Jẹnẹsisi 9:6 - Ika

⁶ Onyẹ gbu ịhịan, ịhịan k'e gbu ẹ, makẹni Osolobuẹ ke ịhịan n'o yi Osolobuẹ lẹ enwẹn ẹ.

Jẹnẹsisi 9:6 ပူးပေါင်းရင်းမြစ်များ

Jẹnẹsisi 4:14

Y'e gigụọ m nwan họnrin onyẹ akpakalị jụ; y'a chụpụgụọzị m ebe ị rị; m k'a gha nwan a gba ọsọ-ọsọ nọkẹ onyẹ wẹ chụkọ; m k'a rị a wahunmẹ elu-ụwa. Onyẹ kunrun m tan, o gbupụ m!”

Jẹnẹsisi 42:22

Rubẹni nọ sị wẹ, “Agwanị m ụnụ emẹlẹ nwata ahụn njọ, ụnụ a jụ? Lee ni nwan, ẹdeke ẹ rị ẹnyi isi!”

Jẹnẹsisi 5:1

Ebeni kẹ wẹ deyesọnmẹ ẹfan ụmụ Adam. Ogẹn Osolobuẹ gi ke ịhịan, o ke ẹ, o yi Osolobuẹ.

Samuẹlụ Nke Ẹbụọ 4:11

Ọrịwụzị ụnụ, ndị eje-ịhịan gbu onyẹ nwọnlẹni ihiẹn o mẹ tọ iwe ẹ, ebe ọ rị elu-bẹdi ẹ — achọkọ m nwan ẹdeke ẹ ẹka ụnụ, wepụ ụnụ elu ụwa?!”

Ndị-nze Nke Ibuzọ 2:9

Kanị yụ nwẹn, anịkwọl'a la ọfẹ — ni y'e nwọnghọ uche, y'a marịnghọ ihiẹn i k'e mẹ n'o buru isi-ẹwọ nwụn ọnwụn-ikẹn.”

Ndị-nze Nke Ẹbụọ 11:1

Ogẹn Atalia wụ nnẹ Ahazia gi hụn a nị Ahazia nwa a wụ eze a nwụnhụn, ọ nọ gbu ndị ile rị ebọn eze.

Ndị-nze Nke Ẹbụọ 11:16

Ya wẹ nọ nwụndọn ẹ, e we w'ẹ ghafe ebe ẹshin gha a banye obi-eze, nọ ebẹhụ gbu ẹ.

Ndị-nze Nke Ẹbụọ 11:20

Ya ndị alị hụ ile nọ ghọghọ. Obodo nọ mẹ jụụ, makẹni e gigụọ wẹ ọpịa-agha gbu Atalia tọ obi-eze.

Ihiẹn Mẹni Nke Ẹbụọ 33:24

Ndị-ịhịamẹ Amọnụ zun'ẹ eje-umẹ, gbu ẹ tọ obi-eze ẹ.

Ẹbụ-ọma 51:4

Ịyụ kẹ m mẹ njọ — ịyụ sụọ; e mẹọlẹ m ihiẹn rịlẹni mma ẹnya ị. Ya wụ, y'e mẹghọ ọhụnma ebe i nọ ma m ikpe; y'e mẹni eje-ihiẹn ebe i nọ hangbu m eṅẹn.

Ọpụpụ 20:13

“Egbulẹ ọchụ.

Itẹn 28:17

Onyẹ gbu ọchụn obi rị e gbu mgbu k'a tọ a gba ọsọ ihiẹn hụ o mẹ o we nwụn — onyẹ ọwụlẹ ebuchekwọlẹn'a ọnụ.

Ẹkịliziastisi 3:3

ogẹn ogbugbu lẹ ogẹn ọzụzụọ; ogẹn itikpọ-ihiẹn lẹ ogẹn ịtụn-ihiẹn;

Lẹvitikọsụ 17:4

hụn nkẹ o gi wẹhẹ ẹ ọnụ-mgbọn Ọdụ-ozuzu k'o furu d'e ye Osolobuẹ ya ihun Ọdụ-nsọ, wẹ sikọ d'e weri ẹ kẹ onyẹ gbu ọchụn; ọchụn k'o gbu, wẹ k'e bepụ a imẹ ndị nke ẹ.

Lẹvitikọsụ 24:17

“Onyẹ gbu ịhịan, wẹ k'e gburịrị a.

Ọgụngụn 35:16

“Ịhịan kụ ibe ẹ igwe, nị onyẹ wẹ kụ a a nwụnhụn, izighẹ k'ọ wụ; wẹ k'e gburịrị izighẹ hụ.

Ọgụngụn 35:25

Wẹ k'a narịrị hụn wẹ rị e kpe ikpe ọchụn ye azụụn, wekin ẹ obodo w'a gbaban hụn ọ gbashi, makẹ hụn e gbugwarịnị ebọn gha e gbu ẹ. O k'a nọdịrịrị ebẹhụ d'e ru ni onyẹ-isi nchụn-ẹjan rị ogẹn hụ a nwụnhụn, onyẹ hụn wẹ gi udẹn-nsọ tumẹ onyẹ-isi nchụn-ẹjan.

Ọgụngụn 35:33

“Emẹrụlẹ ni nwan alị ụnụ rị. Igbu-ịhịan e mẹrụ alị, bụ w'a ra saẹka gi ịchụn-ẹjan hịan alị wẹ nọ gbu ịhịan wepụ njọ; isi onyẹ gbu ịhịan sụọ kẹ wẹ gi a hịan a.

Matiu 26:52

Jizọsị nọ sị a, “Wekin ọpịa ị azụụn, makẹni ndị ile e bu ọpịa sikọ d'a gha ọpịa la.

Ndị Rom 13:4

Makẹni odibo Osolobuẹ k'ọ wụ: ọ rị a rụn n'ọ rịnị ị mma. Kanị, i mẹ eje-ihiẹn, egun ẹ ya tụmakwọ ị, nị ẹlẹ o gi ọpịa-agha hụ mmaka! Odibo Osolobuẹ k'ọ wụ, ịya kẹ Osolobuẹ gi e ye ndị mẹ eje-ihiẹn afụnfụn.

Ndị Kọrẹntị Ibuzọ 11:7

Okẹnnyẹ efuruni n'o kpumẹ isi ẹ ebe o mẹ ni o yi Osolobuẹ e yi lẹni ọ nọkin ẹnya Osolobuẹ; kanị okẹnnyẹ kẹ hụn okpoho nọkin ẹnya a.

Ditrọnọmi 19:11

Kanị omẹni ịhịan rị e we iwe ibe ẹ, hụarị che ẹ, maye ẹ, gbu ẹ, gbashi hụn ọwụlẹ imẹ obodo ndịnị,

Ditrọnọmi 5:17

“Egbukwọlẹ ọchụn.

Jemisi 3:9

Ịya kẹ ẹnyi gi a ja Di-nwọnni-ẹnyi wụ Nẹdi ẹnyi mma; ịya kẹ ẹnyi gizi a bụ ịhịan ọnụ, ịhịan Osolobuẹ leri enwẹn ẹ ke!

Rẹvẹleshọnụ 13:10

Onyẹ wẹ k'a nwụnrụn kẹ wẹ k'a nwụnrụn; onyẹ wẹ k'e gi ọpịa-agha gbu kẹ wẹ k'e gi ọpịa-agha gbu. Ọnwan chọ ndidin lẹ okukwe ẹka ndị nke Osolobuẹ.

Ndị Han Eṅẹn 9:56

Ẹrịra kẹ Osolobuẹ dọn kụkin Abimẹlẹkị ụgwọ njọ o mẹ nẹdi ẹ: ebe ọ nọ gbu umunẹ ẹ iri kwasị ọgụn-ẹtọ.

Samuẹlụ Nke Ibuzọ 15:33

Kanị Samuẹlụ nọ sị a, “Kẹ ọpịa-agha ị dọn gba ikpoho ẹka nwa, ẹrịra kẹ nnẹ i k'a gba ẹka nwa.” Ya kẹ Samuẹlụ nọ nọ ihun Osolobuẹ imẹ Gil'galụ jakịka Agagị.