Jẹnẹsisi 50:25 - Ika

²⁵ Ya Josẹfụ nọ mẹ ụmụ Izrẹlụ kun'ẹ Osolobuẹ, kwe ẹ nkwa. Ọ sị wẹ, “Osolobuẹ k'a bịarịrị d'e yeni ụnụ ẹka. O ru ogẹn ahụn, ụnụ k'e kpọnrinrịrị ọkpụkpụ m gha alịnị pụ.”

Jẹnẹsisi 50:25 ပူးပေါင်းရင်းမြစ်များ

Jẹnẹsisi 50:5

‘Nẹdi m mẹ m bu ẹka che ẹ ọgbọdọgbọ kwe ẹ nkwa. Ọ sị m, “M'e d'a nwụn. Li m ye imẹ ili hụn m kwademẹtọ alị Kenaanị.” Dodo, nị m jẹn nwan d'e li nẹdi m, m ligụ a, e kinhẹn m.’ ”

Ọpụpụ 13:18

Ya Osolobuẹ nọ we wẹ ghashi ụzọ ọzọ, ụzọ hụn rị imẹ atụ hụn dọn ihun ibe Ohimin-ufie. Ndị Izrẹlụ dọnpụha kẹ ndị-agha kẹ wẹ pụla alị Ijiptu.

Ọpụpụ 13:19

Mozizi weri ọkpụkpụ Josẹfụ k'ọ pụkọ, makẹni Josẹfụ mẹ ndị Izrẹlụ kwe ẹ nkwa yen'ẹ, kunn'ẹ Osolobuẹ, sị, “Osolobuẹ k'a bịarịrị d'e yeni ụnụ ẹka. O ru ogẹn ahụn, ụnụ k'e kpọnrinrịrị ọkpụkpụ m ụnụ pụkọnị ebeni.”

Ọpụpụ 3:17

E kweọlẹ m nkwa nị m jẹnkọ d'e wepụha ụnụ imẹ ụya ụnụ rị e ri imẹ alị Ijiptu, we ụnụ shi alị ndị Kenaanị, ndị Hẹti, ndị Amọ, ndị Pẹrẹzi, ndị Hivu lẹ ndị Jebusu, alị mirin-ẹran lẹ mirin-ẹnwụn rị e hu.’

Ọpụpụ 3:8

A bịaọlẹ m nwan d'a gbapụha wẹ ẹka ndị Ijiptu lẹzi nị m gha imẹ alị ahụn wepụha wẹ, webanhan wẹ alị rị mma, shịa ẹfọ, alị mirin-ẹran lẹ mirin-ẹnwụn rị e hu imẹ ẹ, alị hụn ndị Kenaanị, ndị Hẹti, ndị Amọ, ndị Pẹrẹzi, ndị Hivu lẹ ndị Jebusu bi nwan.

Ọrụn Ndị-ozi 7:16

Omẹgụ, wẹ nọ bukin wẹ ile obodo Shẹkẹm, li wẹ ye imẹ ili ahụn rị Shẹkẹm hụn Ebraham gi egho ṅọnnarịn ụmụ Hamọ.

Hibru 11:22

Okukwe kẹ Josẹfụ gi nọ ebe ọ nwụnkọ ku oku ọpụpụ ụmụ Izrẹlụ jẹnkọ d'a pụ Ijiptu, gwa wẹ kẹ w'e mẹ ọkpụkpụ a.

Joshụa 24:32

Ọkpụkpụ Josẹfụ hụn ndị Izrẹlụ gha Ijiptu bulụa, imẹ alị hụ rị Shẹkẹm hụn Jekọpụ gi akpụrụ siliva ọgụn isẹn ṅọnnarịn ụmụ Hamọ nẹdi Shẹkẹm kẹ wẹ liye wẹ, wẹ nọ wụrụ ukuu ụmụ Josẹfụ.

Rutu 1:6

Ọ nọbe, Nahomi nọ kwademẹ, ya lẹ inyẹnmẹ ụmụ a nọ buli n'ọ gha alị Mụabụ lakin alị a, makẹni ọ nụgụọ kẹ wẹ ku ẹ imẹ ugbo alị Mụabụ nị Osolobuẹ e mẹgụọ ọhụnma ye ndị nke Osolobuẹ wụ Izrẹlụ ihiẹn w'e ri.