Jẹnẹsisi 49:22 - Ika

²² “Josẹfụ wụ vaịnị rị a mị mkpụrụ, hụn rị ẹhụ isi-mirin; hụn wa ẹka ndị kụghafe mgbọn.

Jẹnẹsisi 49:22 ပူးပေါင်းရင်းမြစ်များ

Jẹnẹsisi 41:52

Ọ nọ gụn hụn ẹbọ Ifrem, gi ẹ sị, “Makẹni Osolobuẹ e mẹgụọ m ba ụba imẹ alị m nọ hụnjun ẹnya.”

Jẹnẹsisi 46:27

Wẹ gụnye ikẹnnyẹ ẹbụọ wẹ mụnị Josẹfụ alị Ijiptu, ndị ikpụlọ Jekọpụ ile hụn jẹn alị Ijiptu wụ mmadụ iri kwasị ọgụn ẹtọ.

Jẹnẹsisi 48:1

Omẹgụ, wẹ nọ bịa d'a sị Josẹfụ, “Emu rị a kụ nẹdi i.” Ya Josẹfụ nọ weri ụmụ a ẹbụọ ahụn wụ Manasẹ lẹ Ifrem d'a hụn a.

Jẹnẹsisi 48:15

Ọ nọ gọzimẹ Josẹfụ, sị, “Chuku ahụn ndị nẹdi m wụ Ebraham lẹ Aziki bi k'o dọn chọ, Chuku ahụn rị e lepụ m ẹnya kete m bịalẹ ụwanị d'e ru tannị,

Jẹnẹsisi 48:16

‘Mmọn-ozi’ ahụn gbapụha m imẹ eje-ihiẹn ile, ya gọzi ụmụ-ẹkanị. Wẹ za ẹfan m lẹ ẹfan ndị nẹdi m wụ Ebraham lẹ Aziki. Wẹ ba ụba ọda-ọda elu-ụwanị.”

Jẹnẹsisi 48:5

“Ya wụ nwan nị wẹ k'a gụn ụmụ ị ẹbụọ ahụn ị mụ nị m d'a lụapụha alị Ijiptu yeni m; ẹghẹẹ, Ifrem lẹ Manasẹ sikọ d'a wụ nke m kẹ Rubẹni lẹ Simiọnụ dọn wụ nke m.

Jẹnẹsisi 49:23

Ndị-ụta e te gigụọ iwe ẹ rị wẹ ẹfọ maye ẹ, gba a ọbara nị wẹ rụ a ẹhụ.

Ẹbụ-ọma 128:1

Ngọzi a rịkakwọnị onyẹ hụn a tụ egun Osolobuẹ, onyẹ hụn e sọn ụzọ a ile.

Ẹbụ-ọma 128:3

Nwunyẹ i k'a rị a mị mkpụrụ mmụlọ iwe i nọkẹ osisi vaịnị; ụmụ ị k'e fihunmẹ ebe ụnụ a nọ e rị ihiẹn oriri nọkẹ osisi olivu.

Ẹbụ-ọma 80:10

O sue, du ọda-ọda, kpumẹ ugu, agalaba a nọ kpumẹdẹ okẹn osisi sida.

Izikẹlụ 19:11

Ọ waghọ agalaba ndị zeni, ndị họnrin ọkpọ ọkịkị. Ogwe ẹ e suerughọdẹ igwere, suekarị ndị ọzọ ile; w'e leghadẹ ya lẹ ẹhụhụọ junn'ẹ imẹ elu ebẹhụ.

Hosia 13:15

Ọsụọn'a n'ọ masịgụọnị Izrẹlụ karị umunẹ ẹ, ufere ẹbamịn ọwụwa ẹnyanwụn lala alala, ufere Osolobuẹ k'e zihẹ, o k'a gha alị-ọkpọnkụn fehẹ, isi-mirin ẹ ile a tahị, mirin ẹ ile a la; o k'a zarị ihiẹn ile o butọ, ihiẹn ile rị mkpa.