Jẹnẹsisi 43:12 - Ika

¹² Weri ni egho han kẹ hụn ụnụ gi jẹn mbụ ụzọ ẹbụọ; makẹni ụnụ jẹnkọ d'e wekinrịrị egho ndị ahụn wẹ buchekinni ụnụ imẹ ẹkpa ụnụ; ikẹnkwọ a marịn wẹ ogẹn wẹ gi buche wẹ.

Jẹnẹsisi 43:12 ပူးပေါင်းရင်းမြစ်များ

Jẹnẹsisi 42:25

Ọ nọ sị idibo ẹ d'e kpọn ọka jun ẹkpa ndị wẹ buhẹ, sịzị wẹ bu egho onyẹ-onyẹ kụ chen'ẹ ẹkpa a, wẹ yezi wẹ ihiẹn wẹ k'e ri ụzọ. Ogẹn wẹ gi mẹchanrịnnị wẹ ihiẹn ile ọ sị wẹ mẹni wẹ,

Jẹnẹsisi 42:35

Ogẹn wẹ gi hupụma ọka wẹ bulụa, e lee ukun egho onyẹ-onyẹ gi kụ ụgwọ ọka imẹ ẹkpa ọka a! Ogẹn wẹ lẹ nẹdi wẹ gi hụn ngungun egho ndị ahụn, egun nọ tụma wẹ.

Jẹnẹsisi 43:13

Werizi ni Bẹnjamini nwẹnẹ ụnụ, ụnụ e jẹnburu okẹnnyẹ ahụn ozigbo.

Jẹnẹsisi 43:21

Kanị, ogẹn ẹnyi gi ru ebe ẹnyi jẹnkọ d'a ranhịn ụzọ, ẹnyi nọ tọpụ ẹkpa ẹnyi, onyẹ-onyẹ imẹ ẹnyi nọ hụn a nị egho o gi ṅọn ihiẹn rịzị imẹ ẹkpa a. Egho ẹnyi ile hanchanrịndẹ k'ọ han. Ẹnyi wekinhẹn nwan egho ndị ahụn.

Jẹnẹsisi 43:22

Ẹnyi gihụzị egho ọzọ ẹnyi e gi nwan ṅọnrin ihiẹn-oriri. Ẹnyi amarịn onyẹ bu egho ẹnyi chesọnmẹni ẹnyi ẹkpa.”

Ndị Rom 12:17

Emẹgwarịlẹ ni ịhịan eje-ihiẹn. Dọnrin ni ẹnya a hụn a nị ụnụ e mẹ ihiẹn rị mma ẹnya ịhịan ile.

Ndị Rom 13:8

Ẹghẹẹ, kụpụ nị ịhịan ile ụgwọ ụnụ gi wẹ — mmanị ihiẹn-ọsụsụọ hụn wẹ ghalẹni e nwọnbehi. Makẹni, onyẹ rị e nwọn ihiẹn-ọsụsụọ ibe ẹ e mẹzuchanrịngụọ Iwu.

Ndị Kọrẹntị Nke Ẹbụọ 8:21

ẹnyi rị e mẹ ẹ n'ọ rị mma, ẹlẹ ẹnya Di-nwọnni-ẹnyi sụọ, kanị, ẹnya ịhịan zị.

Ndị Filipi 4:8

Umunẹ m, igi mẹkin, m sị ụnụ, e bu ni obi e che ihiẹn ọwụlẹ wụ ezioku, ihiẹn ọwụlẹ w'a gbaye, ihiẹn ọwụlẹ furuni; ihiẹn ọwụlẹ eje-ihiẹn rịlẹni, ihiẹn ọwụlẹ a sụọ ịhịan ụsụọ ẹfọ, ihiẹn ọwụlẹ w'a ja mma; ihiẹn ọwụlẹ rịchanrịn mma, ihiẹn ọwụlẹ wẹ e ku oku ẹ ọhụnma.

Ndị Tẹsalonika Ibuzọ 4:6

ịhịan ewerikọ ihiẹn nwẹnẹ ẹ mọbụ mẹgbu nwẹnẹ ẹ imẹ ihiẹnni. Ẹnyi a gwagụọ ụnụ ya mbụ, gba ụnụ mkpịnsịn-ẹka, nị Di-nwọnni-ẹnyi e mẹgwarịkwọ ụdị ihiẹn ndịnị ile e mẹgwarị.

Ndị Tẹsalonika Ibuzọ 5:21

kama, e lele ni ihiẹn ile, ụnụ e kwọnkẹnmẹ hụn rị mma.

Hibru 13:8

Jizọsị Kraịstị wụkwọ ihiẹn ọ wụ ụnyanhụn, tannị lẹ jẹnrin ejẹn.