Jẹnẹsisi 47:17 - Ika

¹⁷ Ya wẹ nọ wẹhẹmẹni Josẹfụ ihiẹn-uriri wẹ; Josẹfụ nọ gi ihiẹn-oriri gbanarịnma wẹ ẹshin wẹ, atụnrụn lẹ ewu wẹ, efin wẹ lẹ jaki wẹ. Josẹfụ nọ yechanrịn wẹ ihiẹn-oriri ahụa hụ e we gụ, gi ẹ gbanarịnchanrịn wẹ ihiẹn-uriri wẹ ile.

Jẹnẹsisi 47:17 ပူးပေါင်းရင်းမြစ်များ

Jẹnẹsisi 47:16

Ya Josẹfụ nọ sị wẹ, “Wẹhẹni nwan ihiẹn-uriri ụnụ, nị ụnụ gi ihiẹn-uriri ụnụ ṅọnnarịn m ihiẹn-oriri, ebe o mẹ ni egho ụnụ a gụgụọ.”

Jẹnẹsisi 47:18

Ahụa ahụn a gụ, ahụa a bọ, wẹ nọzị bịa d'e kunrun Josẹfụ, sị a, “Diọkpa, ẹnyi a s'ẹka zuemẹn'i y'ẹ, nị hụnnị egho ẹnyi gụchanrịngụ nwan, hụnnị anụ ile ẹnyi nwọn họnringụ nwan nke i, onwọnzini nwan ihiẹn họdụnị ẹnyi k'e ye i Diọkpa karị ẹhụ ẹnyi lẹ alị ndị ẹnyi nwọn.

Ndị-nze Nke Ibuzọ 10:28

Ijiptu lẹ Kue kẹ wẹ gha e ṅọnlụanị Solomọnụ ẹshin — Kue kẹ ndị-afịa eze a nọ e ṅọnlụa wẹ.

Jobu 2:4

Ekwensụ nọ sị, “Ẹhụ ịhịan wụ ẹhụ ịhịan! Onwọnni ihiẹn ịhịan ghalẹni e ye n'o gi zụọ isi ẹ.

Ọpụpụ 9:3

mmẹ wụ Osolobuẹ jẹnkọ a tụ anụ ụnụ ile emu k'e gbuni wẹ, kẹ ẹshin kẹ jaki kẹ anyịnyan-mkpukpuke ụnụ, uwẹ lẹ efin lẹ atụnrụn lẹ ewu ụnụ.

Azaya 31:1

Nsọngbu rị e che ndị rị e jẹn Ijiptu d'a chọ eyemẹka, e gi ẹshin-agha wẹ e dọn ẹnya; wẹ rị e gi ụgbọ-ẹshin Ijiptu bugbu enwẹn ẹ ọda e dọn ẹnya, e gi ndị-agha wẹ e nyin ẹshin e dọn ẹnya makẹni wẹ bu ọda, hụn nkẹ wẹ e gi tụkwasị Onyẹ-nsọ Izrẹlụ obi, hụn nkẹ w'e gi jụ Osolobuẹ ihiẹn wẹ k'e mẹ.

Matiu 6:24

“Onwọnni onyẹ a saẹka e fe madụ ẹbụọ: makẹni, ọ k'a gbakitọ ohu azụụn, bu obi che hụn-ẹbọ, mọbụ o we enwẹn ẹ kwanị ohu, legberi hụn-ẹbọ: y'a sakọ ẹka fe Osolobuẹ lẹ egho.