Jẹnẹsisi 6:7 - Ika

⁷ Ya kẹ Osolobuẹ nọ sị, “M k'e kpọnchanpụ ịhịan elu-ụwa, ịhịan hụn m gi ẹka m ke; m k'e kpọnchanpụ ịhịan lẹ anụmanụ lẹ ihiẹn ndị hụn a rịhunmẹni lẹ ndị e fe elu. K'ọ rị m, ekeni m wẹ.”

Jẹnẹsisi 6:7 ပူးပေါင်းရင်းမြစ်များ

Jẹnẹsisi 6:6

ya kẹ Osolobuẹ nọ kwan mmanị o gi ke ịhịan imẹ ụwa; ọ fụru ẹ akpobi!

Jẹnẹsisi 7:21

Ya ihiẹn ile rị ndụn elu-ụwa nọ nwụnhụn, kẹ nnụnụ kẹ anụ-ụlọ kẹ anụ-ọfịa kẹ ihiẹn ile e dọn ọtụtụ kẹ ịhịan ile;

Jẹnẹsisi 7:4

Makẹni, akpọhịn ẹsa tannị, m k'e zihẹ mirin k'e zue ọrọgbọ akpọhịn ọgụnnaị, uhinhin lẹ efinaị; m k'e gi ẹ gbupụ ihiẹn ile rị ndụn m ke hụn rị imẹ ụwa.”

Jẹnẹsisi 8:21

Osolobuẹ a nụ ishin ẹjan ahụn, ọ nọ sụọ a; ọ nọ sị enwẹn ẹ, “Onwọnzini ogẹn m'e gi bụzị akpakalị ọnụ makẹ ufiri ịhịan, ọsụọn'a nị eje-ihiẹn eje-ihiẹn kẹ ịhịan e ro ghakwọrị ebe ọ rị nwata lala; onwọnzikwọnị ogẹn m'e gi tikpọ ihiẹn ile rị ndụn kẹ m dọn mẹ.

Ẹbụ-ọma 37:20

Kanị ndị-njọ k'a la iwi; ndị-iṅẹnrẹn Osolobuẹ k'a nọ kẹ mma obobo ọfịa; wẹ k'e fopụ, fopụ kẹ ẹnwụnrụn.

Itẹn 10:27

Egun Osolobuẹ e mẹ ịhịan a tọcheni, kanị onyẹ eje-omumẹ a nwụnchudẹ.

Itẹn 16:4

Osolobuẹ nwọn ihiẹn o bu obi e mẹ ihiẹn ile o mẹ — o dọnmẹzidẹ ndị eje-omumẹ ndụn kẹni nsọngbu kunrun wẹ.

Azaya 27:11

Osisi ndị ahụn kpọpụ nkụn, kpagiri, ikpoho e gi wẹ fiye ọkụn. Makẹni ndịnị enwọn nghọta — ya haịn Onyẹ keni wẹ gilẹni e mẹni wẹ omikẹn, Onyẹ keni wẹ ara mẹni wẹ ọhụnma.

Hosia 4:3

Ya haịn alị gilẹni e mẹ ihiẹn, ndị ile rịn'a hụ a la iwi, kẹ ịhịan kẹ anụ rị ọfịa kẹ nnụnụ; azụn hụ a nwụn imẹ mirin.

Emọsụ 7:3

Ya kẹ Osolobuẹ nọ kụsị, sị, “Ihiẹnni emẹkọ.”

Emọsụ 7:6

Ya kẹ Osolobuẹ nọzị kụsị, sị, “Kẹ hụnnị emẹkọ.”

Zẹfanaya 1:18

Egho wẹ lẹ ihiẹn ile wẹ nwọn azụọpụhakọ wẹ ogẹn hụ Osolobuẹ k'e gi ghọsị iwe-lẹ-ọnụma a. O k'e gi iwe-lẹ-ọnụma bu elu-ụwa ile ri kẹ ọkụn dọn e bu ihiẹn e ri.”

Zẹfanaya 1:2

Osolobuẹ sị, “M jẹnkọ d'a zapụchanrịn ihiẹn ile rị elu ụwa;

Zẹfanaya 1:3

m k'e tikpọchanrịn ịhịan lẹ anụmanụ; m k'e tikpọchanrịn nnụnụ e feni lẹ azụn rị imẹ ohimin lẹ ihiẹn ndị hụ ndị njọ gi rị a kpọgburu. M k'a zapụchanrịn ịhịan elu ụwa. Ya kẹ mmẹ wụ Osolobuẹ ku.

Ditrọnọmi 28:63

Kẹ o dọn sụọ Osolobuẹ ụsụọ mẹ ụnụ gha ihun, ba ụba, ẹrịra k'o k'a sụọzị a wiwi ụnụ ihiẹn, tikpọ ụnụ. O k'e huepụ ụnụ alịnị ụnụ banyekọ nwan d'e weri.

Ditrọnọmi 29:20

Osolobuẹ e kwerikọ gbagharị onyẹ hụ, o k'e gi okẹn ọnụma a sọn onyẹ ahụn, ọnụ ile wẹ bụtọ imẹ ẹkụkwọnị k'e ru ẹ ẹhụ, Osolobuẹ k'e finchanpụ ẹfan hụnyẹ elu-ụwa.

Samuẹlụ Nke Ibuzọ 15:11

“Ọ fụka m nị m tumẹ Sọlụ eze, makẹni ọ gbakitọgụọ m azụụn; o mẹni ihiẹn m sị a mẹ.” Ihiẹnni nọ fụ Samuẹlụ, ọ nọ kwanghọsị Osolobuẹ uhinhin hụ ile.