Jẹnẹsisi 8:21 - Ika

²¹ Osolobuẹ a nụ ishin ẹjan ahụn, ọ nọ sụọ a; ọ nọ sị enwẹn ẹ, “Onwọnzini ogẹn m'e gi bụzị akpakalị ọnụ makẹ ufiri ịhịan, ọsụọn'a nị eje-ihiẹn eje-ihiẹn kẹ ịhịan e ro ghakwọrị ebe ọ rị nwata lala; onwọnzikwọnị ogẹn m'e gi tikpọ ihiẹn ile rị ndụn kẹ m dọn mẹ.

Jẹnẹsisi 8:21 ပူးပေါင်းရင်းမြစ်များ

Jẹnẹsisi 3:17

Ọ nọ nwan sị Adam, “Ufiri nị y'e giọlẹ oku nwunyẹ i dọn, ri mkpụrụ osisi ahụn m tin'i iwu, sị ị erilẹ, m rị nwan e gi ufiri i a bụ alị ọnụ: i k'a tama ezigbo afụnfụn rụn ugbo i kebe hụn ihiẹn i k'e ri y'e we nwụn.

Jẹnẹsisi 4:12

Ị rụnzị ugbo, alị emẹkọn'ị ihiẹn ọwụlẹ. Ọsọ-ọsọ kẹ y'a gha a gba nọkẹ onyẹ wẹ rị a chụ; ị k'a rị a wahunmẹ elu-ụwa ile.”

Jẹnẹsisi 5:29

Ọ nọ gụn a Nụa, sị, “Ẹka nwatanị kẹ ẹnyi k'a gha zu ikẹn okẹn afụnfụnnị ẹnyi rị a ta a rụn ugbo akpakalị Osolobuẹ bụ ọnụ”

Jẹnẹsisi 6:13

Ya Osolobuẹ nọ sị Nụa, “A kwademẹgụọ m nị m jẹnkọ d'e kpọnchanpụ ịhịan ile, makẹni, ẹka-ikẹn e jungụọ ụwa makẹ ufiri wẹ. M jẹnkọ nwan d'e tikpọ wẹ lẹ ụwa.

Jẹnẹsisi 6:17

“Lee ẹ, m shikọ d'e zihẹ okẹn mirin imẹ ụwa, gi ẹ tikpọ ihiẹn ile e kwọnni rị okpuru igwere; ihiẹn ile rị imẹ ụwa sikọ d'a nwụnhụn.

Jẹnẹsisi 6:5

Osolobuẹ a hụn a nị eje-ihiẹn hụn rị imẹ ịhịan rị a waye elu-ụwa lẹni eje-ihiẹn kẹ w'e ro ogẹn ile,

Jẹnẹsisi 6:7

Ya kẹ Osolobuẹ nọ sị, “M k'e kpọnchanpụ ịhịan elu-ụwa, ịhịan hụn m gi ẹka m ke; m k'e kpọnchanpụ ịhịan lẹ anụmanụ lẹ ihiẹn ndị hụn a rịhunmẹni lẹ ndị e fe elu. K'ọ rị m, ekeni m wẹ.”

Jobu 14:4

Onyẹ k'a s'ẹka nọ ihiẹn rụnị wepụha ihiẹn rụlẹni? Onwọnni!

Ẹbụ-ọma 51:5

Onyẹ-njọ kẹ m wụ kete w'a mụlẹ m — kete nnẹ m a tụlẹ imẹ m!

Ẹbụ-ọma 58:3

Ndị-ejẹni gha ẹfọ nnẹ wẹ kpahumẹ; imẹ ẹfọ kẹ wẹ gha tụma ntụ.

Ẹbụ-ọma 58:4

Ẹdide kẹ oku-ọnụ wẹ wụ, lekẹ ẹdide agwọ; ntịn kpọkin wẹ kẹ ẹjụ-alị —

Ọpụpụ 29:18

Ya kpọchanrịn nwan ebulu hụ ọkụn elu ukpo nchụn-ẹjan. Ẹjan wẹ kpọnị Osolobuẹ ọkụn rọ hụn ishin ẹ a sụọ Osolobuẹ ụsụọ, oyiye wẹ gi ọkụn ye Osolobuẹ.

Ọpụpụ 29:25

Y'a gha ubẹka wẹ werizi wẹ d'a dụn wẹ lẹ ẹjan ahụn wẹ sikọ d'a dụ ọkụn ọkụn, gi ẹ họnrin ishin k'a sụọ Osolobuẹ, oyiye wẹ gi ọkụn ye Osolobuẹ.

Itẹn 20:9

Onyẹ k'a s'ẹka sị, “E dọnmẹgụọ m obi m ọchan; m rị ọchan, njọ arị m ẹka”?

Ẹkịliziastisi 7:20

Onwọnni kaka akpụ onyẹ ohu rị ọchan elu-ụwa, hụn e mẹchanrịn ihiẹn rị mma sụọ bụ o mẹtuni njọ.

Azaya 47:12

Busọnmẹ ni nwan nshi ụnụ, gwọsọnmẹ ọgụn ile ụnụ a gwọ — wẹ ile kẹ ụnụ e mẹ gha ẹhụ nwa-ndu lala. Ikẹnkwọ n'ọ ghaghọnị ụnụ, ikẹnkwọ nị wẹ gighọ wẹ tụ egun ụnụ.

Azaya 47:15

Ẹrịra kẹ ụnụ k'a dọn fa makẹ ndị ụnụ gi dọn ẹnya — ndị ahụn ụnụ lẹ wẹ gba a rụn, e mẹgbama oku ẹfa gha alị lala. Onyẹ-onyẹ imẹ wẹ k'a kpahu, kpashi ebe ọ kpakọ; onwọnni onyẹ k'a sa ẹka zụọpụha ụnụ.”

Azaya 48:8

Y'a nụtuni ihiẹn, y'a ghọtatuni ihiẹn; onwọntuni ogẹn ntịn ị gi rị oghe. Amarịnghọ m kẹ i mẹhan onyẹ ghẹrẹ-ghẹrẹ-ghẹrẹ; onyẹ nnupụ-isi kẹ wẹ a kpọ ị kete wẹ mụlẹ i.

Azaya 53:6

Ẹnyi ile a kpahugụọ nọkẹ atụnrụn; onyẹ-onyẹ a warị ẹbụ a — Osolobuẹ e bukwasị a njọ ẹnyi ile.

Azaya 65:6

Lee ẹ, e detọgụọ m'a ihun m: Agbakọ m nkịtịn! M k'a kụzu wẹ ụgwọ njọ wẹ; kụ a ye wẹ ngadan.

Jerimaya 17:9

“Onwọnni ihiẹn e dufie ịhịan nọkẹ obi ịhịan; ọ jọgbu enwẹn ẹ njọ! Onyẹ a saẹka a ghọta a?

Jerimaya 18:12

“Kanị, wẹ jẹnkọ d'a sị, ‘Ẹlẹkwọ ẹnyi k'ị rị a gwa! Ihiẹn rị ẹnyi obi kẹ ẹnyi jẹnkọ d'e mẹ! Ihiẹn obi ẹnyi ye ẹnyi kẹ ẹnyi sikọ d'e mẹ — ọsụọn'a eje-ihiẹn rọ, ọsụọn'a isi-ikẹn rọ!’

Jerimaya 8:6

E gọngụọ m wẹ ntịn ọhụnma-ọhụnma, onwọnni ezioku rị wẹ ọnụ. Onwọnni onyẹ njọ a rị a fụ obi n'ọ sị enwẹn ẹ, “Kẹ m mẹdẹni nwan ihiẹnni?” Onyẹ-onyẹ hụ e mẹ nke ẹ ikẹn-ikẹn nọkẹ ẹshin-agha zụnbankọ ọgbọ-agha.

Izikẹlụ 20:41

M k'a nabanhan ụnụ nọkẹ nsẹnsi e kun fuẹin ogẹn m'e gi wepụha ụnụ imẹ ndị alị ichẹn-ichẹn lẹ alị ichẹn-ichẹn wẹ feyesọnmẹ nwan ụnụ, a nọ m idẹnya ndị alị ichẹn-ichẹn ghọsị ụnụ nị m rị nsọ.

Lẹvitikọsụ 1:13

Hụn wẹhẹn'ẹ e gi mirin chanchan ihiẹn ile rị imẹ ẹfọ anụ hụ lẹ ụkụ a, onyẹ nchụn-ẹjan e wẹhẹ wẹ ile d'a dụn ọkụn elu ukpo nchụn-ẹjan hụ. Oyiye wẹ dụn ọkụn rọ, oyiye wẹ gi ọkụn ye, hụn ishin ẹ a sụọ Osolobuẹ.

Lẹvitikọsụ 1:17

Ọ dọdọn ẹ ẹka-nku, dọwa a, kanị ọ dọwapụchanrịnkọ a, onyẹ nchụn-ẹjan a nọ elu nkụn hụ rị ukpo nchụn-ẹjan dụn a ọkụn. Ẹjan wẹ dụn ọkụn rọ, oyiye wẹ gi ọkụn ye, hụn ishin ẹ a sụọ Osolobuẹ.

Lẹvitikọsụ 1:9

Hụn wẹhẹ anụ e gi mirin chanchan ụkụ anụ hụ lẹ ihiẹn rị imẹ ẹfọ a, onyẹ nchụn-ẹjan a nọ ukpo nchụn-ẹjan dụnkwama anụ ahụn ile ọkụn. Ẹjan wẹ dụn ọkụn rọ, oyiye wẹ gi ọkụn ye, hụn ishin ẹ a sụọ Osolobuẹ ụsụọ.

Lẹvitikọsụ 26:31

M k'e tikpọchanrịn obodo ndị rị alị ụnụ ru alị, tikpọchanrịn ebe ụnụ nọ e fe m ofufe; ishin ọma ẹjan ndị hụ ụnụ a chụnyeni m asụọkọ m.

Lẹvitikọsụ 4:31

wepụha ụtọrọ a ile, kẹ wẹ dọn e wepụha ụtọrọ anụ wẹ gi ye oyiye ekele; onyẹ nchụn-ẹjan a nọ ukpo hụ wẹ n'a chụn ẹjan dụn a ọkụn n'o họnrin ẹnwụnrụn, ọ wụrụ ishin ọma hụn a sụọ Osolobuẹ ụsụọ. Ẹnịna kẹ onyẹ nchụn-ẹjan k'a dọn gbarị isi onyẹ hụ, Osolobuẹ a gbagharị a njọ.

Lẹvitikọsụ 8:28

Mozizi nọ narịn wẹ ya, nọ elu ukpo wẹ n'a dụn ẹjan ọkụn dụn wẹ ọkụn, gi wẹ họnrin ẹnwụnrụn, n'ọ wụrụ ẹjan-ntumẹ, ishin hụn a sụọ ụsụọ, ẹjan wẹ gi ọkụn ye Osolobuẹ.

Ọgụngụn 15:3

omẹni ụnụ rị e ye Osolobuẹ ẹjan wẹ gi ọkụn e ye ẹ nị ishin ẹ sụọ a, ọsụọn'a efin mọbụ atụnrụn mọbụ ewu rọ, ọsụọn'a ẹjan w'a dụn ọkụn mọbụ ẹjan ọzọ rọ; kẹ hụn ụnụ gi e mẹzu nkwa pụ-ichẹn ụnụ kwe Osolobuẹ kẹ oyiye ghapụha ịhịan obi rọ kẹ oyiye ụnụ gi e mẹ mmẹmmẹ ahụa-ahụa ndị ụnụ gi e fe m rọ — hụn ọwụlẹ ọ wụ,

Matiu 15:19

Makẹni, obi kẹ ihiẹn ndịnị gha pụha: eje-iroro, igbu-ọchụn, ịna-nwunyẹ-ịhịan lẹ ịzọ-ụkụ-ye-ọfịa, ughẹrẹ ichẹn-ichẹn, Izun-ohin, ịshịa ẹri-ntụ lẹ ikuja oku ịhịan.

Jọnụ 3:6

Hụn ịhịan mụ wụ ịhịan; hụn Mmọn-nsọ mụ wụ nke imẹ-mmọn.

Ndị Rom 1:21

Ebe o mẹ ni ọsụọn'a nị a marịnghọ wẹ Osolobuẹ, agbayeni wẹ ẹ kẹ Osolobuẹ, akpanmịnị w'a. Kama, e romẹ wẹ iroro la iwi, uche wẹ a rụnbehi, gba ishi.

Ndị Rom 3:23

makẹni ịhịan ile e mẹgụọ njọ, tuhu ọghọ Osolobuẹ ye wẹ;

Ndị Kọrẹntị Nke Ẹbụọ 2:15

Makẹni, ebe Osolobuẹ rị, ishin Kraịstị kẹ ẹnyi wụ ebe ndị rị e nwọn nzụọpụha rị lẹ ebe ndị lakọ iwi rị.

Ndị Ẹfẹsọsụ 5:2

E gi ni ihiẹn-ọsụsụọ e bi, kẹ Kraịstị dọn nwọn ihiẹn-ọsụsụọ ẹnyi, gi ufiri ẹnyi we ndụn a ye nọkẹ oyiye lẹ ẹjan e shin ọhụnma hụn wẹ chụnyeni Osolobuẹ.

Ndị Filipi 4:18

Ihiẹn ile ụnụ ye e rugụọ m ẹka! O bukẹ!! Hụnnị Ẹpafrọditọsụ wẹhẹni m ihiẹn ile ụnụ ye ẹ bịanị m, ẹfọ e jungụọ m. Oyiye ishin ẹ a sụọ Osolobuẹ rọ, ẹjan Osolobuẹ a nabanhan hụn a sụọ a ụsụọ.

Jọnụ Ibuzọ 5:19

Ẹnyi a marịnghọ nị ẹnyi wụ nke Osolobuẹ kanị ụwa ile rị okpuru Eje-onyẹ hụ.

Samuẹlụ Nke Ibuzọ 26:19

Eze nwọnni m ya gọn nwan ntịn ihiẹn odibo ẹ jẹnkọ d'e ku. Omẹni Osolobuẹ kpasu i d'e gbu m, ya dodo narịn oyiye, gharị m. Kanị omẹni ịhịan mmaka mẹ ẹ, Osolobuẹ ya bụ wẹ ọnụ! A chụpụgụọ wẹ m nwan alị Osolobuẹ, wẹ rị a sị m nwan, ‘D'e femẹ mmọn.’