Jerimaya 11:22 - Ika

²² Ya Osolobuẹ ihiẹn ile rị okpuru ẹ nọ nwan sị, “M jẹnkọ d'e ye wẹ afụnfụn. Ọpịa-agha k'e gbu ikorọbịa wẹ la iwi; ẹgụn e gbu ụmụ wẹ ikẹnnyẹ lẹ ikpoho.

Jerimaya 11:22 ပူးပေါင်းရင်းမြစ်များ

Ihiẹn Mẹni Nke Ẹbụọ 36:17

Osolobuẹ nọ zihẹni wẹ Nebukadineza, eze ndị Kal'di, ndị alị Babilọnụ. Nebukadineza nọ gi ọpịa-agha gbu ikorọbịa wẹ imẹ Ụlọ-nsọ kẹti-kẹti. Ọ latọnị okorọbịa, ọ latọnị nwagbọọ; ọ latọnị okẹnnyẹ-ọba, ọ latọnị ẹgẹdi. Osolobuẹ buchanrịn wẹ ile che Nebukadineza ẹka.

Jerimaya 18:21

Ẹgụn ya gbu nwan ụmụ wẹ. Wẹ gi ọpịa-agha gbu wẹ. Di lẹ ụmụ, wẹ nwụnnahịn ikpoho wẹ; emu ya gbu ikẹnnyẹ wẹ, ọpịa-agha ya gbu ikorọbịa wẹ tọ imẹ agha.

Jerimaya 21:14

Kanị, m jẹnkọ d'e ye ụnụ afụnfụn ihiẹn ụnụ mẹ. Mmẹ wụ Osolobuẹ ku ẹ. M k'a mụ ọkụn ye ẹgboko ụnụ hụ, ọkụn hụn k'a dụnpụ ihiẹn ile rị ebe ụnụ rị.’ ”

Jerimaya 44:13

M k'e gi agha, ẹgụn lẹ eje-emu ye ndị bi alị Ijiptu afụnfụn kẹ m dọn ye ndị rị obodo Jerusalẹm.

Jerimaya 49:26

Ẹghẹẹ, agha k'e gbu ikorọbịa a tọ ọgbara-ogbe ndị rịn'a; nke ndị-agha a k'a gụ ụhụọhịn hụ.” Ya kẹ Osolobuẹ ihiẹn ile rị okpuru ẹ ku.

Jerimaya 9:21

Makẹni ọnwụn a ghagụọ windo ẹnyi nyinbanhan, o nyinbangụọ ebe ile zeni ẹnyi te a gbaban; o werigụọ ụmụ-ẹka rị ogbe e gu egu lẹ ikorọbịa rị ebe wẹ nọ e zu. Osolobuẹ sị:

Ẹkwan 2:21

Kẹ ụmụ-ẹka kẹ ndị ẹgẹdi e fiẹnrinsọnmẹ imẹ uzunzun rị ụzọ; kẹ ikorọbịa m kẹ ịgbagba m, e gigụọ wẹ ọpịa-agha gbu wẹ. Y'e gbugụọ wẹ ụhụọhịn ahụn ị ghọsị olulu i; y'a jagbu wẹ — y'e mẹni omikẹn.

Emọsụ 4:10

“E mẹ m ụnụ ihiẹn kẹ m dọn mẹ ndị Ijiptu; e gi m agha lẹ ọpịa-agha gbu ikorọbịa ụnụ; a napụ m ụnụ ẹshin ndị ahụn m napụ ụnụ; e mẹ m ishin ozun jun ebe ụnụ bi. Kanị, ụnụ egikwọn'a rogharị d'e kunrun m; Ya kẹ Osolobuẹ ku.