Jẹnẹsisi 50:24 - Ika

²⁴ Ya Josẹfụ nọ sị umunẹ ẹ “M'e d'a nwụn; kanị Chuku jẹnkọ d'a bịarịrị d'e yeni ụnụ ẹka, gha alịnị wepụ ụnụ, bu ụnụ che alị hụ o kun enwẹn ẹ kwe ndị nẹdi ụnụ wụ Ebraham, Aziki lẹ Jekọpụ nkwa a.”

Jẹnẹsisi 50:24 ပူးပေါင်းရင်းမြစ်များ

Jẹnẹsisi 12:7

Ya kẹ Osolobuẹ nọ we enwẹn ẹ ghọsị Ebram, sị, “M k'e ye nwa ị alịnị.” Ebram nọ rụnnị Osolobuẹ ukpo wẹ n'a chụn ẹjan ebahụn — Osolobuẹ hụn we enwẹn ẹ ghọsị a.

Jẹnẹsisi 13:15

M k'e we alịnị ile ị rị e legha ye yụ lẹ mmụ ị werichanrịn.

Jẹnẹsisi 13:17

Buli nwan, n'ị ghahunmẹchanrịn alịnị k'ọ han — usue ẹ lẹ ụshịa a, m rị e ye y'ẹ.”

Jẹnẹsisi 15:18

Ụhụọhịn ahụn kẹ Osolobuẹ kwe Ebram nkwa, sị, “M rị e ye ụmụ ị alịnị, hụn gha iyi rị ebe alị Ijiptu ru d'e rukwọrị iyi uku wụ Yufretisi —

Jẹnẹsisi 15:7

Osolobuẹ nọzị sị a, “Mmẹ wụ Osolobuẹ hụn gha Uru rị alị ndị Kal'di Babilọnụ wepụha ị kẹni m ye i alịnị weri.”

Jẹnẹsisi 15:8

Kanị Ebram a sị a, “Euu Osolobuẹ nwọnni m, nanị m'e dọn marịn n'o sikọ d'a wụrụ nke m?”

Jẹnẹsisi 17:8

M sikọ d'e ye yụ lẹ mmụ ị alịnị ị wụ nwan abịamabịa; ebe ile alị Kenaanị gha k'a wụrụ nke ụnụ jẹnrin ejẹn. Mmẹ k'a wụrụ Chuku ụmụ ị.”

Jẹnẹsisi 21:1

Osolobuẹ bịa d'a tụnị Sẹra ụya k'o dọn ku, ọ nọ mẹni Sẹra ihiẹn o kwe ẹ nkwa.

Jẹnẹsisi 26:3

Biri imẹ alịnị rịkẹ abịamabịa. I mẹ ẹ, m k'a nọyen'i, gọzi i — makẹni m jẹnkọ d'e we alịnị ile ye yụ lẹ ụmụ ị — m k'e mẹzu nkwa m kwe Ebraham nẹdi i.

Jẹnẹsisi 28:13

O legha Osolobuẹ k'o turu mkpọnụnụ obe ahụn. Osolobuẹ nọ sị a, “Mmẹ wụ Osolobuẹ, Chuku Ebraham nẹdi i kanị lẹ Chuku Aziki; m jẹnkọ d'e ye yụ lẹ ụmụ ị alịnị i dinẹ.

Jẹnẹsisi 3:19

Ọbanje k'e sugụ ị i kebe hụn ihiẹn-oriri d'e ru mgbe i kin azụụn imẹ alị — makẹni alị kẹ m nọ weri i: ẹghẹẹ, ẹjan kẹ ị wụ; ẹjan kẹ y'a la.”

Jẹnẹsisi 35:12

M rị e yezikwọ ị alị hụ m ye nẹdi i kanị wụ Ebraham lẹ nẹdi i wụ Aziki; m k'e yezikwọ ụmụ ị ya.”

Jẹnẹsisi 46:4

Mmẹ lẹ enwẹn m k'e sọnjẹn i alị Ijiptu. M k'e welụarịrị ị; idẹnya Josẹfụ kẹ y'a nọ nwụn, ịya k'e shikpumẹ i ẹnya.”

Jẹnẹsisi 47:29

O rumẹ ogẹn Jekọpụ e gi nwụn, ọ nọ kpọ nwa a wụ Josẹfụ, sị a, “Omẹni ihiẹn m a sụọghọ ị, bu ẹka che m okpuru ọgbọdọgbọ kunni m'ẹ n'i sikọ d'e mẹni ihiẹn m k'a rịọ ị nke nẹdi i, m'ẹ kẹ onyẹ wẹ gi e dọn ẹnya. Elitọkwọlẹ m alị Ijiptu.

Jẹnẹsisi 48:21

Ya Izrẹlụ nọ sị Josẹfụ, “M'e d'a nwụn. Kanị, Osolobuẹ k'a nọyeni ụnụ, wekin ụnụ alị ndị nẹdi ụnụ kanị.

Jẹnẹsisi 50:5

‘Nẹdi m mẹ m bu ẹka che ẹ ọgbọdọgbọ kwe ẹ nkwa. Ọ sị m, “M'e d'a nwụn. Li m ye imẹ ili hụn m kwademẹtọ alị Kenaanị.” Dodo, nị m jẹn nwan d'e li nẹdi m, m ligụ a, e kinhẹn m.’ ”

Jobu 30:23

A marịnghọ m n'i zilakọ m mmọn, ebe ndị ile rị ndụn lakọ.

Ọpụpụ 12:41

Ụhụọhịn ahụn o zu ahụa iri kwasị ọgụn kwasị nnụ daị, ebọn ile rị imẹ ndị nke Osolobuẹ nọ gha alị Ijiptu pụ.

Ọpụpụ 12:51

Ụhụọhịn ohu ahụn kẹ Osolobuẹ gha alị Ijiptu wepụha ebọn ile rị Izrẹlụ.

Ọpụpụ 13:19

Mozizi weri ọkpụkpụ Josẹfụ k'ọ pụkọ, makẹni Josẹfụ mẹ ndị Izrẹlụ kwe ẹ nkwa yen'ẹ, kunn'ẹ Osolobuẹ, sị, “Osolobuẹ k'a bịarịrị d'e yeni ụnụ ẹka. O ru ogẹn ahụn, ụnụ k'e kpọnrinrịrị ọkpụkpụ m ụnụ pụkọnị ebeni.”

Ọpụpụ 3:8

A bịaọlẹ m nwan d'a gbapụha wẹ ẹka ndị Ijiptu lẹzi nị m gha imẹ alị ahụn wepụha wẹ, webanhan wẹ alị rị mma, shịa ẹfọ, alị mirin-ẹran lẹ mirin-ẹnwụn rị e hu imẹ ẹ, alị hụn ndị Kenaanị, ndị Hẹti, ndị Amọ, ndị Pẹrẹzi, ndị Hivu lẹ ndị Jebusu bi nwan.

Ọpụpụ 33:1

Osolobuẹ nọ sị Mozizi, “Gha ebeni pụ, ịyụ lẹ ndị ị gha Ijiptu wepụha; jẹnmẹ ni alị hụ m kun enwẹn m kwe Ebraham lẹ Aziki lẹ Jekọpụ nkwa, sị, ‘M jẹnkọ d'e ye ụmụ ọnụ ya.’

Ọpụpụ 4:31

wẹ nọ kweri. Ogẹn wẹ gi nụ nị Osolobuẹ a bịagụọ d'a tụnị wẹ ụya, lẹni ọ hụngụọ ụya wẹ rị e ri, wẹ nọ kụnị Osolobuẹ isi alị.

Ẹkịliziastisi 12:5

mgbe ịhịan gi a tụ egun inyin-elu lẹ ịpụ-ezi; ogẹn obobo ọchan gi e jun ibe elu rịkẹ elu amọndụ changụnị, kpamkpam a dọkpụnma enwẹn ẹ adọkpụn, ihiẹn a gụn ẹgụn agụnkọzị. Ogẹn ahụn, hụnyẹ a lashi ụlọ itẹbitẹ ẹ, ndị rị a kwann'a a ghahunmẹmẹ ụwaya a kwan.

Ẹkịliziastisi 12:7

ẹjan a lakin anị ọ gha pụha, umẹ-ndụn a lakin ebe Chuku yen'ẹ rị.

Ọgụngụn 32:11

‘Makẹni ewepụhanị wẹ obi sọnchanrịn m, onwọnni okẹnnyẹ ọwụlẹ rị nwa ahụa ọgụn shi elu hụn gha alị Ijiptu pụha hụn k'a hụn alị hụ m kun enwẹn ẹ kwe Ebraham lẹ Aziki lẹ Jekọpụ nkwa a —

Ndị Rom 5:12

Ya wụ, kẹ njọ dọn gha ẹka okẹnnyẹ ohu wụ Adam banhan imẹ ụwa, buhẹ ọnwụn, ẹrịra kẹ ọnwụn dọn ru ịhịan ile ẹka makẹni ịhịan ile mẹ njọ.

Ditrọnọmi 1:8

Lee ẹ, e wegụọ m alị ahụn ile ye ụnụ. Banye ni d'e weri alị ahụn biri — alị ahụn Osolobuẹ kun enwẹn ẹ n'o k'e ye ndị nẹdi ụnụ wụ Ebraham, Aziki lẹ Jekọpụ lẹ agbọ wẹ ile lalanị.”

Ditrọnọmi 6:10

Ogẹn Osolobuẹ wụ Chuku ụnụ e gi weban ụnụ imẹ alị ahụn o kun enwẹn ẹ kwe ndị nẹdi ụnụ wụ Ebraham, Aziki lẹ Jekọpụ nkwa n'o k'e ye ụnụ, alị obodo rị mma shịa ẹfọ rịsọnmẹ, obodo ndị ụnụ tụnlẹni,

Hibru 11:22

Okukwe kẹ Josẹfụ gi nọ ebe ọ nwụnkọ ku oku ọpụpụ ụmụ Izrẹlụ jẹnkọ d'a pụ Ijiptu, gwa wẹ kẹ w'e mẹ ọkpụkpụ a.

Hibru 9:27

K'o dọn wụrụ nị ịhịan a nwụnhụn mgbe ohu, o mẹgụ, okinkin-ikpe e sọn ẹ,

Joshụa 24:32

Ọkpụkpụ Josẹfụ hụn ndị Izrẹlụ gha Ijiptu bulụa, imẹ alị hụ rị Shẹkẹm hụn Jekọpụ gi akpụrụ siliva ọgụn isẹn ṅọnnarịn ụmụ Hamọ nẹdi Shẹkẹm kẹ wẹ liye wẹ, wẹ nọ wụrụ ukuu ụmụ Josẹfụ.