Jẹnẹsisi 6:9 - Ika

⁹ Ọnwan wụ akịkọ Nụa: Nụa wụ onyẹ ezi-omumẹ, ịya nwọnlẹni nkọrịanị ogẹn nke wẹ. Nụa e sọn Osolobuẹ.

Jẹnẹsisi 6:9 ပူးပေါင်းရင်းမြစ်များ

Jẹnẹsisi 10:1

Ọnwan wụ ndị rị ichẹn-ichẹn ụmụ Nụa wụ Shẹm lẹ Ham lẹ Jafẹtị mụ, wẹ mụma ndịnị ogẹn okẹn-mirin hụ gi bigụ.

Jẹnẹsisi 17:1

Ogẹn Ebram gi rị ahụa ohu arịa ọgụn-isẹn, Osolobuẹ nọzị we enwẹn ẹ ghọsị Ebram, sị a, “Mmẹ wụ Chuku Hụn nwọn ikẹn ile; bi kẹ m dọn chọ; emẹkwọlẹ ihiẹn wẹ e gi kọrịanị ị —

Jẹnẹsisi 2:4

Ọnwan wụ ihiẹn mẹ ogẹn Osolobuẹ wụ Chuku gi ke elu-igwere lẹ elu-ụwa: Ogẹn Osolobuẹ gi kegụ alị lẹ igwere,

Jẹnẹsisi 48:15

Ọ nọ gọzimẹ Josẹfụ, sị, “Chuku ahụn ndị nẹdi m wụ Ebraham lẹ Aziki bi k'o dọn chọ, Chuku ahụn rị e lepụ m ẹnya kete m bịalẹ ụwanị d'e ru tannị,

Jẹnẹsisi 5:1

Ebeni kẹ wẹ deyesọnmẹ ẹfan ụmụ Adam. Ogẹn Osolobuẹ gi ke ịhịan, o ke ẹ, o yi Osolobuẹ.

Jẹnẹsisi 5:22

Ogẹn Ẹnọkụ gi mụgụ Mẹtusẹla, Ẹnọkụ nọ sọnmẹ Osolobuẹ, sọn ẹ ọrọgbọ ahụa ọgụn-mmisẹn. Ọ mụzịghọ ụmụ ndị ọzọ ogẹn ahụn — kẹ ikẹnnyẹ kẹ ikpoho.

Jẹnẹsisi 5:24

Ẹnọkụ e sọnbe Osolobuẹ, ahụnzịnị w'a — makẹni Osolobuẹ weri ẹ.

Jẹnẹsisi 6:10

Nụa mụ ikẹnnyẹ ẹtọ wụ: Shẹm, Ham lẹ Jafẹtị.

Jẹnẹsisi 7:1

Ya kẹ Osolobuẹ nọ sị Nụa, “Banye imẹ ụgbọ, yụ lẹ ikpụlọ ị, makẹni a hụnọlẹ m nị yụ sụọ e bi obibi rị mma ẹnya m imẹ agbọnị ile.

Samuẹlụ Nke Ẹbụọ 22:24

Enwọn m nkọrịanị ẹnya a, e dọnmẹgụọ m enwẹn m amamgbe m'e mẹ njọ.

Ndị-nze Nke Ibuzọ 3:6

Solomọnụ nọ sị a, “Y'a ghọsịgụọ odibo i wụ Defidi nẹdi m okẹn ihiẹn-ọsụsụọ makẹni o gi obi ẹ ile sọn i, bi k'ị dọn chọ, gi obi kụrụ ọtọ sọn i. Ị hụkwọ nwan a ghọsị a okẹn ihiẹn-ọsụsụọ ebe ị nọ ye ẹ nwa rikin ẹ eze, nọkin ẹ ukpo ẹ tannị.

Ihiẹn Mẹni Nke Ẹbụọ 15:17

Ọsụọn'a nị o wepụnị ebe jẹnsọnmẹ elu wẹ nọ e fe ofufe rịsọnmẹ azụụn hụn ẹbọ wụ Izrẹlụ-ugu, obi Asa rịchanrịn ebe Osolobuẹ rị o we nwụn.

Ihiẹn Mẹni Nke Ẹbụọ 25:2

Amazia e te mẹghọ ihiẹn rị Osolobuẹ mma ẹnya, kanị o gini obi ẹ ile mẹ ẹ.

Jobu 1:1

O nwọn okẹnnyẹ ohu bi alị Uzu; ẹfan a wụ Jobu. Okẹnnyẹni wụ onyẹ ezioku; onwọn nkọrịanị; ọ tụ egun Chuku; ara gi eje-ihiẹn mẹ ẹhụ.

Jobu 1:8

Ya Osolobuẹ nọ sị Ekwensụ, “Y'e lekpọgụọ odibo m wụ Jobu? Onwọnni onyẹ nọ kẹ ya elu ụwa; onyẹ ezioku k'ọ wụ; onwọn nkọrịanị; ọ tụ egun Chuku; ara gi eje-ihiẹn mẹ ẹhụ.”

Jobu 12:4

A wụrụgụọ m ihiẹn ndị ọwụ m gi a mụ ẹmụ, mmẹ hụn e te kpọku Chuku ọ za m — e họnringụọ m nwan ihiẹn ẹmụ mmakalaka, ọsụọn'a nị m rị ọchan, nị enwọn m ihiẹn wẹ e gi kọrịanị m!

Ẹbụ-ọma 37:37

Lekpọ onyẹ nwọnlẹni nkọrịanị; leledẹle onyẹ obibi ẹ kụrụ ọtọ; o k'a masịnị onyẹ-udọn ihun.

Ẹbụ-ọma 37:39

Ẹka Osolobuẹ kẹ nzụọpụha gha a bịanị ndị ezi-omumẹ; ịya e kpumẹ wẹ ogẹn nsọngbu.

Itẹn 4:18

Kanị ụzọ onyẹ ezi-omumẹ nọ kẹ eki rị e fọnni, hụn e fọnwaye ofọnwaye-ofọnwaye d'e runi o fọnchanrịn.

Ẹkịliziastisi 7:20

Onwọnni kaka akpụ onyẹ ohu rị ọchan elu-ụwa, hụn e mẹchanrịn ihiẹn rị mma sụọ bụ o mẹtuni njọ.

Izikẹlụ 14:14

ọsụọkwọn'a nị madụ ẹtọnị rị alị hụ, Nụa lẹ Danẹlụ lẹ Jobu, enwẹn wẹ sụọ kẹ ezi-omumẹ wẹ k'a saẹka zụọpụha. Ya kẹ Osolobuẹ Nwọn Ihiẹn Ile ku.

Izikẹlụ 14:20

Ma isi mmẹ wụ Osolobuẹ Nwọn Ihiẹn Ile, ọsụọn'a nị Nụa lẹ Danẹlụ lẹ Jobu rị imẹ alị ahụn, asakọ wẹ ẹka zụọpụhadẹ ụmụ wẹ ikẹnnyẹ mọbụ ikpoho. Enwẹn wẹ sụọ kẹ ezi-omumẹ wẹ k'a saẹka zụọpụha.

Habakọkụ 2:4

Ndị Babilọnụ rị e mẹkarị enwẹn wẹ, obi wẹ ezinrinni; kanị, onyẹ ezi-omumẹ k'e gi okukwe ẹ rị ndụn.

Luku 1:6

Wẹ ẹbụbụọ wụ ndị ezi-omumẹ ẹnya Osolobuẹ; w'e dọnmẹchanrịn iwu lẹ ọdịnalị Di-nwọnni-ẹnyi, onwọnni hụn w'e gi kọrịanị wẹ —

Luku 2:25

Ogẹn hụ, o nwọn okẹnnyẹ ohu w'a kpọ Simiọnụ hụn bi Jerusalẹm. Onyẹ ezi-omumẹ k'ọ wụ; ara gi ofufe Osolobuẹ gu egu, e che ni Osolobuẹ zụọpụha ndị Izrẹlụ. Mmọn-nsọ nọyen'ẹ anọyeni.

Luku 23:50

O nwọn okẹnnyẹ ohu ẹfan a wụ Josẹfụ hụn wụ onyẹ ohu imẹ Ndị-isi Nkịkwama. Onyẹ obodo Arịmatịa rị Judia k'ọ wụ; ezigbo ịhịan kụrụ ọtọ rọ.

Ọrụn Ndị-ozi 10:22

Wẹ nọ za, sị, “Kọnẹlusu zi ẹnyi. Onyẹ a kị ndị-agha ọgụn-isẹn rọ, onyẹ ezi-omumẹ a tụ egun Osolobuẹ; ndị Ju ile e ku oku ẹ ọhụnma. Mmọn-ozi nsọ gwa a d'a kpọ ị, n'ị bịa iwe ẹ kẹni ọ nụ ihiẹn i k'e ku.”

Ndị Rom 1:17

Makẹni, oziọma a ghọsị kẹ ezi-omumẹ wụ nke Osolobuẹ nọ: okukwe ịhịan k'o gi e mẹ ẹ gha mbidọn d'e ru isi ẹ. Ọ nọhụ kẹ Ẹkụkwọ-nsọ dọn ku ẹ, “Okukwe kẹ onyẹ ezi-omumẹ gi a rị ndụn.”

Ndị Galeshịa 3:11

O wegụọ nwan ẹnya n'o nwọnni onyẹ Osolobuẹ jẹnkọ d'e kuni ọhụnma makẹni o dọnmẹ Iwu. Ezioku rọ, makẹni Ẹkụkwọ-nsọ sị, “Okukwe kẹ onyẹ ezi-omumẹ k'e gi rị ndụn,”

Ditrọnọmi 18:13

Enwọnkwọlẹ ni ihiẹn w'e gi kọrịanị ụnụ ebe Osolobuẹ wụ Chuku ụnụ rị.

Hibru 11:7

Makẹni Nụa nwọn okukwe, ogẹn Osolobuẹ gi gwatọ a ihiẹn mẹtulẹni jẹnkọ d'e mẹni, o gi ẹ dọn, gi egun Osolobuẹ rụn ụgbọ-mirin ahụn pụ-ichẹn, hụn Osolobuẹ gi nwan zụọpụha ezi-lẹ-ụlọ a. Nụa gi ihiẹnni o mẹ shịagbu ụwa ẹri, gi okukwe ẹ họnrin onyẹ ezi-omumẹ.

Pita Ibuzọ 2:5

Imẹ ẹ, ụnụ nwẹn wụzị ọmụma rị ndụn hụn wẹ rị e gi a tụn ụlọ imẹ-mmọn, kẹni ụnụ hụn ụzọ wụrụ ndị nchụn-ẹjan rị nsọ, ndị gha ẹka Jizọsị Kraịstị a chụn ẹjan imẹ-mmọn hụn a sụọ Osolobuẹ.

Pita Nke Ẹbụọ 2:5

omẹni Osolobuẹ ahatuzikwọnị ụwa mbụ ye, ogẹn hụ o gi zihẹ okẹn mirin d'e tikpọ ụwa ndị-njọ hụ, kanị ọ zụọpụha Nụa hụn a gwa wẹ bi ọhụnma lẹ madụ ẹsa ndị ọzọ;