Jẹnẹsisi 6:17 - Ika

¹⁷ “Lee ẹ, m shikọ d'e zihẹ okẹn mirin imẹ ụwa, gi ẹ tikpọ ihiẹn ile e kwọnni rị okpuru igwere; ihiẹn ile rị imẹ ụwa sikọ d'a nwụnhụn.

Jẹnẹsisi 6:17 ပူးပေါင်းရင်းမြစ်များ

Jẹnẹsisi 2:7

Ya kẹ Osolobuẹ wụ Chuku nọ gi ẹjan rị alị kpụ ịhịan, ọ nị kwọn uzun wẹ gi a rị ndụn ye ẹ imi, ịhịan nọ wụrụ onyẹ rị ndụn.

Jẹnẹsisi 6:13

Ya Osolobuẹ nọ sị Nụa, “A kwademẹgụọ m nị m jẹnkọ d'e kpọnchanpụ ịhịan ile, makẹni, ẹka-ikẹn e jungụọ ụwa makẹ ufiri wẹ. M jẹnkọ nwan d'e tikpọ wẹ lẹ ụwa.

Jẹnẹsisi 6:16

Rụn okpukpu ye elu ụgbọ hụ pụ-ichẹn, y'a latọ oghe ẹgbata ibe osisi wẹ gi mẹmẹ ẹhụ a lẹ okpukpu ẹ — oghe ahụn k'a wụ ụbụkụ ohu lẹ nkirishi; rụn ọnụmụzọ ye ẹhụ a; rụn ụgbọ ahụn pụ-ichẹn n'o nwọn agba ẹtọ nọkẹ ụlọ-elu.

Jẹnẹsisi 6:7

Ya kẹ Osolobuẹ nọ sị, “M k'e kpọnchanpụ ịhịan elu-ụwa, ịhịan hụn m gi ẹka m ke; m k'e kpọnchanpụ ịhịan lẹ anụmanụ lẹ ihiẹn ndị hụn a rịhunmẹni lẹ ndị e fe elu. K'ọ rị m, ekeni m wẹ.”

Jẹnẹsisi 7:15

Ẹrịra kẹ ihiẹn ile e kwọnni dọn sọn Nụa banye imẹ ụgbọ ahụn pụ-ichẹn, wẹ ile ẹbụọ-ẹbụọ.

Jẹnẹsisi 7:17

Mirin ahụn hụ e jẹn elu ojijẹn-ojijẹn elu-ụwa ọrọgbọ akpọhịn ọgụnnaị; mirin hụ e jun, e jẹnwaye elu, e buli ụgbọ ahụn elu; ụgbọ hụ pụ-ichẹn nọ shiẹnrin elu mirin.

Jẹnẹsisi 7:4

Makẹni, akpọhịn ẹsa tannị, m k'e zihẹ mirin k'e zue ọrọgbọ akpọhịn ọgụnnaị, uhinhin lẹ efinaị; m k'e gi ẹ gbupụ ihiẹn ile rị ndụn m ke hụn rị imẹ ụwa.”

Jẹnẹsisi 9:9

“M rị e kwe nkwa k'a rị ẹgbata mmẹ lẹ ụnụ lẹ ụmụ ụnụ lalanị

Jobu 22:16

Wẹ gi ufiri ẹ wepụ wẹ ebe ogẹn wẹ kelẹni ru, ide-mirin nọ huru iyetọ wẹ.

Ẹbụ-ọma 107:34

O wiwi alị te e mẹ ihiẹn ọhụnma, o họnrin alị-nnu e gbu ihiẹn-ugbo, ufiri eje-obibi ndị bin'ẹ.

Ẹbụ-ọma 29:10

Osolobuẹ rị a kị ẹbi-mirin; Osolobuẹ wụ eze a kị jẹnrin ejẹn.

Ọpụpụ 14:17

M jẹnkọ d'a kpọkin obi ndị Ijiptu nị wẹ chụ ụnụ ndị Izrẹlụ ban imẹ ẹ. Ogẹn hụ, e gi m eze wụ Fẹro lẹ ndị-agha a ile nwọnrin ọghọ, uwẹ lẹ ụgbọ-anyịnyan a ndịnị ọ kị lẹ ndị-agha a bu ẹshin.

Azaya 51:12

“Mmẹ, mmẹ lẹ enwẹn, mmẹ a rọkọ ị obi. Onyẹ k'ị wụdẹ nwan i gi a tụ egun ịhịan mmaka ịhịan mmaka hụn a nwụnhụ kẹ ẹfịfịa?

Azaya 54:9

Ogẹnni rị m hụ kẹ ogẹn Nụa, m kun enwẹn m ogẹn Nụa nị mirin e rukpumẹkọzị ụwa. Ẹrịra kẹ m dọn nwan kun enwẹn m nị ebukọzịnị m'i olulu nị ajụgbọkọzị m'ị.

Izikẹlụ 34:11

“ ‘Makẹni, Osolobuẹ Nwọn Ihiẹn Ile sị: Mmẹ lẹ enwẹn m sikọ nwan d'a chọ atụnrụn m, chọ wẹ ru alị.

Izikẹlụ 34:20

“ ‘Osolobuẹ Nwọn Ihiẹn Ile sị wẹ nwan: Lee n'ẹ, m sikọ d'a hannị atụnrụn tutuni lẹ hụn tutulẹni eṅẹn.

Izikẹlụ 5:8

mmẹ wụ Osolobuẹ nwọn ihiẹn ile rị nwan a gwa yụ wụ Jerusalẹm nị mmẹ lẹ yụ rọ! M jẹnkọ d'e mẹshi i ikẹn idẹnya alị ndị ọzọ.

Izikẹlụ 6:3

Sị wẹ: Ugu ndị rị alị Izrẹlụ, gọn ni ntịn ihiẹn Osolobuẹ nwọn ihiẹn ile ku: Ọnwan wụ ihiẹn Osolobuẹ nwọn ihiẹn ile rị a gwa ugu lẹ òke ile, mgbugbu lẹ ọdanmgbugbu ile: M'e d'e zihẹni ụnụ ọpịa-agha, m k'e tikpọchanrịn ukpo-mmọn ụnụ ile.

Hosia 5:14

M k'e mẹ ndị Ifrem ihiẹn ẹwọrọ e mẹ anụ, e mẹ m ndị Juda ihiẹn okoro-ẹwọrọ e mẹ anụ: mmẹ lẹ enwẹn m k'a dọkịka wẹ; e buru m wẹ pụ, onwọnni onyẹ k'a sa ẹka zụọpụha wẹ.

Lẹvitikọsụ 26:28

m k'e gi olulu bunụmanị ụnụ; mmẹ lẹ enwẹn m k'e ye ụnụ afụnfụn njọ ụnụ mmagi-mmagi, ụzọ ẹsa.

Emọsụ 9:6

Di-nwọnni-ẹnyi hụn tụn mmughẹ-elu ẹ ye elu-igwere, gbe iyetọ a ye elu ụwa; Onyẹ hụn a kpọ mirin ohimin oku, e hu ẹ e kpu elu ụwa — Ẹfan a wụ Osolobuẹ:

Matiu 24:39

amarịn wẹ ihiẹn rị e mẹni d'e ru ni okẹn mirin hụ a bịa, gbupụ wẹ ile. Ẹrịra kẹ ọbịbịa Nwa nke Ịhịan jẹnkọ d'a rị.

Luku 17:27

Ịhịan ile hụ e ri, a ra, a lụ di lẹ nwunyẹ d'e ru ụhụọhịn ahụn Nụa banye imẹ ụgbọ-mirin ahụn pụ-ichẹn, okẹn mirin hụ nọ bịa, gbupụchanrịn wẹ ile.

Ndị Rom 5:21

n'ọ wụrụ nị kẹ njọ dọn gi ọnwụn kị ẹrịra kẹ ẹfọma Osolobuẹ k'e dọnzi gi ezi-omumẹ ọ rị e ye ịhịan kị — gi ẹrịra mẹ ịhịan nwọnhẹn ndụn-itẹbitẹ ghahanị Di-nwọnni-ẹnyi wụ Jizọs Kraịstị.

Ndị Rom 6:23

Makẹni, ụgwọ njọ wụ ọnwụn, kanị ihiẹn-ọfẹ Osolobuẹ e ye wụ ndụn itẹbitẹ hụn rị imẹ Jizọs Kraịstị Di-nwọnni-ẹnyi.

Ditrọnọmi 32:39

Lee n'ẹ nwan, nị mmẹ lẹ enwẹn m rọ! Wezụka m onwọnni Chuku rịnị. Mmẹ e gbu, mmẹ e ye ndụn; Mmẹ a rụ ịhịan ẹhụ, mmẹ a zụọ ịhịan; onwọnni onyẹ a s'ẹka a napụ m ihiẹn m kwọndọn.

Hibru 11:7

Makẹni Nụa nwọn okukwe, ogẹn Osolobuẹ gi gwatọ a ihiẹn mẹtulẹni jẹnkọ d'e mẹni, o gi ẹ dọn, gi egun Osolobuẹ rụn ụgbọ-mirin ahụn pụ-ichẹn, hụn Osolobuẹ gi nwan zụọpụha ezi-lẹ-ụlọ a. Nụa gi ihiẹnni o mẹ shịagbu ụwa ẹri, gi okukwe ẹ họnrin onyẹ ezi-omumẹ.

Pita Ibuzọ 3:20

ndị hụn gilẹni oku-Chuku wẹ gwa wẹ dọn ogẹn mbụ, ogẹn mbụ ahụn Osolobuẹ gi rị e din ndidin e che; ogẹn hụ Nụa gi rị a tụn ụgbọ-mirin hụ pụ-ichẹn, hụn wẹ gi zụọpụha ndị bulẹni ọda — madụ ẹsatọ kẹ wẹ zụọpụha, wepụha imẹ mirin ahụn.

Pita Nke Ẹbụọ 2:5

omẹni Osolobuẹ ahatuzikwọnị ụwa mbụ ye, ogẹn hụ o gi zihẹ okẹn mirin d'e tikpọ ụwa ndị-njọ hụ, kanị ọ zụọpụha Nụa hụn a gwa wẹ bi ọhụnma lẹ madụ ẹsa ndị ọzọ;