Jẹnẹsisi 7:11 - Ika

¹¹ Ahụa ahụn Nụa zu nwa ahụa ọgụn-iri kwasị nnụ, nke akpọhịn mmẹsa daị imẹ ifọn nke ẹbụọ kẹ mirin ile rị imẹ alị gi wapu, elu-igwere e kpupụ.

Jẹnẹsisi 7:11 ပူးပေါင်းရင်းမြစ်များ

Jẹnẹsisi 1:7

Chuku e mẹmẹ oghe hụ, gi ẹ kebe mirin ahụn ụzọ ẹbụọ: hụn rị okpuru oghe lẹ hụn rị elu oghe. Ọ nọ rị ẹrịra.

Jẹnẹsisi 6:17

“Lee ẹ, m shikọ d'e zihẹ okẹn mirin imẹ ụwa, gi ẹ tikpọ ihiẹn ile e kwọnni rị okpuru igwere; ihiẹn ile rị imẹ ụwa sikọ d'a nwụnhụn.

Jẹnẹsisi 7:6

Nụa rị ahụa ọgụn-iri kwasị nnụ ogẹn okẹn mirin ahụn gi bịa elu-ụwa.

Jẹnẹsisi 8:14

Ogẹn o gi ru akpọhịn ẹsa kwasị ọgụn imẹ ifọn nke ẹbụọ, akpakalị ile a kọrọchanrịngụọ.

Jẹnẹsisi 8:2

mẹ isi-mirin ile rị imẹ alị lẹ oghe ile mirin rị igwere gha e zuetu kpukin; mirin gha elu-igwere e zuetu e zuebehi.

Ndị-nze Nke Ẹbụọ 7:19

Onyẹ-isi agha hụ wụ hụn sị odibo Osolobuẹ, “Ọ sụọdẹn'a nị Osolobuẹ besọnmẹ oghere ye igwere, nị ihiẹnni i ku s'ẹka mẹ?” Odibo Osolobuẹ nọ sị a, “I k'e gi ẹnya ị hụn a, kanị y'e rikọ hụn ọwụlẹ imẹ ẹ!”

Ndị-nze Nke Ẹbụọ 7:2

Onyẹ-isi agha hụn tanhan eze ẹka nọ sị odibo Osolobuẹ, “Ọsụọdẹn'a nị Osolobuẹ besọnmẹ oghe ye igwere, nị ihiẹnni i ku s'ẹka mẹ?” Ẹlaịsha nọ sị a, “I k'e gi ẹnya ị hụn a, kanị y'e rikọ hụn ọwụlẹ imẹ ẹ!”

Jobu 12:15

O kwọndọn mirin, o zuekọ. Ọ hatu mirin, mirin e huru alị.

Jobu 28:4

O jẹnte ebe ịhịan bilẹni d'e gu olu, ebe ụkụ ghalẹni e rudẹ; ọ rị ọrụn imẹ-alị imẹ-alị ịhịan ghalẹni e ru, ya lẹ eriri wẹ kẹnmẹye ẹ ukun, o gi e jẹnjẹn e jẹnlụa.

Jobu 38:16

Y'e rutughọ ebe ohimin gha a pụha? Y'e jẹntughọ ebe kachanrịn e mi imẹ ẹ?

Jobu 38:37

Onyẹ nwọn amamihiẹn hụn o gi gụn orukpu rị igwere? Onyẹ a sa ẹka e gbugemẹ ite-mirin rịsọnmẹ igwere nị mirin zue,

Ẹbụ-ọma 33:7

O wegbama mirin ohimin ụzọ ohu nọkẹ ikpọn-ihiẹn; o bu mirin ohimin e che ụzọ ohu kẹ wẹ dọn e dọnmẹ ihiẹn mmụlọ.

Ẹbụ-ọma 74:15

Ịyụ gbawa alị, mirin nọ gbapụhama, iyi e huru; ịyụ mẹzikwọ iyi hụn ghalẹni a tahị, tahị.

Itẹn 3:20

ihiẹn ọ marịn k'o gi mẹ mirin gha imẹ-imẹ alị tikpọpụha isi mbidọn; ịya k'o gizi e mẹ orukpu e ziẹntu igirigi.

Azaya 24:18

Onyẹ hụn isi gbanahịn ihiẹn-egun ahụn, ọ danye imẹ mgbugbu; onyẹ hụn isi gha imẹ mgbugbu hụ nyinpụha, ọnyan a nwụn a. Ụzọ mirin rị elu-igwere a gụnpụsọnmẹgụọ, iyetọ ụwa hụ e zinzin.

Azaya 24:19

Elu-ụwa a wahị; elu-ụwa e tiwapụ; elu-ụwa e zinzin ọda-ọda!

Jerimaya 5:22

Osolobuẹ sị: Ụnụ atụkọ egun m? Egun m ara tu ụnụ? Mmẹ gi ẹjan gbọndọn ohimin, mgbọn itẹbitẹ o jẹnkọlẹni d'a saẹka fetu, ẹbi-mirin nwọn ikẹn kpọ-ntan kpọ-imọn, ọ sakọ ẹka ghafe ẹ; ya zụndẹ ụzụn ile o k'a zụn, ọ sakọ ẹka hughafe ẹ.

Jerimaya 51:16

Olu ẹ han, mirin ile rị igwere e dẹn; o mẹ mirin rugbarị elu-ụwa ile. O mẹ amụma e be mirin gha e zue, ọ gha ebe o butọ ihiẹn e wepụha ufere.

Izikẹlụ 26:19

“Osolobuẹ Nwọn Ikẹn Ile sị: ogẹn m'e gi mẹ i gba okpokoro rịkẹ alị ndị hụ ịhịan bilẹni, m k'e mẹ ohimin kpumẹ i, mẹ okẹn mirin rukpumẹchanrịn ị.

Malakaị 3:10

Wẹhẹchanrịn nị nwan ụzọ-ohu-imẹ-ụzọ-iri ebe w'e butọ a — kẹni ihiẹn-oriri jun Ụlọ m. Gi n'ẹ leledẹle m, mmẹ wụ Osolobuẹ ku ẹ — omẹni agụnpụkọnị m ụnụ windo elu-igwee, hutuni ụnụ ngọzi ụnụ jẹnkọlẹni d'a sa ẹka bu;

Matiu 24:38

O k'a rị k'ọ rị ogẹn hụ nị okẹn mirin hụ d'a bịa: wẹ hụ e ri a ra, a lụ di lẹ nwunyẹ, d'e ru ụhụọhịn Nụa banye ụgbọ-mirin hụ;

Ndị Tẹsalonika Ibuzọ 5:3

Ogẹn ahụn wẹ k'e gi rị a sị, “Udọn a rịgụọ! Nsọngbu arịzị a!” ya kẹ ntikpọ k'e gi kunrun wẹ idẹnmizi, nọkẹ ebe imẹ nọ mẹmẹhụ okpoho! Awanahịnkọ wẹ!

Pita Nke Ẹbụọ 3:6

ọ nọ gizi oku-ọnụ a mẹmẹ mirin, okẹn mirin, tikpọ ụwa mbụ hụ la iwi.