Jẹnẹsisi 5:22 - Ika

²² Ogẹn Ẹnọkụ gi mụgụ Mẹtusẹla, Ẹnọkụ nọ sọnmẹ Osolobuẹ, sọn ẹ ọrọgbọ ahụa ọgụn-mmisẹn. Ọ mụzịghọ ụmụ ndị ọzọ ogẹn ahụn — kẹ ikẹnnyẹ kẹ ikpoho.

Jẹnẹsisi 5:22 ပူးပေါင်းရင်းမြစ်များ

Jẹnẹsisi 17:1

Ogẹn Ebram gi rị ahụa ohu arịa ọgụn-isẹn, Osolobuẹ nọzị we enwẹn ẹ ghọsị Ebram, sị a, “Mmẹ wụ Chuku Hụn nwọn ikẹn ile; bi kẹ m dọn chọ; emẹkwọlẹ ihiẹn wẹ e gi kọrịanị ị —

Jẹnẹsisi 24:40

Ya ọ nọ sị m, ‘Osolobuẹ hụn m rị e bini k'e zi ndị mmọn-ozi ẹ nị wẹ sọn i kẹni ijẹn i hụn ụzọ gha. Ebọn ẹnyi, iwe nẹdi m daị, kẹ y'a nọ lụhanị nwa m nwunyẹ.

Jẹnẹsisi 48:15

Ọ nọ gọzimẹ Josẹfụ, sị, “Chuku ahụn ndị nẹdi m wụ Ebraham lẹ Aziki bi k'o dọn chọ, Chuku ahụn rị e lepụ m ẹnya kete m bịalẹ ụwanị d'e ru tannị,

Jẹnẹsisi 5:21

Ogẹn Ẹnọkụ gi rị ahụa isẹn kwasị ọgụn-ẹtọ, ọ nọ mụ Mẹtusẹla.

Jẹnẹsisi 5:23

Ya wụ, ahụa isẹn kwasị ọgụn-mmẹsatọ kẹ Ẹnọkụ tọ.

Jẹnẹsisi 5:24

Ẹnọkụ e sọnbe Osolobuẹ, ahụnzịnị w'a — makẹni Osolobuẹ weri ẹ.

Jẹnẹsisi 6:9

Ọnwan wụ akịkọ Nụa: Nụa wụ onyẹ ezi-omumẹ, ịya nwọnlẹni nkọrịanị ogẹn nke wẹ. Nụa e sọn Osolobuẹ.

Ndị-nze Nke Ibuzọ 2:4

lẹni Osolobuẹ hụn ụzọ mẹzu nkwa o kwe m, sị, ‘Ụmụ ị dọnrin ẹnya bi obibi rị mma, gi obi wẹ ile lẹ umẹ-ndụn wẹ ile bini m k'o furu nị wẹ bi, y'e nwọnbehikọ onyẹ ẹbozo ị k'a nọdị ukpo-eze Izrẹlụ.’

Ndị-nze Nke Ẹbụọ 20:3

“Euu, Osolobuẹ, dodo, nyanhankwọ kẹ m dọn rị e sọnchanrịn ị ọhụnma-ọhụnma lẹ kẹ m dọn wechanrịn obi m ile ye i, e mẹ ihiẹn rị mma ẹnya ị.” Hezikaya nọ kwan ẹkwan ọda-ọda.

Ẹbụ-ọma 116:9

M hụkwọ ndụn elu ụwanị, a ghahunmẹ ihun Osolobuẹ.

Ẹbụ-ọma 128:1

Ngọzi a rịkakwọnị onyẹ hụn a tụ egun Osolobuẹ, onyẹ hụn e sọn ụzọ a ile.

Ẹbụ-ọma 16:8

Ogẹn ile kẹ m gi a nyanhan nị Osolobuẹ nọyeni m anọyeni. Ebe o mẹni ọ hụ m ẹka-nni, onwọnni ogẹn m'e gi mẹhunmẹ!

Ẹbụ-ọma 26:11

Bụ mmẹ nwẹn hụ e bi ọhụnma; dodo, gbapụha m nwan, mẹ omikẹn m.

Ẹbụ-ọma 56:13

makẹni y'a zụọpụhagụọ m ẹka ọnwụn, y'a nịnị m dan. Ya haịn m gi nwan rị e jẹnhunmẹ ihun Osolobuẹ, e nwọn ukpẹ ahụn wụ ndụn.

Ẹbụ-ọma 86:11

Osolobuẹ, dodo kuzi m ụzọ ị, kẹni m'e gi ezioku i e bi; mẹ m e gi akpak'alị obi m a gbaye ẹfan ị.

Ọpụpụ 16:4

Ya kẹ Osolobuẹ nọ sị Mozizi, “M jẹnkọ d'a gha elu-igwee hutuni ụnụ ihiẹn-oriri nọkẹ ebe mirin rị e zue. Wẹ k'a gha a pụha ụhụọhịn-ụhụọhịn d'e kpọnrin hụn k'e zu wẹ ri ụhụọhịn hụ. Ụzọnị kẹ m'e gi lele wẹ, nị m lee kẹni wẹ mẹ ihiẹn m sị wẹ mẹ.

Ẹbụ Solomọnụ 1:4

Weri m, nị ẹnyi pụ ozigbo-ozigbo! “Eze” m ya dodo we m shi mmughẹ ẹ. Nị ẹnyi gi ufiri i ghọghọ, ẹfọ a sụọ ẹnyi ụsụọ; ẹnyi k'a ja ihiẹn-ọsụsụọ ị mma karị manya. Ya haịndẹ ihiẹn i gi sụọ wẹ!

Hosia 14:9

Ndị marịn ihiẹn wẹ ghọta ihiẹn ndịnị; ndị nwọn nghọta wẹ marịn ihiẹn wẹ wụ. Makẹni ụzọ Osolobuẹ furu efuru, ndị kụrụ ọtọ a gha wẹ, kanị ndị e mẹfieni a kpọgburu, a dan.

Lẹvitikọsụ 26:12

M k'a gha e jẹnhunmẹ imẹ igunrun ụnụ, a wụrụ m Chuku ụnụ, ụnụ a wụrụ ndị nke m.

Emọsụ 3:3

Nị madụ ẹbụọ sa ẹka jẹngbama ijẹn bụ ekutọnị wẹ ebe wẹ jẹnkọ?

Maịka 4:5

Ndị alị ọzọ ile nwọn ikẹn gi ẹfan mmọn wẹ e bi, ẹnyi nwẹn k'e gi ẹfan Osolobuẹ wụ Chuku ẹnyi bi jẹnrin ejẹn.

Maịka 6:8

Ịhịan, Osolobuẹ agwagụọ ị ihiẹn rị mma i k'e mẹ. Kị Osolobuẹ chọ ẹka ị karị iye ịhịan ihiẹn ẹ lẹ ihiẹn-ọsụsụọ lẹ iwelụa enwẹn i alị bini Chuku i?

Malakaị 2:6

wẹ te hụ a kuzi ihiẹn wụ ezioku; onwọnni onyẹ nụ eje-ihiẹn ọnụ wẹ; e gi wẹ ihumẹchanrịn isi lẹ ezioku sọn m — mẹ ndị bu ọda bibehi eje-obibi.

Luku 1:6

Wẹ ẹbụbụọ wụ ndị ezi-omumẹ ẹnya Osolobuẹ; w'e dọnmẹchanrịn iwu lẹ ọdịnalị Di-nwọnni-ẹnyi, onwọnni hụn w'e gi kọrịanị wẹ —

Ọrụn Ndị-ozi 9:31

Ya kẹ ndị ụka rị Judia lẹ Galili lẹ Sameria ogẹn hụ nọ zu ikẹn ukpokpo wẹ rị e kpokpo wẹ. Wẹ hụ e zekẹnmẹ, e gi egun Di-nwọnni-ẹnyi e bi, Mmọn-nsọ hụ e yeni wẹ ẹka e buwaye ọda.

Ndị Rom 8:1

Ya wụ, onwọnzini nwan ikpe hụn ma ndị rị imẹ Kraịstị wụ Jizọsị, ndị rịzịlẹni e bi kẹ ịhịan-mmaka kanị kẹ Mmọn-nsọ dọn chọ.

Ndị Kọrẹntị Ibuzọ 7:17

K'osilẹrị, onyẹ-onyẹ lẹ hụn Di-nwọnni-ẹnyi ye ẹ bi; onyẹ-onyẹ ya bimẹ hụn Osolobuẹ kpọ a d'e bi; ọhụn kẹ m'a kuzi imẹ ụka Kraịstị ile.

Ndị Kọrẹntị Nke Ẹbụọ 6:16

Kị Ụlọ-nsọ Osolobuẹ lẹ mmọn gi? Ẹnyi wụ Ụlọ-nsọ Osolobuẹ, Chuku hụ rị ndụn, nọkẹ kẹ Osolobuẹ dọn ku ẹ, sị, “M k'e biri imẹ wẹ, e jẹnhunmẹ imẹ igunrun wẹ. M k'a wụrụ Chuku wẹ, a wụrụ wẹ ndị nke m.”

Ndị Ẹfẹsọsụ 5:15

Kpachanpụ nị nwan ẹnya e bi; ebilẹ ni kẹ ndị marịnlẹni ihiẹn, ka e bi ni kẹ ndị marịn ihiẹn.

Ditrọnọmi 13:4

Osolobuẹ wụ Chuku ụnụ kẹ ụnụ k'e sọn; ịya kẹ ụnụ k'a tụ egun ẹ. E mẹ ni ihiẹn ọ sị ụnụ mẹ, ụnụ a gbaye ẹ, fe ẹ, kwọnkẹnmẹ ẹ.

Ditrọnọmi 28:9

Osolobuẹ k'e mẹ ụnụ weri ọnọdị rịkẹ ndị-nsọ a k'o dọn kun enwẹn ẹ kwe ụnụ nkwa, omẹni ụnụ e mẹghọ ihiẹn Osolobuẹ wụ Chuku ụnụ sị ụnụ mẹ, gha ụzọ a.

Ditrọnọmi 5:33

ghasọnmẹ ni ụzọ ile hụn Osolobuẹ wụ Chuku ụnụ sị ụnụ gha, kẹn'ọ masịnị ụnụ, ụnụ e nwọn isi-nka imẹ alị ahụn ụnụ k'e weri.

Ndị Kolosị 1:10

kẹni ụnụ e bi obibi furu Di-nwọnni-ẹnyi, obibi hụn a sụọn'a ụzọ ile, a mịpụha mkpụrụ ọrụn ọma ile rị ichẹn-ichẹn, a marịn Osolobuẹ, a marịnwaye.

Ndị Kolosị 4:5

E gi ni uche e sọn ndị kwerilẹni; anịlẹ ni oghere ọwụlẹ ụnụ nwọn nahịn ụnụ.

Ndị Tẹsalonika Ibuzọ 2:12

a dụn ụnụ ọdụn, a gba ụnụ umẹ, a rịọ ụnụ, nị ụnụ e bi obibi furu Osolobuẹ hụn kpọbanhan ụnụ Alị-eze ẹ lẹ ọghọ a.

Ndị Tẹsalonika Ibuzọ 4:1

Umunẹ ẹnyi, igi mẹkin, ẹnyi gi ẹfan Di-nwọnni-ẹnyi wụ Jizọsị a rịọ ụnụ: bisọnmẹ ni obibi hụ ụnụ mụnarịn ẹnyi nị ya a sụọ Osolobuẹ ụsụọ, obibi ahụn ụnụ rị nwan e bi; bikẹnmẹ ni ẹrịra.

Jọnụ Ibuzọ 1:7

Kanị, omẹni ẹnyi hụ e bi imẹ ukpẹ kẹ ya nwẹn dọn rị imẹ ukpẹ, ya wụ nị ẹnyi lẹ ịya rị nke-esi, ẹdeke Nwa a wụ Jizọsị hụ a chanchanpụ ẹnyi njọ ile.