Jerimaya 12:16 - Ika

¹⁶ Kanị omẹni a mụnarịn wẹ ndị nke m, bimẹ kẹ ndị nke m nke-esi, kunmẹ ẹfan m, a sị, ‘Ma Osolobuẹ’ rịkẹ kẹ wẹ dọn kuzi ndị nke m ikun Baalụ mbụ, a wụrụ wẹ ndị nke m, a gha wẹ ihun.

Jerimaya 12:16 ပူးပေါင်းရင်းမြစ်များ

Ẹbụ Solomọnụ 1:8

Euu, okpoho hụn kachanrịn ikpoho ile mma, omẹni y'a marịn ebẹhụ, sọnmẹhụ ụkụ atụnrụn ndị hụ, n'ị nọ ẹhụ ọdụ ndị e du atụnrụn ye ụmụ ewu i ihiẹn-oriri.

Azaya 2:3

Alị bu ọda jẹnkọ d'a rị a sị, “Bịa nị, nị ẹnyi shi ni Ugu Osolobuẹ, nị ẹnyi jẹn ni Ụlọ-nsọ Chuku Jekọpụ. O k'a kuzi ẹnyi ụzọ a, nị ẹnyi hụn ụzọ e sọn ụzọ a.” Iwu Osolobuẹ k'a gha Zayọnụ a pụha; oku Osolobuẹ k'a gha Jerusalẹm a pụha.

Azaya 42:6

ọ sị, “Mmẹ wụ Osolobuẹ kpọ ị ọkpụkpọnị furuni; m k'e kwọndọn i ẹka. M k'e dọnmẹ i, gi i họnrin onyẹ hụn mmẹ lẹ ndịnị gha ẹka a e mẹgbama, mẹ i wụrụzịkwọ ukpẹ ndị alị ọzọ

Azaya 45:23

E kungụọ m enwẹn m, ku ihiẹn m ku; a shịapụgụọ m ọnụ ku ihiẹn wụchanrịn ezioku — oku hụn m jẹnkọlẹni d'a kagbu, nị, mkpụkụ ọwụlẹ jẹnkọ d'e gbuni m osekpu, ọnụ ile jẹnkọ d'e ku ẹ ni mmẹ wụ Osolobuẹ.’

Azaya 49:6

ọ sị: “Onwọnni ihiẹn ọ wụ n'ị wụhụ odibo m hụn k'e wekinhẹn ebọn Jekọpụ ọnọdị wẹ, hụn k'e wekinhẹn ndị Izrẹlụ m dọnmẹ ndụn; m k'e mẹzi i wụrụnị alị ndị ọzọ ile ukpẹ, kẹni i we nzụọpụha m ru ebe ile ụwa ru.”

Azaya 65:16

Ogẹn ahụn, onyẹ ọwụlẹ chọ nwan n'ọ gọzi ịhịan o gi ẹfan Chuku ezioku gọzi; onyẹ chọ n'o kun iyi, o kun ẹfan Chuku ezioku. Anyanhankọzị wẹ nsọngbu isi-ibuzọ, makẹni mmẹ nwẹn wụ Osolobuẹ arịzị a hụn wẹ.

Jerimaya 16:19

Euu, Osolobuẹ, Ikẹn m lẹ Ebe m'a gbaban, Onyẹ m'e gbọnni ogẹn nsọngbu! Ndị alị ile rị elu-ụwa jẹnkọ d'e buruhẹ i, sị ị, “Mmọn ndị ahụn ndị nẹdi ẹnyi fe ẹlẹ Chuku nke-esi, ihiẹn wẹ kpụhụ kẹ wẹ wụ o nwọnni erere wẹ bannị wẹ.

Jerimaya 18:8

nị ndị ahụn m gwa oku e bihutọ ẹka, latọ eje-ihiẹn wẹ rị e mẹ, mmẹ nwẹn sikọ d'e rohutọ, emẹkọzị m wẹ ihiẹn m te sị nị m k'e mẹ wẹ.

Jerimaya 3:17

O ru ogẹn ahụn, wẹ k'a kpọ Jerusalẹm Ukpo-eze Osolobuẹ, alị ile k'a gha e zu imẹ Jerusalẹm ebẹhụ d'e ye ẹfan Osolobuẹ ọghọ. Esọnkọzị wẹ eje-obi wẹ hụn wẹ gi a gba isi-akwanran.

Jerimaya 4:2

omẹni ụnụ hụ e gi ezioku lẹ ẹka rị mma lẹ ezi-omumẹ a sị, ‘Ma Osolobuẹ’ ụnụ gi e kun ẹfan m ogẹn ahụn alị ndị ọzọ e gi ẹfan Osolobuẹ gọzimẹ ibe wẹ, gi Osolobuẹ nyanma isi.”

Jerimaya 5:2

Ọsụọn'a wẹ kun ẹfan m, ntụ kẹ wẹ rịkwọ a tụ!”

Jerimaya 5:7

Osolobuẹ sị, “Nanị m'a dọn gbagharị ị? Mmụ ị a lagụọ m tọ, hịma mmọn ichẹn-ichẹn furulẹni wẹ fe. Ọsụọn'a nị m yesọnmẹ wẹ ihiẹn ile rị wẹ mkpa, wẹ hụzịkwọ a ghẹrẹ, e rujẹn nke ndị ịgbaraja.

Jerimaya 6:16

Osolobuẹ sị, “Turu ni nwan ẹbụ-ẹnọ lehunmẹ ẹnya; jụ nị kẹ elee hụn wụ ụzọ ahụn rị ẹdẹi — jụ nị ukwere ụzọ hụ rị mma, ụnụ a gha a, kẹn'ọ rịnị ụnụ mma. Kanị ụnụ sị, ‘Ẹnyi aghakọ a.’

Zẹfanaya 1:5

M k'e gbuchanrịn ndị ile a nọ elu ụlọ wẹ a rụa kokisẹ, ifọn lẹ ẹnyanwụn; ndị a kụnị Osolobuẹ isi alị e kun Osolobuẹ, e kunzikwọ mmọn wụ Molẹkị,

Zẹkaraya 1:6

Kanị, ihiẹn ile m zi idibo m ndị-amụma d'a gwa ndị nẹdi ụnụ nị m k'e mẹ wẹ e mẹghọ wẹ, ẹlẹ ya? Ya kẹ ndị nẹdi ụnụ nọ nwan rohutọ, sị, ‘Ihiẹn ahụn Osolobuẹ wụ Chuku ẹnyi sị o k'e mẹ ẹnyi makẹ eje-omumẹ ẹnyi lẹ eje-ihiẹn ẹnyi mẹ k'o mẹ nwan ẹnyi.’ ”

Zẹkaraya 2:11

O ru ogẹn hụ, alị bu ọda jẹnkọ d'a banyeni mmẹ wụ Osolobuẹ, e họnrin wẹ ndị nke m — e sọn m ụnụ biri.” Ogẹn hụ, ụnụ a marịn nị Osolobuẹ ihiẹn ile rị okpuru ẹ lẹ enwẹn ẹ zi mmẹ wụ Zẹkaraya d'a gwa ụnụ oku.

Ndị Rom 11:17

Omẹni wẹ kwapụsọnmẹ agala olivu wẹ kụn, we ụnụ wụ agala olivu-ọfịa che olivu hụ d'e sọn agala ndị họdụnị ri erere rị olivu hụ,

Ndị Rom 14:11

Makẹni Ẹkụkwọ-nsọ sị, “Di-nwọnni-ẹnyi sị, ‘Ma isi m, onyẹ ọwụlẹ jẹnkọ d'e gbuni m osekpu; ọnụ ile k'e ku ẹ nị mmẹ wụ Osolobuẹ!’ ”

Ndị Kọrẹntị Ibuzọ 3:9

Makẹni ẹnyi lẹ Osolobuẹ gba a rụn; ụnụ wụ ugbo Osolobuẹ, ụlọ Osolobuẹ rị a tụn.

Joshụa 23:7

Esọnkwọlẹ ni alị ndịnị họdụ imẹ igunrun ụnụ kpa; akpọkwọlẹ ni ẹfan mmọn-lẹ-iyi wẹ mọbụ kun wẹ. Efekwọlẹ ni wẹ mọbụ kpọnị wẹ isi alị.

Rutu 3:13

Nọdị nwan ebeni uhinhinni; eki fọn, n'o kweri n'o k'e wuzon'i, ọ hụ mma, ya mẹ ẹ; kanị ọ sị ọ sakọ ẹka, ma Osolobuẹ, m k'e mẹ ẹ. Dinẹhụ nị eki fọngụ.”