Jẹnẹsisi 50:21 - Ika

²¹ Atụlẹ ni nwan egun; m k'e lepụ ụnụ lẹ ụmụ ụnụ ẹnya ọhụnma.” Ẹrịra k'o dọn ku ndụn ye wẹ obi, mẹ obi ru wẹ alị.

Jẹnẹsisi 50:21 ပူးပေါင်းရင်းမြစ်များ

Jẹnẹsisi 34:3

Obi Shẹkẹm ekwezini pụ ebe Daịna nwa Jekọpụ rị; ihiẹn Daịna sụọ Shẹkẹm ọda-ọda, Shẹkẹm nọ gi ọnụ-ọma rẹrẹma nwata-okpoho hụ.

Jẹnẹsisi 45:5

Ka anịlẹ ni obi nahịn ụnụ mọbụ kọrịamanị enwẹn ụnụ nị ụnụ re m ere, makẹni, Osolobuẹ zi m buruni ụnụ ụzọ, n'o gi dọnmẹ ịhịan ndụn.

Jẹnẹsisi 47:12

Josẹfụ nọzị ye nẹdi ẹ lẹ mmunẹ ẹ lẹ ndị ile rị ikpụlọ nẹdi ẹ ihiẹn-oriri: o ye onyẹ-onyẹ kẹ ndị rị iwe ẹ buhan ọda.

Jẹnẹsisi 50:22

Ya Josẹfụ lẹ ụmụ nẹdi ẹ ile nọ biri alị Ijiptu. Ahụa iri kwasị ọgụn-isẹn kẹ Josẹfụ tọ:

Ihiẹn Mẹni Nke Ẹbụọ 30:22

Hezikaya nọ ku ndụn ye ndị Livaị obi, makẹni wẹ ghọsị n'a ghọtaghọ wẹ kẹ w'e fe Osolobuẹ ọhụnma. Wẹ nọ ri oriri hụ ọrọgbọ akp'ọhịn ẹsa wẹ gi e ri ẹ, a chụn ẹjan-ekele, a kpanmịn Osolobuẹ, Chuku ndị nẹdi wẹ.

Azaya 40:2

Gwa nị Jerusalẹm oku a rọkọ obi, hịnị n'a ya n'ọ nụ a — nị agha e mẹgụọ a ihiẹn o k'e mẹ ẹ; n'ọ kụgụọ ụgwọ njọ a; nị Osolobuẹ e yegụọ a afụnfụn njọ a, yekwasị.

Matiu 5:44

Kanị mmẹ nwẹn sị ụnụ e nwọn ihiẹn-ọsụsụọ ndị-iṅẹnrẹn ụnụ, e mẹni ni ndị rị e kpokponi ụnụ ekpere,

Matiu 6:14

“Ẹghẹẹ, ụnụ gbagharị ndị ọzọ mmẹfie wẹ, Nẹdi ụnụ rị elu-igwee a gbagharịzịkwọ ụnụ;

Ndị Tẹsalonika Ibuzọ 5:15

Hụn n'a n'o nwọnni onyẹ ọwụlẹ imẹ ụnụ e gi njọ a kụ njọ, kama, a chọ nị nị ụnụ e mẹni ibe ụnụ lẹ ndị ọzọ ile ihiẹn rị mma.

Pita Ibuzọ 3:9

Emẹgwarịkwọlẹ ni ịhịan eje-ihiẹn mọbụ kpọgwarị wẹ iyi. Kama, gọzi ni wẹ, makẹni ngọzi kẹ Osolobuẹ kpọ ụnụ d'e weri.

Ndị Han Eṅẹn 19:3

ya di ẹ nọ jẹn d'a rịọkin ẹ. Okẹnnyẹ hụ lẹ odibo ẹ nyinhẹn jaki ẹbụọ. Okpoho nwẹn nọ nabanhan a iwe nẹdi ẹ. Ogẹn ọgọ a gi hụn okẹnnyẹ hụ, ọ nọ gi obi ụsụọ nabanhan a.