Jerimaya 15:6 - Ika

⁶ Osolobuẹ sị, ‘Y'a jụgụọ m; ọdanpụ-ọdanpụ kẹ y'a danpụsọnmẹ. M jẹnkọ nwan d'e mẹshi i ikẹn, tikpọ ị; ẹlẹ m k'e mẹzi omikẹn i.

Jerimaya 15:6 ပူးပေါင်းရင်းမြစ်များ

Azaya 1:4

Eje-alịnị! Ndịnị njọ jun ihun lẹ azụụn! Ụmụ hụn e mẹ eje-ihiẹn eje-ihiẹn; ụmụ rụnị! A gbakitọgụọ wẹ Osolobuẹ azụụn; a jụgụọ wẹ Onyẹ-nsọ Izrẹlụ, ya lẹ wẹ arịzị kaka!

Azaya 28:13

Wẹ k'a gwama wẹ oku Osolobuẹ ẹnịna: e ku e kudọnzi, e ku e kudọnzi, a kọwa, a kọwadọnzi — ẹkẹrẹ ebeni, ẹkẹrẹ ebahụn — kẹni wẹ danshi azụụn, rụ ẹhụ, dan ọnyan, a nwụnrụn wẹ wẹ.

Azaya 31:3

Ịhịan mmaka kẹ ndị Ijiptu ụnụ gi dọn ẹnya wụ, ẹlẹ wẹ Chuku; ẹhụ mmaka kẹ ẹshin wẹ ndị ahụn nwọn, ẹlẹ wẹ mmọn! Osolobuẹ tịnpụhụ ẹka mẹ wẹ ihiẹn, onyẹ bịa d'e ye ẹka a kpọgburu, onyẹ wẹ rị e yeni ẹka a dan, wẹ ẹbụbụọ a dangungwọn, nwụnhụn.

Jerimaya 1:16

M k'a hangbu ndị nke m eṅẹn makẹ ihiẹn jọgbu enwẹn ẹ wẹ mẹ ebe wẹ nọ gbakitọ m azụụn ebe wẹ nọ mụyeni mmọn nsẹnsi, ebe wẹ nọ fe ihiẹn ẹka wẹ mẹmẹ.

Jerimaya 13:14

M k'e se isi lẹ isi gbetarị, isi ndị nẹdi lẹ ụmụ wẹ, anịkọ m omikẹn mọbụ ebere wẹ mẹ m etikpọlẹ wẹ.’ ” Ya kẹ Osolobuẹ ku. Jerimaya sị,

Jerimaya 2:13

“Ndị nke m e mẹọlẹ njọ ẹbụọ: a latọgụọ wẹ m, mmẹ hụn wụ isi-mirin e ye ndụn; e gurusọnmẹgụọ wẹ ọmị, ọmị gbawanị ghalẹni e che mirin.

Jerimaya 2:17

Ẹlẹ ụnụ gi ẹka ụnụ dọrị ihiẹnni ebe ụnụ nọ gbakitọ Osolobuẹ wụ Chuku ụnụ azụụn ogẹn o gi dukọ ụnụ ụzọ?

Jerimaya 2:19

Eje-omumẹ ụnụ jẹnkọ d'e ye ụnụ afụnfụn; ọkpahu ụnụ rị a kpahu k'a jụgbọ ụnụ. Gi n'ẹ nwan marịn, gi ẹ hụn nị ihiẹn jọgbu enwẹn ẹ lẹ nsọngbu k'ọ wụ, nị ụnụ gbakitọ m azụụn, mmẹ, Osolobuẹ wụ Chuku ụnụ, tụbehi egun m. “Ya kẹ Di-nwọnni-ẹnyi wụ Osolobuẹ ihiẹn ile rị okpuru ẹ ku.

Jerimaya 20:9

M sị ‘Ekukọzị m banyeni Osolobuẹ, Egikọzị m ẹfan a ku,’ oku ẹ a dụnma m kẹ ọkụn imẹ obi, ọkụn hụn rị m imẹ ọkpụkpụ, ẹhụ a rọ m m gi e kwọndọn ẹ — ọ nịkọ m kwọndọn!

Jerimaya 44:22

Makẹni Osolobuẹ asazịnị ẹka din eje-ihiẹn lẹ arụ ile ụnụ rị e mẹ haịn alị ụnụ gi nwan wụrụ ihiẹn wẹ gi a bụ ọnụ lẹ ebe gba okpokoro la iwi, alị ịhịan bizilẹni, k'o dọn rị tannị.

Jerimaya 6:11

Kanị olulu hụn rị e bu Osolobuẹ junzikwọ mmẹ nwẹn obi, nkewụnị asa m ẹka dinzi ẹ. Osolobuẹ nọ sị Jerimaya, “Hu ẹ nwan kẹ mirin kpu mmụ-ẹka rị ọgbara-ogbe, y'e hu ẹ kpu ikorọbịa ebe wẹ rị e zu; huzikwọ a kpu di lẹ nwunyẹ, y'e hudẹ ẹ kpu ndị ẹgẹdi kakpụkpọgụnị.

Jerimaya 6:12

Ụlọ wẹ jẹnkọ d'a bansọnmẹ ndị ọzọ ẹka, ya lẹ ugbo wẹ lẹ inyẹnmẹ wẹ — makẹni m k'e mẹshi ndị bi alịnị ikẹn.” Ịya kẹ Osolobuẹ ku.

Jerimaya 6:19

Elu-ụwa ile, gọnkwọ ntịn: m welanị ndịnị ntikpọ — ịya wụ erere eje-ihiẹn wẹ mama, makẹni egini wẹ oku m dọn, makẹni edọnmẹni wẹ iwu m.

Jerimaya 7:16

“Jerimaya, emẹlẹni ndịnị ekpere; akwanghọsịlẹ m banyeni wẹ; arịọlẹni wẹ — arịọlẹ m, nị ẹlẹ m k'e gọnkwọ ị ntịn.

Jerimaya 7:24

Kanị, egọndẹni wẹ ntịn, achọdẹni wẹ nị wẹ nụ; a gbasọnmẹdẹ wẹ isi-akwanran, mẹsọnmẹ ihiẹn eje-obi wẹ ye wẹ. Hụn nkẹ w'e gi e shi ihun, wẹ hụ a la azụụn.

Jerimaya 8:5

Kị haịn nwan ndịnị gi a kpahusọnmẹ? Kị haịn Jerusalẹm gi a latọsọnmẹ m? E kwọnkẹnmẹ ihiẹn rị e dufieni wẹ, jụ nị ekinhẹnkọ wẹ?

Jerimaya 8:9

Ndịnị ụnụ sị marịn ihiẹn jẹnkọ d'a fa! Ndụn k'a gụ wẹ; wẹ k'a danban ọnyan. Ebe o mẹni a jụgụọ wẹ oku Osolobuẹ, elee amamihiẹn kẹ wẹ nwọnzi?

Izikẹlụ 14:9

“Omẹni onyẹ-amụma amarịn n'e dufiegụọ w'a, o ku ihiẹn ọwụlẹ, mmẹ dufie ẹ. M k'e tikpọ a, wepụ a imẹ ndị nke m Izrẹlụ;

Izikẹlụ 25:7

m k'a tịnpụ nwan ẹka mẹ ụnụ ihiẹn, we ụnụ ye alị ndị ọzọ gbukwarị. M k'e tikpọchanrịn ụnụ, ụnụ a wụbehi alị nọkẹ ndị ọzọ. M k'e tikpọ ụnụ, ụnụ e gi ẹ marịn nị mmẹ wụ Osolobuẹ.’

Izikẹlụ 35:3

sị, ‘Osolobuẹ Nwọn Ihiẹn Ile sị: Mmẹ lẹ yụ rọ, Ugu Sẹẹ, ẹka m k'e bitụ ị, e mẹ m'i gba okpokoro, mẹ i la iwi.

Hosia 11:7

Ndị nke m sị wẹ k'a larịrị m tọ. Wẹ kpọku onyẹ wẹ sị ya kẹ wẹ rị e fe n'o d'e yeni wẹ ẹka, kanị onwọnni onyẹ k'e yeni wẹ ẹka, onwọnni onyẹ k'e welini wẹ.

Hosia 13:14

Nị m gbapụha wẹ nwan ẹka ọnwụn? Nị m gbapụha wẹ nwan ẹka ili! Ọnwụn! Wẹhẹchanrịn ihiẹn ile i gi e gbu! Alị-mmọn! Wẹhẹchanrịn ihiẹn ile i gi e tikpọ! Emẹkọzị m omikẹn ndịnị!

Hosia 4:16

“Ndị Izrẹlụ ẹbamịn-ugu wụ isi-akwanran rịkẹ onyẹnnyẹ-efin ghalẹni a nụ ihiẹn! Nanị Osolobuẹ e dọn nwan du wẹ kẹ atụnrụn d'e ri ẹfịfịa-oyiyi rijun ẹfọ?

Zẹfanaya 1:4

M k'a tịnpụ ẹka mẹ alị Juda ihiẹn, ịya lẹ ndị ile bi isi-alị wẹ wụ Jerusalẹm. M sikọ d'a zapụchanrịn mmọn Baalụ lẹ ihiẹn ile gbashịarịn'a ebeni, a zapụ m ndị ihẹnrẹn-mmọn Baalụ, anyanhankọzị wẹ wẹ!

Zẹkaraya 7:11

Kanị ndị nẹdi ụnụ egọnni ntịn. A gbama wẹ isi-akwanran, kụkin ntịn wẹ amamgbe w'a nụ;