Jẹnẹsisi 47:19 - Ika

¹⁹ Ọ hụ nwan mma nị ẹnyi ile rị alịnị nwụnhụn ebe ị rị a, kẹ ẹnyi kẹ alị ẹnyi? Weri nwan ẹnyi lẹ alị ẹnyi ye ẹnyi ihiẹn-oriri, nị ẹnyi wụrụ igbọn Fẹro, alị ẹnyi a wụrụ nke Fẹro; kasị ị ye ẹnyi ihiẹn-oriri, kẹni ẹnyi rị ndụn amamgbe ẹnyi a nwụnhụn — ogẹn ahụn, o nwọnkọzị onyẹ k'a họdụ alịnị.”

Jẹnẹsisi 47:19 ပူးပေါင်းရင်းမြစ်များ

Jẹnẹsisi 41:36

Wẹ dọnmẹtọnị alịnị ihiẹn-oriri ndị ahụn, gi cheri ahụa ẹsa ahụn ụnwụn e gi mụ alịnị, amamgbe ụnwụn ahụn e gbu alịnị la iwi.”

Jẹnẹsisi 47:15

Ogẹn egho gi gụ ndị alị Ijiptu lẹ alị Kenaanị ẹka, ndị Ijiptu ile nọ bịa d'e kunrun Josẹfụ, sị a, “Ye ẹnyi ihiẹn-oriri! Nị ẹgụn gbu ẹnyi nwan ebe ị rị a? Egho ẹnyi a gụgụọ maị!”

Jẹnẹsisi 47:18

Ahụa ahụn a gụ, ahụa a bọ, wẹ nọzị bịa d'e kunrun Josẹfụ, sị a, “Diọkpa, ẹnyi a s'ẹka zuemẹn'i y'ẹ, nị hụnnị egho ẹnyi gụchanrịngụ nwan, hụnnị anụ ile ẹnyi nwọn họnringụ nwan nke i, onwọnzini nwan ihiẹn họdụnị ẹnyi k'e ye i Diọkpa karị ẹhụ ẹnyi lẹ alị ndị ẹnyi nwọn.

Jẹnẹsisi 47:20

Ya Josẹfụ nọ ṅọntọchanrịnnị Fẹro alị ile rị Ijiptu. Ya ndị Ijiptu ile nọ rechanrịn alị ile wẹ nwọn makẹni ụnwụn ahụn bitụ wẹ ẹka; alị ile rị Ijiptu nọ họnrin nke Fẹro.

Jobu 2:4

Ekwensụ nọ sị, “Ẹhụ ịhịan wụ ẹhụ ịhịan! Onwọnni ihiẹn ịhịan ghalẹni e ye n'o gi zụọ isi ẹ.

Ẹkwan 1:11

Ndị Juda ile hụ a sụn udẹn, ebe wẹ rị a chọ ihiẹn-oriri; e gi wẹ ihiẹn ndị rị mkpa wẹ dọnmẹ a gbarị ihiẹn-oriri, kẹni wẹ hụn ụzọ ri ndụn. Euu Osolobuẹ, lee k'ọ rị m nị hụn kẹ wẹ rị e legberi m.

Ẹkwan 5:6

Ẹnyi e bugụọ enwẹn ẹnyi che okpuru alị Ijiptu lẹ alị Asiria kẹni ẹnyi a hụndẹ ihiẹn ẹnyi e ri.

Ẹkwan 5:9

Ẹnyi e be isi e ye ọb'ẹka kẹni ẹnyi hụn ihiẹn ẹnyi e ri, makẹni ndị gi ọpịa-agha rị ụzọ ugbo imẹ atụ.

Matiu 16:26

Elee erere k'ọ ban nị ịhịan e nwọnchanrịngụ ụwa ile, umẹ-ndụn a a nahịn a? Kị ịhịan sikọ d'e gi gbarị umẹ-ndụn a?