Jẹnẹsisi 9:16 - Ika

¹⁶ Ekọn-lẹ-ogugu pụha imẹ orukpu, m k'e legha a, gi ẹ nyanhan nkwa itẹbitẹ Chuku kwe ihiẹn ile rị ndụn rị elu-ụwa.”

Jẹnẹsisi 9:16 ပူးပေါင်းရင်းမြစ်များ

Jẹnẹsisi 17:13

Ẹghẹẹ, kẹ igbọn wẹ nọ iwe i mụ kẹ igbọn i gi egho ṅọnrin k'a kwarịrị ugun. Ẹrịra kẹ ụnụ k'e bu ahịma nkwerigbama m ẹhụ ụnụ jẹnrin ejẹn.

Jẹnẹsisi 17:19

Kanị Chuku nọ sị a, “Mba. Sẹra nwunyẹ i k'a mụn'ị okẹnnyẹ; ị k'a gụn a Aziki; m k'e tumẹ nkwerigbama m ẹgbata mmẹ lẹ ịya, nkwerigbama hụn k'e ru ụmụ a ẹka jẹnrin ejẹn.

Jẹnẹsisi 17:7

M k'e tumẹ nkwanị m nkwe ẹgbata mmẹ lẹ yụ lẹ ụmụ ị, d'e rukwọrị agbọ wẹ ile rị ihun: nị m k'a wụrụ Chuku i, wụrụzịkwọ Chuku ụmụ ị.

Jẹnẹsisi 9:17

Chuku nọ sị Nụa, “Ịya wụ ahịma nkwa m kwe ihiẹn ile rị ndụn rị elu-ụwa.”

Samuẹlụ Nke Ẹbụọ 23:5

Ẹgbata Chuku lẹ ikpụlọ m arịgụọnị mma? O kwegụọnị m nkwa itẹbitẹ, hụn o dọnkwamagụ; hụn ihiẹn ọwụlẹ jẹnkọlẹni d'e mẹ? Ọ zụọpụhachanrịnkọ m, mẹzuchanrịnnị m ihiẹn rị a gụnnị m?

Azaya 55:3

Gi ihiẹn m ku dọn, n'ị bịa d'e kunrun m, gọn m ntịn kẹni ị rị ndụn. M k'e kwe i nkwa hụn m k'e mẹsọnmẹ jẹnrin ejẹn, nkwa ihiẹn-ọsụsụọ m hụ ghalẹni a gụ, hụn m kwe Defidi.

Jerimaya 32:40

M k'e tumẹ Iwu k'a tọ jẹnrin ejẹn ye ẹgbata mmẹ lẹ wẹ — emẹbehikọ m wẹ mma; m k'e mẹ wẹ tụ egun m, makẹ wẹ gha a gbakitọzị m azụụn.

Izikẹlụ 34:26

M k'e mẹ uwẹ lẹ ebe ile fihunmẹ ugu m wụrụ ngọzi. M k'e zihẹ mirin udu ẹ, mirin hụn k'e wẹhẹ ngọzi.

Izikẹlụ 37:26

M k'e kwe wẹ nkwa hụn m k'e gi mẹ n'ọ rịnị wẹ mma; o k'a wụ nkwa itẹbitẹ. M k'e mẹ wẹ gbọrị, mẹ wẹ ba ụba; m k'e bu Ụlọ-nsọ m che imẹ igunrun wẹ jẹnrin ejẹn.

Hibru 13:20

Osolobuẹ hụn e ye udọn, Onyẹ hụn gha ọnwụn weli Di-nwọnni-ẹnyi wụ Jesu, okẹn onyẹ-ndu atụnrụn ahụn wẹ gi ẹdeke ẹ biye nkwerigbama itẹbitẹ Osolobuẹ ẹka;