹ wụ Osolobuẹ wụ Chuku wẹ, ogẹn m'e gi chụshigụ wẹ alị ndị ọzọ, kpọnlụazị wẹ alị wẹ. Onwọnni onyẹ ọwụlẹ imẹ wẹ m k'a latọzị ebẹhụ.

Juwẹlụ 3:1

“Osolobuẹ sị: Ogẹn ahụn, m mẹgụ n'ọ rịzị nị Juda lẹ Jerusalẹm mma,

Emọsụ 9:14

M k'e wekinhẹn ndị nke m wẹ kpụnrụn alị wẹ; a tụndọnzi wẹ obodo wẹ ile tikpọnị, birisọnmẹ imẹ wẹ. Wẹ k'a kụn vaịnị, ra manya a; wẹ k'a rụn ugbo, ri ihiẹn rị imẹ ẹ.

Emọsụ 9:15

M jẹnkọ d'a kụn Izrẹlụ ye alị wẹ, onwọnni ogẹn wẹ e gi bụpụzị wẹ alị hụn m ye wẹ.” Osolobuẹ wụ Chuku ụnụ e kugụọ a!