Jerimaya 14:20 - Ika

²⁰ Euu, Osolobuẹ, ẹnyi e kwerigụọ nị ẹnyi e mẹọlẹ njọ lẹni ndị nẹdi ẹnyi mẹ njọ; ẹnyi e mẹgụọ ị njọ nke-esi.

Jerimaya 14:20 ပူးပေါင်းရင်းမြစ်များ

Samuẹlụ Nke Ẹbụọ 12:13

Ya Defidi nọ sị Natanị, “E mẹọlẹ m Osolobuẹ njọ.” Natanị nọ sị, “Ẹghẹẹ, kanị Osolobuẹ a gbagharịgụọ ị njọ, isi i atọk'a.

Samuẹlụ Nke Ẹbụọ 24:10

Defidi a gụngụ ndị-agha, obi nọ gbumẹ ẹ mgbu ọda-ọda, ọ nọ sị Osolobuẹ, “Okẹn njọ kẹ m mẹ ihiẹnni. Dodo Osolobuẹ, m rị nwan a rịọ ị, gbagharị odibo i. E mẹgụọ m ẹregede ihiẹn-nzuzu.”

Nehemiah 9:2

Ndị wụ ndị Izrẹlụ kẹti-kẹti e wepụgụọlẹ enwẹn wẹ ebe ndị alị ọzọ ile rị. Ya wẹ nọ nọ ebe wẹ wuzo kupụha njọ wẹ lẹ njọ ndị nẹdi wẹ kanị.

Jobu 33:27

Ogẹn ahụn, ọ gwama ịhịan, ‘E mẹọlẹ m njọ, kpọ ihiẹn rị mma eje-ihiẹn, kanị Chuku egichanrịnnị ihiẹn ile m mẹ sọn m.

Ẹbụ-ọma 32:5

Ya kẹ m nọ kweri gwa ị n'e mẹọlẹ m njọ; ezuemẹzinini m'ị njọ m; e sị m enwẹn m, “M jẹnkọ d'a gwaghọsị Osolobuẹ eje-ihiẹn ndị m mẹ.” Ya ị nọ gbagharị m njọ m. Sẹla

Jerimaya 14:7

Ezioku-ezioku njọ ẹnyi a shịagbugụọ ẹnyi ẹri, Dodo Osolobuẹ, gi ufiri ẹfan ị tụnị ẹnyi ụya, nị ẹnyi a danpụọlẹ ọda-ọda, ẹnyi e mẹọlẹ i njọ.

Jerimaya 3:13

Ka kwerihụ nị y'e mẹọlẹ njọ, nị y'e nupụgụọ isi okpuru Osolobuẹ wụ Chuku i, y'e wegụọ enwẹn i kwanị mmọn alị ọzọ rị ichẹn-ichẹn okpuru osisi ọwụlẹ duni, y'e mẹni ihiẹn m sị ị mẹ.” Ya kẹ Osolobuẹ ku.

Jerimaya 3:25

Nị ẹnyi gi ifẹnrẹn ihiẹn ẹnyi mẹ dan alị, nị ẹnyi nị ifẹnrẹn ihiẹn ẹnyi mẹ ru ẹnyi ẹhụ. Ẹnyi e mẹgụọ Osolobuẹ wụ Chuku ẹnyi njọ — kẹ ẹnyi kẹ ndị nẹdi ẹnyi; ghakwọrị ebe ẹnyi rị nwata d'e ru tannị, ẹnyi e ara humẹni Osolobuẹ wụ Chuku ẹnyi isi.”

Jerimaya 8:14

Ndị alịnị k'a sị, “Kị ẹnyi nọdịzịnị nwan ebeni? Kokomẹ ni nị ẹnyi gbashi obodo ẹnyi ndị ẹnyi tụnhunmẹ mgbọn omẹni ọnwụn rọ, ẹnyi a nọ ebẹhụ nwụn — ebe o mẹni Osolobuẹ wụ Chuku ẹnyi a magụọ ẹnyi ikpe-ọnwụn, o yegụọ ẹnyi afụnfụn ra lekẹ mirin wẹ buche nshi, makẹni ẹnyi e mẹgụọ a njọ.

Ẹkwan 1:20

Euu, Osolobuẹ, dodo lee nsọngbu m! Imẹ ẹhụ rị e nwụn m ọkụn, obi eruni m alị, makẹni e nupụgụọ m isi ọda-ọda. Ọpịa hụ e gbu ndị ọ rị e gbu ogbe; ọnwụn hụ e gbu mmụlọ.

Ẹkwan 3:42

“Ẹnyi e mẹgụọ njọ, nupụ isi, yụ nwẹn a jụgụọ nị y'a gbagharịkọ ẹnyi.

Ẹkwan 5:7

Ndị nẹdi ẹnyi mẹ njọ bụ arịzị wẹ nwan ndụn, ẹnyi rị nwan a ta afụnfụn njọ wẹ.

Daniẹlụ 9:15

“Dodo nwan, Di-nwọnni-ẹnyi wụ Chuku ẹnyi, hụn gi ikẹn hi-ogbe gha Ijiptu wepụha ndị nke i, gi ẹ nwọnrin ẹfan d'e ru tannị, ẹnyi e mẹọlẹ njọ, ẹnyi e mẹọlẹ ihiẹn jọgbu enwẹn ẹ.

Emọsụ 7:2

E rigụ wẹ irurue rị alịnị, m nọ sị, “Di-nwọnni-ẹnyi Osolobuẹ, dodo gbagharị! Nị ụmụ Jekọpụ sa ẹka hụn isi? E mẹkẹkwọ wẹ ẹkẹrẹ!”