Jẹnẹsisi 44:16 - Ika

¹⁶ Ya Juda nọ sị, “Diọkpa, kị ẹnyi k'a gwazị ị nwan? Kị ẹnyi k'e kuzi nwan? Nanị ẹnyi e dọnzi nwan ghọsị nị ẹnya ẹnyi eruni? Osolobuẹ e kpupụgụọ njọ ẹnyi wụ idibo i mẹ; Diọkpa, ẹnyi e họnringụọ nwan igbọn i, kẹ ẹnyi kẹ hụn wẹ nọ ẹka a hụn mkpu ahụn.”

Jẹnẹsisi 44:16 ပူးပေါင်းရင်းမြစ်များ

Jẹnẹsisi 37:7

Ebe ẹnyi nọ rị e kẹnmẹ ukun ọka ndị ẹnyi be imẹ ugbo, idẹnmizi hụn m kẹnmẹ nọ turu ọtọ, tịnpụ ọhụnma-ọhụnma; nke ụnụ ile nọ fihunmẹ nke m, a kụn'a isi-alị.”

Jẹnẹsisi 37:9

O mẹgụ, ọ nọ rọzị nrọ ọzọ. Ọ nọ ziẹnni mmunẹ ẹ ya, sị, “Len'ẹ, a rọzị m nrọ ọzọ: ẹnyanwụn lẹ ifọn lẹzi okokisẹ mmanaị hụ a kụnị m isi-alị.”

Jẹnẹsisi 44:17

Josẹfụ nọ sị, “O bugharị m! Emẹkọ m'a! Onyẹ wẹ nọ ẹka a hụn mkpu ahụn sụọ k'a wụrụ igbọn m; ụnụ ndị họdụnị, laburu ni nẹdi ụnụ, ụnụ enwọn nsọngbu.”

Jẹnẹsisi 44:32

Mmẹ wụ odibo i biye ẹka kwe nẹdi m nkwa n'o nwọnni ihiẹn k'e mẹ nwatanị, sị a, ‘Omẹni ewelụanịnị m'ị y'a, e gi m isi m buru ihiẹn ile rịn'a e we m nwụn!’

Jẹnẹsisi 44:9

Onyẹ ọwụlẹ wẹ hụn a ẹka imẹ ẹnyi, wẹ gbu ẹ, ndị họdụnị a wụrụ igbọn Diọkpa.”

Ndị-nze Nke Ibuzọ 17:18

Okpoho hụ nọ sị Ẹlaịja, “Kịnị kẹ m mẹ i, odibo Osolobuẹ? Ị bịa d'a nyanhannị m njọ m, gbunarịn m nwa?”

Ẹzra 9:10

“Euu Chuku ẹnyi, kịnị kẹ ẹnyi k'e kuzi nwan?! Ẹnyi a gbakitọzị nwan oku i azụụn —

Ẹzra 9:15

Heuu Osolobuẹ, Chuku Izrẹlụ, onyẹ rị ọchan k'ị wụ! Ẹnyi họdụ nwan ẹkẹrẹ sụọ tannị; ẹnyi rị nwan ihun a rịọ ị, ẹnyi lẹ njọ ẹnyi — ọsụọn'a nị onwọnni onyẹ rị imẹ furu hụn e wuzo ihun i.”

Jobu 40:4

“Onwọnni ihiẹn m wụ, dodo — kịnị kẹ m k'a shịarị ị? E gigụọ m nwan ẹka kpukin ọnụ!

Itẹn 17:15

Ịsị nị ikpe amanị onyẹ mẹ njọ lẹ ịma onyẹ mẹlẹni njọ ikpe — wẹ ẹbụbụọ wụ arụ ẹnya Osolobuẹ.

Itẹn 28:17

Onyẹ gbu ọchụn obi rị e gbu mgbu k'a tọ a gba ọsọ ihiẹn hụ o mẹ o we nwụn — onyẹ ọwụlẹ ebuchekwọlẹn'a ọnụ.

Azaya 27:9

Ọnwan kẹ Osolobuẹ k'e gi wepụ ikpe ma ebọn Jekọpụ. Ọnwan k'o gi ghọsịchanrịn n'o wepụgụọ njọ a: o k'e tikpọchanrịn ukpo ọmụma wẹ nọ a kwa ese, gweriẹn ọmụma rịn'a lekẹ nzụn mmaka. Ahụnkọzị wẹ osisi wẹ zumẹni mmọn Ashẹra mọbụ ukpo nsẹnsi.

Azaya 5:3

Ụnụ ndị bi imẹ Jerusalẹm lẹ ndị alị Juda ile hannị nị nwan mmẹ lẹ alị vaịnị m eṅẹn.

Daniẹlụ 9:7

“Di-nwọnni-ẹnyi, y'e emẹni eje-ihiẹn; ẹnyi mẹ, ẹnyi ile gi nwan rị e ri ụya tannị — ẹnyi ndị Juda lẹ ndị Jerusalẹm lẹ ndị Izrẹlụ ile, kẹ ndị rị ẹhụ nsue kẹ ndị rị ụz'ote imẹ alị ile hụn ị gi ufiri nnupụ-isi ẹnyi feyịya ẹnyi ye.

Ọgụngụn 32:23

Kanị, omẹni ụnụ emẹn'ẹ, njọ kẹ ụnụ rị e mẹ Osolobuẹ; marịnkwọ nị nị njọ ụnụ jẹnkọ d'e sepụha ụnụ.

Matiu 7:2

K'i dọn han eṅẹn kẹ Osolobuẹ k'a dọn hann'ị. Ẹka i gi sọn ịhịan kẹ Osolobuẹ k'e gi sọn i.

Luku 12:2

Onwọnni ihiẹn kpumẹni hụn jẹnkọlẹni d'e kpupụ; onwọnni ihiẹn zuerini hụn jẹnkọlẹni d'a wa.

Ọrụn Ndị-ozi 2:37

Ogẹn wẹ gi nụ ihiẹnni, o gbu wẹ mgbu obi ọda-ọda. Wẹ nọ sị Pita lẹ ndị-ozi pụ-ichẹn ibe ẹ, “Umunẹ, kị ẹnyi e mẹ nwan?”

Ditrọnọmi 25:1

Omẹni ikpe seni ịhịan lẹ ibe ẹ, wẹ bu ẹ jẹn ọgwa nị ndị e dọnzi oku han eṅẹn, hatu hụn ri eṅẹn, hangbu hụn ikpe ma eṅẹn.

Joshụa 7:1

Kanị ndị Izrẹlụ gi ẹka-ẹbụọ sọn ihiẹn ndị ahụn wẹ gi kwanị Osolobuẹ wẹ sị wẹ ewelẹ; Ekanị nwa Kami nwa Zimri nwa Zẹra, onyẹ ebọn Juda, gha imẹ ihiẹn ndị ahụn wẹ gi kwanị Osolobuẹ weri, Osolobuẹ nọ gi olulu mẹ ndị Izrẹlụ ihiẹn.

Joshụa 7:18

Joshụa nọ mẹ ndị ikpụlọ Zimri pụhama ohu-ohu, Osolobuẹ nọ nwụndọn Ekanị nwa Kami nwa Zimri nwa Zẹra, onyẹ ebọn Juda.

Ndị Han Eṅẹn 1:7

Adoni-Bẹzẹki nọ sị, “Ndị-nze iri kwasị ọgụn-ẹtọ (70) hụn m japụ eze-ẹka lẹ eze-ụkụ a nọgụọ okpuru teburu m, a tụtụri ifunfun ihiẹn-oriri. Chuku a kụgụọ m nwan ụgwọ ihiẹn m mẹ wẹ.” Wẹ nọ wẹhẹ Adoni-Bẹzẹki Jerusalẹm, ọ nọ nwụntọ ebẹhụ.