Jẹnẹsisi 43:7 - Ika

⁷ Wẹ nọ sị nẹdi wẹ, “Okẹnnyẹ ahụn dọnrin ẹnya jụ ẹnyi ukwere ẹnyi lẹ nẹdi ẹnyi, sị, ‘Nẹdi ụnụ hụkwọ ndụn? Ụnụ nwọnzi nwẹnẹ-okẹnnyẹ ọzọ?’ Ẹnyi zahụ ihiẹn ọ jụ ẹnyi; nanị ẹnyi a dọn marịn n'o k'a sị ẹnyi, ‘Wẹhẹ ni nwẹnẹ ụnụ’?”

Jẹnẹsisi 43:7 ပူးပေါင်းရင်းမြစ်များ

Jẹnẹsisi 42:11

Nẹdi ohu mụ ẹnyi ile; ndị ezioku kẹ ẹnyi wụ, Diọkpa; onwọnni ihiẹn ẹnyi bịa d'a chọpụha.”

Jẹnẹsisi 42:13

Wẹ nọ sị a, “Ẹnyi te rị ikẹnnyẹ mmẹbụọ. Okẹnnyẹ ohu rị alị Kenaanị mụ ẹnyi; nẹdi ẹnyi lẹ nwa-mbi rị nwan ụlọ; onyẹ ohu arịzịa.”

Jẹnẹsisi 43:27

Josẹfụ nọ jụ wẹ, “Nanị ụnụ rị?” Ọ sịzị wẹ, “Nẹdi ụnụ hụ ikẹn? Hụn ẹgẹdi ahụn ụnụ gwa m oku ẹ? Ọ hụkwọ nwan ndụn?”

Jẹnẹsisi 43:3

Juda nọ sị a, “Okẹnnyẹ ahụn gba ẹnyi mkpịnsịn-ẹka ẹnya ọda-ọda, sị, ‘Anịkọkwọ m ụnụ bịa d'a hụn m sokpan ụnụ lẹ nwẹnẹ ụnụ ahụn wị.’

Jẹnẹsisi 43:6

Izrẹlụ nọ sị wẹ, “Kị ụnụ mẹni m eje-ihiẹn nọ ẹnịna, gwama okẹnnyẹ ahụn nị ụnụ nwọnzi nwẹnẹ ichẹn?”

Jẹnẹsisi 44:19

Diọkpa, y'a jụghọ ẹnyi, ‘Ụnụ e nwọnghọ nẹdi mọbụ nwẹnẹ-okẹnnyẹ?’