Jẹnẹsisi 6:6 - Ika

⁶ ya kẹ Osolobuẹ nọ kwan mmanị o gi ke ịhịan imẹ ụwa; ọ fụru ẹ akpobi!

Jẹnẹsisi 6:6 ပူးပေါင်းရင်းမြစ်များ

Jẹnẹsisi 6:7

Ya kẹ Osolobuẹ nọ sị, “M k'e kpọnchanpụ ịhịan elu-ụwa, ịhịan hụn m gi ẹka m ke; m k'e kpọnchanpụ ịhịan lẹ anụmanụ lẹ ihiẹn ndị hụn a rịhunmẹni lẹ ndị e fe elu. K'ọ rị m, ekeni m wẹ.”

Samuẹlụ Nke Ẹbụọ 24:16

Ogẹn mmọn-ozi hụ rị e gbuni wẹ gi tịnpụ ẹka n'o tikpọ Jerusalẹm, ọnwụn hụ rị e gbuni e mẹtụ Osolobuẹ ọda-ọda; ọ nọ sị mmọn-ozi hụ gbugụ ndị bu ọda, “O higụọ! Seri ẹka ị.” Ogẹn ahụn, mmọn-ozi Osolobuẹ hụ rị ebe Araụna onyẹ Jebusu a nọdị a kụkpọ ọka.

Ihiẹn Mẹni Nke Ibuzọ 21:15

Osolobuẹ nọ zi mmọn-ozi d'e tikpọ obodo Jerusalẹm. Kanị, ebe mmọn-ozi ahụn rị e m'ẹ, Osolobuẹ e lee ẹnya, omikẹn wẹ nọ mẹ ẹ, ọ nọ sị mmọn-ozi hụ rị e gbuni wẹ, “O higụọ! Egbuzilẹ.” Ogẹn ahụn, mmọn-ozi Osolobuẹ ahụn wuzo imẹ elu, ebe Ọnanị onyẹ Jebusu nọ a kụkpọ ọka.

Ẹbụ-ọma 106:45

O gi ufiri wẹ a nyanhan nkwa a, e mẹni wẹ omikẹn, yeni okẹn ihiẹn-ọsụsụọ a.

Ẹbụ-ọma 110:4

Osolobuẹ e kungụọ enwẹn ẹ ku ẹ — o kuhutọkọ ọnụ: “Onyẹ nchụn-ẹjan k'ị wụ jẹnrin ejẹn, ụdị nke Mẹkizẹdẹkị.”

Ẹbụ-ọma 119:158

M lee ndị ghalẹni e gi oku Osolobuẹ e dọn, ize hụ e ze m, makẹni w'a ra dọnmẹ iwu i.

Ẹbụ-ọma 78:40

Mgbe ole-lẹ-ole kẹ wẹ fen'ẹ isi imẹ atụ ahụn, kpasu ẹ iwe imẹ atụ ebẹhụ;

Ẹbụ-ọma 81:13

Omẹni ndị nke m te k'e gọn m ntịn! Omẹni ndị Izrẹlụ te k'e sọn ụzọ m!

Ẹbụ-ọma 95:10

Ize agbọ ahụn nọ ze m ọrọgbọ ahụa ọgụnnaị, m nọ sị, “Ndịnị e nwọnkẹ obi-ẹbụọ; w'e ke marịnkwọ kẹ m'e mẹ.”

Ọpụpụ 32:14

Ya Osolobuẹ nọzilẹni mẹ ihiẹn ọ sị o k'e mẹ wẹ; o tikpọzịnị wẹ k'o te dọn ku.

Azaya 48:18

Omẹni ụnụ te gi oku m dọn, nkẹ udọn hụ e huni ụnụ kẹ mirin iyi, nkẹ ezi-omumẹ ụnụ hụ a kpọshi elu kẹ mirin ohimin.

Azaya 63:10

Kanị wẹ nọ femẹ isi, mẹ ize zemẹ Mmọn-nsọ Osolobuẹ. Ya Osolobuẹ nọ hutọ, họnrin eṅẹnrẹn wẹ — gidẹ ẹka a bunụmanị wẹ.

Jerimaya 18:7

M gwa ndị alị ọwụlẹ mọbụ alị-eze ọwụlẹ nị m jẹnkọ d'e huepụ wẹ mọbụ kụtu wẹ mọbụ tikpọ wẹ,

Jerimaya 26:19

“Eze wụ Hezikaya lẹ ndị Juda ile e gbughọ a? Hezikaya atụnị egun Osolobuẹ? Ọ nọ rịọ Osolobuẹ n'o mẹ omikẹn wẹ, ẹlẹ ya? Osolobuẹ erohutọnị, latọ ihiẹn ọ sị o k'e mẹ wẹ? Ẹnyi nwẹn e d'e buhẹkwọnị enwẹn ẹnyi nsọngbu!”

Izikẹlụ 33:11

Sị wẹ nwan nị mmẹ, Osolobuẹ Nwọn Ihiẹn ile, sị, ‘Ma isi m, o mẹkwọ nị ọnwụn eje-ịhịan a sụọ m asụọ! Ihiẹn m chọ wụ n'o bihutọ ẹka, rị ndụn!! Bihutọ nị ẹka! La nị eje-obibi ụnụ tọ! Kị ụnụ ndị Izrẹlụ k'a nwụnnị?’

Hosia 11:8

Euu Ifrem, nanị m'e dọn la ị tọnị wẹ tikpọ? Izrẹlụ, nanị m'e dọn we i ye wẹ tikpọ? Nị obi nị m mẹ ụnụ kẹ Adima? N'ọ nị m mẹ ụnụ kẹ Zẹbo? Obi anịnị m! Omikẹn anịkọ m!

Juwẹlụ 2:13

dọwa nị obi ụnụ, ẹlẹ ẹwuru ụnụ. Kinhẹn ni ebe Osolobuẹ wụ Chuku ụnụ rị; onyẹ ẹfọma lẹ omikẹn k'ọ wụ; ara bukẹnrin olulu; o nwọn ihiẹn-ọsụsụọ ọda-ọda; ọ latọ afụnfụn o te k'e ye ịhịan alatọ.”

Jona 3:10

Ogẹn Osolobuẹ gi hụn ihiẹnni wẹ mẹ, hụn kẹ wẹ dọnmẹ latọsọnmẹ eje-omumẹ wẹ, ọ gharị, o mẹzini wẹ ihiẹn ọ sị o k'e mẹ wẹ.

Malakaị 3:6

“Makẹni mmẹ wụ Osolobuẹ ara gbehutọ haịn ụnụ wụ ebọn Jekọpụ gilẹni gụ k'o te furu,

Ọgụngụn 23:19

“Osolobuẹ ẹlẹ ịhịan hụn o gi tụ ntụ; ẹlẹ ịhịan mụ a hụn o gi rohutọ. N'o ku oku bụ o mẹn'ẹ? N'o kwe nkwa bu o mẹzun'ẹ?

Ndị Rom 11:29

Makẹni Osolobuẹ ara napụ ịhịan ihiẹn o ye ẹ mọbụ kpọgụ ịhịan oku jụ a.

Ndị Ẹfẹsọsụ 4:30

Emẹkwọlẹ ni ihiẹn k'a fụ Mmọn-nsọ Osolobuẹ, makẹni ịya wụ ahịma Osolobuẹ ye (yi) ụnụ makẹ ụhụọhịn nzụọpụha.

Ditrọnọmi 32:29

K'ọ rị m wẹ nwọn uche hụn w'e gi ghọta ihiẹnni, marịn ihiẹn jẹnkọ d'e mẹ wẹ:

Ditrọnọmi 32:36

Osolobuẹ k'a tụnnị ndị nke ẹ ụya, mẹ omikẹn idibo ẹ, ọ hụn a nị ndụn a gụgụọ wẹ, nị onwọnni onyẹ họdụnị — kẹ igbọn kẹ ndị nwọn enwẹn wẹ.

Ditrọnọmi 5:29

K'o furu egun m a rịsọnmẹ wẹ nwan obi ẹnịna, e gi w'ẹ e mẹ ihiẹn ile m sị wẹ mẹ, n'ọ hụn ụzọ masịnị wẹ lẹ ụmụ wẹ jẹnrin-ejẹn.

Hibru 3:10

Ya haịn iwe agbọ hụ gi we m, m nọ sị, ‘Ogẹn ile kẹ obi wẹ gi a kpahu, w'e ke marịnkwọ kẹ m'e mẹ.’

Hibru 3:17

Elee ndị kẹ ize wẹ ze Osolobuẹ ọrọgbọ ahụa ọgụnnaị? Ẹlẹ ndị ahụn mẹ njọ? Ẹlẹ wẹ nwụntọsọnmẹ imẹ atụ?

Jemisi 1:17

Makẹni, ihiẹn ile rị mma zu oke wẹ e ye gha elu-igwee bịa — ọ gha ẹka Nẹdi hụn e ye ukpẹ ile a bịa, Nẹdi hụn ghalẹni e kuhutọ ọnụ mọbụ e yebe ukpẹ yemẹ ishi.

Samuẹlụ Nke Ibuzọ 15:11

“Ọ fụka m nị m tumẹ Sọlụ eze, makẹni ọ gbakitọgụọ m azụụn; o mẹni ihiẹn m sị a mẹ.” Ihiẹnni nọ fụ Samuẹlụ, ọ nọ kwanghọsị Osolobuẹ uhinhin hụ ile.

Samuẹlụ Nke Ibuzọ 15:29

Ọghọ Izrẹlụ wụ Osolobuẹ ara tụ ntụ, o rohutọkọ — makẹni ẹlẹ ịhịan hụn o gi rohutọ!”

Samuẹlụ Nke Ibuzọ 15:35

Samuẹlụ e we nwụn, o jẹnzini d'a hụn Sọlụ, kanị ọ hụkwọ a kwannị Sọlụ. Ọ fụghọ Osolobuẹ nkẹ ọda-ọda n'o kin Sọlụ eze.