Jẹnẹsisi 6:8 - Ika

⁸ Kanị Osolobuẹ nọ gi ẹnya rị mma lee Nụa.

Jẹnẹsisi 6:8 ပူးပေါင်းရင်းမြစ်များ

Jẹnẹsisi 19:19

y'e mẹgụọnị odibo i ọhụnma; y'e mẹgụọnị m okẹn omikẹn ebe ị nọ zụọpụha ndụn m — kanị, asakọkwọ m ẹka gbashi elu òke ndị ahụn; egun rị a tụ m, amamgbe eje-ihiẹnni e kunrun m m gini d'e ru ebẹhụ, a nwụntọ m imẹ ẹ!

Ẹbụ-ọma 145:20

Osolobuẹ e che ndị ile ihiẹn ẹ a sụọ nche, kanị, o k'e tikpọ ndị-njọ ile.

Ẹbụ-ọma 84:11

Makẹni, Osolobuẹ wụ Chuku ẹnyi wụ ẹnyanwụn lẹ akpaịn, ara gi ihiẹn ọwụlẹ rị mma jọ ndị obibi wẹ kụrụ ọtọ ẹfọ.

Itẹn 12:2

Ọhụnma kẹ Osolobuẹ e mẹni ezigbo ịhịan, kanị ikpe kẹ Osolobuẹ a ma onyẹ ẹro.

Itẹn 3:4

Y'e gi ẹ nwọnrin aghamihun, wụrụ onyẹ nwọn uche — kẹ ebe Chuku rị kẹ ebe ịhịan rị.

Itẹn 8:35

Makẹni onyẹ nwọnhẹn m, o nwọnhẹn ndụn, ihiẹn ẹ a sụọma Osolobuẹ.

Jerimaya 31:2

Osolobuẹ sị, “M k'e mẹni ndị Izrẹlụ k'a họdụnị ọhụnma — ndị ahụn ọpịa-agha k'e gbuhọdụ hụn k'a rị imẹ atụ; m k'a bịa d'e mẹ ẹhụ fu Izrẹlụ.”

Izikẹlụ 14:14

ọsụọkwọn'a nị madụ ẹtọnị rị alị hụ, Nụa lẹ Danẹlụ lẹ Jobu, enwẹn wẹ sụọ kẹ ezi-omumẹ wẹ k'a saẹka zụọpụha. Ya kẹ Osolobuẹ Nwọn Ihiẹn Ile ku.

Matiu 24:37

Ọbịbịa Nwa nke Ịhịan jẹnkọ d'a nọ kẹ ihiẹn mẹ ogẹn Nụa.

Luku 1:30

Mmọn-ozi hụ nọ sị a, “Meri, atụlẹ egun. Chuku e mẹgụọn'ị ọhụnma.

Luku 17:26

“K'ọ rị ogẹn Nụa k'o jẹnkọ d'a rị ogẹn Nwa nke Ịhịan e gi bịa.

Ọrụn Ndị-ozi 7:46

Chuku gi ẹnya rị mma lee Defidi: o mẹ ekpere, rịọ Chuku n'ọ nị a tụnnị Chuku, Chuku Jekọpụ, ebe obibi.

Ndị Rom 11:6

O mẹ nwan nị ẹfọma k'o gi mẹ ẹ, ya wụ ẹlẹzi ọrụn haịn — nkẹ o mẹ ni ẹfọma ẹlẹzi ẹfọma.

Ndị Rom 4:4

Lee ẹ nwan: ịhịan rụngụ ọrụn, n'a kụ w'a ụgwọ-ọrụn a, w'a ra sị nị e yegụọ w'a ihiẹn-ọfẹ, kama, nị a kụgụọ w'a ụgwọ ihiẹn ọ rụn.

Ndị Kọrẹntị Ibuzọ 15:10

Kanị, m wụ nwan ihiẹn m wụ ghahanị ẹfọma Osolobuẹ; bụ ẹfọma hụ o mẹni m alanị nwan iwi. Kaka! Mmẹ rụnkarịdẹ wẹ ile. Kanị, ẹlẹ mmẹ rụn a, ẹka Osolobuẹ hụn rị imẹ ndụn m rụn a.

Ndị Galeshịa 1:15

Kanị, ogẹn o gi sụọ Osolobuẹ, hụn gi ẹfọma a họrị m kpọ m kẹ m rịdẹ ẹfọ nnẹ m,

Timoti Nke Ẹbụọ 1:18

Di-nwọnni-ẹnyi ya mẹni Onẹsiforọsụ omikẹn Ụhụọhịn hụ! Ịyụ lẹ enwẹn i a marịnzịghọ ẹka ile o yeni m imẹ Ẹfẹsọsụ.

Taịtọsụ 2:11

Makẹni, ẹfọma Osolobuẹ gi a zụọpụha ịhịan ile a pụhagụọ ifọn.

Taịtọsụ 3:7

Hụnnị o gigụ nwan ẹfọma a kuni ẹnyi ọhụnma, ẹnyi e họnringụọ ụmụ a rị e lee ẹnya ndụn itẹbitẹ o kwe nkwa a.

Hibru 4:16

Nị ẹnyi wepụ nwan egun, bịa ukpo ẹfọma Osolobuẹ, kẹni ẹnyi nwọnhẹn omikẹn, nwọnhẹnzikwọ ẹfọma k'e yeni ẹnyi ẹka ogẹn o k'a rị ẹnyi mkpa.

Pita Ibuzọ 3:20

ndị hụn gilẹni oku-Chuku wẹ gwa wẹ dọn ogẹn mbụ, ogẹn mbụ ahụn Osolobuẹ gi rị e din ndidin e che; ogẹn hụ Nụa gi rị a tụn ụgbọ-mirin hụ pụ-ichẹn, hụn wẹ gi zụọpụha ndị bulẹni ọda — madụ ẹsatọ kẹ wẹ zụọpụha, wepụha imẹ mirin ahụn.

Pita Nke Ẹbụọ 2:5

omẹni Osolobuẹ ahatuzikwọnị ụwa mbụ ye, ogẹn hụ o gi zihẹ okẹn mirin d'e tikpọ ụwa ndị-njọ hụ, kanị ọ zụọpụha Nụa hụn a gwa wẹ bi ọhụnma lẹ madụ ẹsa ndị ọzọ;