Jẹnẹsisi 43:11 - Ika

¹¹ Izrẹlụ nẹdi wẹ nọ sị wẹ, “O mẹ nwan ni onwọnzini kẹ w'e mẹ ẹ, lee ni nwan ihiẹn ụnụ jẹnkọ d'e mẹ: kpọnrin ni ihiẹn kachanrịn mma alịnị ye imẹ ẹkpa ụnụ bujẹnnị okẹnnyẹ ahụn; werizi ni ẹkẹrẹ ori-Kenaanị lẹ ẹkẹrẹ mirin-ẹnwụn, ihiẹn ihiẹn-oriri gi a sụọ, mkpụrụ-pistachio lẹ amọndụ.

Jẹnẹsisi 43:11 ပူးပေါင်းရင်းမြစ်များ

Jẹnẹsisi 33:10

Jekọpụ nọ sị, “Mba, dodo; omẹni ihiẹn m a sụọghọ ị, narịn m ihiẹn ndịnị m ye i. Makẹni, ihun i m hụn nọ m kẹ sị m hụn ihun Osolobuẹ — hụnnị ị nabanhan m.

Jẹnẹsisi 37:25

Ogẹn wẹ gi nọdị alị nị wẹ rimẹ ihiẹn-oriri, e lee wẹ ẹnya, wẹ nọ hụn igunrun ndị-afịa, ndị Ishmẹlụ gha Gilẹdị lala. Wẹ bu ihiẹn-udẹn e kun fuẹin lẹ ori alị wẹ lẹ maa jun elu anyịnyan-mkpukpuke wẹ bukọ alị Ijiptu.

Jẹnẹsisi 43:10

Omẹni ẹnyi jẹnmẹ nwan kete elee mgbe, nkẹ ẹnyi a lụapụgụọ mgbe ẹbụọ.”

Jẹnẹsisi 43:14

Chuku Nwọn ikẹn ile ya mẹni ụnụ omikẹn, mẹ okẹnnyẹ ahụn kweri hatuni ụnụ nwẹnẹ ụnụ o kwọndọn lẹ Bẹnjamini, nị wẹ hụn ụzọ lụaha. O mẹ nke m, omẹni ọnwụn ụmụ e kunrungụọ m, o kunrungụọ m!”

Jẹnẹsisi 43:15

Wẹ nọ buru ihiẹn ndị nwẹn wẹ sikọ d'e ye, weri egho han kẹ hụn wẹ wejẹn mbụ ụzọ ẹbụọ, werizikwọ Bẹnjamini. Wẹ nọ shi Ijiptu ozigbo-ozigbo. Ya wẹ nọ pụha ihun Josẹfụ.

Jẹnẹsisi 43:25

Ya wẹ nọ dọnmẹtọnị Josẹfụ ihiẹn ndị wẹ buhẹn'ẹ, cheri n'ọ pụha ogẹn efinaị, makẹni a nụgụọ wẹ nị wẹ k'e ri ihiẹn-oriri ebahụn.

Jẹnẹsisi 43:26

Ogẹn Josẹfụ gi lụaha, wẹ nọ bubanhann'a ihiẹn ndị ahụn wẹ buhẹn'ẹ mmụlọ, kụn'a isi-alị.

Ndị-nze Nke Ibuzọ 10:15

cheni hụn ndị a ghaha alị a lẹ ndị-afịa a tụha lẹ hụn ndị-nze Arebịa ile lẹ ndị gọvanọ alị Izrẹlụ a tụhasọnmẹ.

Ndị-nze Nke Ibuzọ 10:25

Ahụa-ahụa, ndị ile rị a bịanị hụ e buhẹ ihiẹn, ihiẹn siliva lẹ goru, ẹkwa, ihiẹn-ọgụn, ihiẹn-akụnkụn e shin ọhụnma lẹ ndị asụọnị, ẹshin lẹ anyịnyan-mulu.

Ndị-nze Nke Ibuzọ 15:19

Ọ sị, “Nị mmẹ lẹ ịyụ kwetarị nkwa, k'o dọn rị ẹgbata nẹdi m lẹ nẹdi i. Lee siliva lẹ goru m buhẹn'i nwan. Latọ Baasha eze Izrẹlụ hụn yụ lẹ ya wị e yetarị ẹka, kẹn'o mẹ ẹ hatu m.”

Ndị-nze Nke Ibuzọ 4:21

Solomọnụ kịchanrịn alị-eze ile rị gha Iyi-Yufretisi d'e ru alị ndị Filistia gbegbegbe, d'e rukwọrị okẹn alị Izrẹlụ lẹ alị Ijiptu. Wẹ tụhasọnmẹni Solomọnụ ụtụ, rịsọnmẹ okpuru ẹ, o we nwụn.

Ndị-nze Nke Ẹbụọ 16:8

Ahazị e buru siliva lẹ goru wẹ hụn weri imẹ Ụlọ-nsọ Osolobuẹ lẹ ebe w'e dọnmẹ ihiẹn imẹ obi-eze buye wẹ jẹnni eze Asiria.

Ndị-nze Nke Ẹbụọ 20:12

Ogẹn ahụn, eze Babilọnụ wụ Mẹrodaki-Baladanị nwa Baladanị nọ de ẹkụkwọ-ozi, zi wẹ weri ya lẹ ihiẹn jẹnni Hezikaya, makẹni ọ nụ nị emu kụ Hezikaya.

Ndị-nze Nke Ẹbụọ 8:8

Ya eze nọ sị Hazaẹlụ, “D'e kunrun Odibo Osolobuẹ; i jẹnkọnị y'e kwọndọn ihiẹn ẹka; y'a gha ẹka a jụnị m Osolobuẹ kẹ ni m dịnhịn emuni”

Ẹsta 4:16

“Jẹn d'a kpọkwama ndị Ju ile rị imẹ Susa, ụnụ e buni m ọnụ — erilẹ ni, aralẹ ni — akpọhịn ẹtọ, kẹ uhinhin kẹ efinnaị; mmẹ nwẹn lẹ ịgbagba ndịnị e feni m k'e buzikwọ ọnụ kẹ ụnụ dọn rị e bu. O mẹgụ, m k'e jẹn d'e kunrun eze, ọ sụọn'a nị ịdan iwu rọ. Omẹni ọnwụn rọ, a nwụn m.”

Ẹbụ-ọma 68:29

Ndị-nze k'e buhẹn'i oyiye wẹ gi a gbaye i imẹ Ụnọ-NSỌ ị rị Jerusalẹm,

Ẹbụ-ọma 72:10

Ndị-nze alị Tashishi lẹ alị ndị rị mkpẹnrẹn ohimin wẹ tụhan'a ụtụ; ndị-nze alị Shẹba lẹ Sẹba wẹ wẹhẹzikwọn'a oyiye.

Ẹbụ-ọma 76:11

Kwe ni Osolobuẹ wụ Chuku ụnụ nkwa, mẹzu ẹ; ndị ile nọhunmẹn'ẹ, wẹhẹsọnmẹ ni oyiye d'a gbaye Onyẹ Ahụn Rị Egun,

Ọpụpụ 3:8

A bịaọlẹ m nwan d'a gbapụha wẹ ẹka ndị Ijiptu lẹzi nị m gha imẹ alị ahụn wepụha wẹ, webanhan wẹ alị rị mma, shịa ẹfọ, alị mirin-ẹran lẹ mirin-ẹnwụn rị e hu imẹ ẹ, alị hụn ndị Kenaanị, ndị Hẹti, ndị Amọ, ndị Pẹrẹzi, ndị Hivu lẹ ndị Jebusu bi nwan.

Itẹn 17:18

Onyẹ nwọnlẹni uche sụọ e biye ẹka, e gi ihiẹn ẹ a gbamanị onyẹ ọzọ ibe.

Itẹn 18:16

Ihiẹn onyẹ ye a gụnpụn'a ụzọ, e weban a ihun ndị okẹn-ịhịan.

Itẹn 19:6

Ndị bu ọda a channị okẹn-ịhịan ẹnya; ịhịan ile wụ ọwụ onyẹ e ye ịhịan ihiẹn.

Itẹn 21:14

Ihiẹn wẹ gi nzuzue ye a rọ olulu, egho-azụụn wẹ faye ịhịan ẹkpa a rọ eje-ọnụma.

Ẹbụ Solomọnụ 4:10

Ihiẹn-ọsụsụọ ị a sụọka m, nwẹnẹ m, nwunyẹ m! Ihiẹn-ọsụsụọ ị sụọnahịn manya ọhụnma-ọhụnma; udẹn i kunnahịn ihiẹn ile e kun fuẹin — kunnahịn wẹ ọhụnma-ọhụnma!

Ẹbụ Solomọnụ 4:14

nadị lẹ safrọnụ lẹ kalamusu lẹ sinamọnụ lẹ ụdị osisi nsẹnsi ile; uwẹ lẹ maa lẹ alo lẹ ihiẹn-akụnkụn ile e kun fuẹin.

Ẹbụ Solomọnụ 8:14

Nke-m, pụha — n'i d'e mẹmẹ kẹ mgbadan mọbụ okoro okẹn-ele elu Uguni wẹ kpọnjun ihiẹn e kun fuẹin.

Jerimaya 8:22

Ọgụn arịzịdẹ nwan obodo Gilẹdị ra? Onyẹ a zụọ emu arịzịdẹ ebẹhụ? Kị haịn nwan nzụọrị gilẹni rị, kị haịn ẹhụ ndị nke m rụ gilẹni a la?”

Izikẹlụ 27:15

“ ‘Ndị alị Rodu te wụzị ndị-afịa ị, alị bu ọda rịsọnmẹ ohimin te wụzịkwọ ndị-afịa ị, e gi eze-enyi lẹ ezigbo osisi ẹbọni a kụ ị ụgwọ.

Izikẹlụ 27:17

“ ‘Juda lẹ alị Izrẹlụ te wụzị ndị-afịa ị, e gi ọka-witi ndị Miniti lẹ ogbe figi bu ọda w'a pịngbama a kụ ị ụgwọ, ya lẹ mirin-ẹnwụn, ofugbọn-olivu lẹ ori.

Izikẹlụ 27:22

“ ‘Ndị-afịa alị Shẹba lẹ Raama te e ṅọnnarịnzịkwọ ị ihiẹn, e gi ihiẹn ile w'e gi e mẹ ihiẹn-oriri a sụọ a kụ ị ụgwọ, lẹ ihiẹn ndị ọzọ nọ kẹ goru lẹzi goru lẹ enwẹn ẹ.

Lẹvitikọsụ 20:24

Kanị a gwagụọ m ụnụ nwẹn, sị, ‘Alị wẹ k'e họnrin nke ụnụ; m k'e we ẹ ye ụnụ weri, alị mirin-ẹran lẹ mirin ẹnwụn jun, e hu kẹ mirin.’ Mmẹ wụ Osolobuẹ, Chuku ụnụ, hụn họpụha ụnụ imẹ alị ndị ọzọ ile, kẹni ụnụ rị ichẹn.

Ọrụn Ndị-ozi 21:14

O kwerini hụn ẹnyi ku, onwọnzini ihiẹn ẹnyi ku karị, “Uche Di-nwọnni-ẹnyi ya mẹ.”

Ditrọnọmi 33:14

ngọzi kachanrịn mma anwụn a mụpụha lẹ ngọzi kachanrịn mma ifọn e tipụha;

Samuẹlụ Nke Ibuzọ 25:27

We nwan ihiẹnni odibo i buhẹni i di-nwọnni m ye ndị ịyụ lẹ wẹ wị.

Samuẹlụ Nke Ibuzọ 9:7

Sọlụ nọ sị odibo ẹ, “Ẹnyi jẹn nwan, kị ẹnyi k'e y'ẹ? Ihiẹn-oriri a gụgụọ ẹkpa ẹnyi. Ẹnyi egi kaka akpụ ihiẹn ohu ẹnyi e ye odibo Osolobuẹ hụ. Ra o nwọnghọ ihiẹn ẹnyi nwọn?”