Jẹnẹsisi 49:11 - Ika

¹¹ O k'e kẹn jaki limẹni osisi vaịnị; agana vaịnị rịgbu enwẹn ẹ mma k'o k'e kẹn nwa-jaki ẹ limẹni. Manya vaịnị k'o k'e gi sụ ẹkwa a; manya vaịnị hụn e nwunchanrịn ẹdeke-ẹdeke k'o k'e gi sụ ẹwuru ẹ.

Jẹnẹsisi 49:11 ပူးပေါင်းရင်းမြစ်များ

Jẹnẹsisi 49:12

Ẹnya a k'e ginahịn manya vaịnị ngi; eze rị a ọnụ k'a channahịn mirin-ẹran ọchan.

Ndị-nze Nke Ibuzọ 4:20

Ogẹn Solomọnụ, ndị Juda lẹ ndị Izrẹlụ họdụnị e bukẹmẹkẹ ọda nọkẹ ẹjan rị mkpẹnrẹn ohimin; ihiẹn wẹ e ri lẹ ihiẹn w'a ra e jun, ẹfọ hụ a sụọ wẹ ụsụọ.

Ndị-nze Nke Ibuzọ 4:25

Ogẹn hụ ile Solomọnụ gi rị ndụn, ndị Juda lẹ Izrẹlụ, gha Danị d'e ru Biẹshẹba, bi udọn lẹ ndọnkwa — onyẹ-onyẹ bi ụlọ nke ẹ, nwọn alị vaịnị lẹ figi nke ẹ.

Ndị-nze Nke Ẹbụọ 18:32

d'e ru mgbe m bịa d'e we ọnụ shi alị hụn nọ kẹ nke ụnụ: alị ọka lẹ manya ọhụn jun, alị hụn brẹdi lẹ alị vaịnị jun, alị osisi-olivu lẹ mirin-ẹnwụn jun. Hanrịn nị nwan ndụn; ahanrịnlẹ ni ọnwụn! “Egọnkwọlẹ ni Hezikaya ntịn, makẹni ndufie kẹ ọ rị e dufie ụnụ ebe ọ rị a sị, ‘Osolobuẹ k'a gbapụha ẹnyi.’

Juwẹlụ 3:18

O ru ogẹn ahụn, ugu ndịnị k'e ye manya vaịnị ọda-ọda; elu-òke ndịnị e ye mirin-ẹran efin ọda-ọda mirin k'e jun iyi ile rị alị Juda; Isi-mirin k'a rị Ụlọ Osolobuẹ hụn mirin ẹ k'a gha e hupụha, a gba Ọdanmgbugbu Shitim mirin.

Emọsụ 9:13

Osolobuẹ sị, “Ezioku-ezioku, ihiẹn jẹnkọ d'a rịzị mma; ọka e jun bụ ogẹn ọka eke ru; vaịnị lẹ manya a e jun bụ ogẹn vaịnị eke ru. Vaịnị lẹ manya vaịnị a sụọnị e jun elu-ugu, manya vaịnị e huru elu-òke ile.

Maịka 4:4

Onyẹ-onyẹ k'e gi udọn lẹ ndọnkwa biri iwe ẹ, nwọnrin vaịnị lẹ figi nke ẹ; onwọnni onyẹ k'e rọn wẹ egun. Osolobuẹ ihiẹn ile rị okpuru ẹ e kugụọ a!

Ditrọnọmi 32:14

wẹ lẹ mirin-ẹran anụ hụn kpụkpụrụnị lẹ mirin-ẹran anụ hụn kpụkpụrụlẹni — nke efin lẹ nke atụnrụn lẹ nke ewu; o gizi ụmụ atụnrụn lẹ ewu wẹ zụntọ lẹ ebulu Bashanị rị mma lẹ mkpụrụ ọka-witi rị mma. Ụnụ a razịghọ mirin vaịnị rị a gbọ ụfọfọ.

Ditrọnọmi 8:7

Makẹni Osolobuẹ wụ Chuku ụnụ wela ụnụ alị rị mma, alị mirin iyi e huni lẹ mirin rị ụzọ-ohu jun, hụn mirin nọ e hu kẹ imẹ ọdanmgbugbu kẹ elu òke;

Ditrọnọmi 8:8

alị ọka-witi lẹ ọka-bali jun; alị vaịnị lẹ osisi-figi lẹ osisi pomegraneti lẹ ofigbọn-olivu lẹ mirin-ẹnwụn jun, e hu;

Rẹvẹleshọnụ 14:20

Ẹlẹ imẹ obodo kẹ wẹ nọ zọkpọ wẹ. Ẹdeke hụ a gha ebẹhụ e hupụha lekẹ iyi, iyi k'e ru ịhịan isi-uvun; o husọnmẹ d'e ru maịlị isin kwasị ọgụn-itenẹi gbegbegbe!

Rẹvẹleshọnụ 19:18

D'e ri ni anụ ndị-nze lẹ ndị ọkị-agha uku lẹ ndị odogun-agha; anụ ẹshin lẹ ndị e nyinni wẹ; anụ ịhịan ile — kẹ ndị nwọn enwẹn wẹ kẹ igbọn, kẹ ndị uku kẹ ndị nta!”

Rẹvẹleshọnụ 7:14

M nọ sị a, “Diọkpa, ịyụ marịn ndị wẹ wụ.” Ọ nọ sị m, “Ndịnị gha okẹn ukpokpo hụ pụha. Wẹ gi ẹdeke Nwa-ebulu hụ sụ ẹwuru wẹ, wẹ nọ họnrin ẹkwa-ọchan.

Rẹvẹleshọnụ 7:7

nnụ-uku mmẹbụọ wụ ndị ikpụlọ Simiọnụ; nnụ-uku mmẹbụọ wụ ndị ikpụlọ Livaị; nnụ-uku mmẹbụọ wụ ndị ikpụlọ Isaka;