Jẹnẹsisi 42:24 - Ika

²⁴ Ya kẹ ọ nọ gha ebe umunẹ ẹ rị pụ d'a kwan ẹkwan. O kinhẹn, duzi wẹ ku. Ọ nọ weri Simiọnụ, nọ idẹnya wẹ kẹnmẹ ẹ.

Jẹnẹsisi 42:24 ပူးပေါင်းရင်းမြစ်များ

Jẹnẹsisi 34:25

O mẹpụ akp'ọhịn ẹtọ, ebe ugun rịkwọ a tụrụ wẹ, ya ụmụ Jekọpụ ẹbụọ wụ Simiọnụ lẹ Livaị hụn wụ umunẹ Daịna, nọ buru ọpịa-agha, maye ndị obodo ahụn ebe wẹ tụlẹni ẹnya a, gbuchanrịn ikẹnnyẹ ile rịn'a.

Jẹnẹsisi 42:23

Amarịn wẹ nị Josẹfụ hụ a ghọta ihiẹn wẹ rị e ku, hụn ahụn o mẹ ni wẹ rị a nayeni ya lẹ wẹ oku.

Jẹnẹsisi 43:14

Chuku Nwọn ikẹn ile ya mẹni ụnụ omikẹn, mẹ okẹnnyẹ ahụn kweri hatuni ụnụ nwẹnẹ ụnụ o kwọndọn lẹ Bẹnjamini, nị wẹ hụn ụzọ lụaha. O mẹ nke m, omẹni ọnwụn ụmụ e kunrungụọ m, o kunrungụọ m!”

Jẹnẹsisi 43:23

Ọ nọ sị wẹ, “Wetu ni obi alị; atụlẹ ni egun; Chuku ụnụ e fe, hụn wụzị Chuku nẹdi ụnụ e fe, bucheni ụnụ ihiẹn-ọma imẹ ẹkpa ụnụ; egho ụnụ e rughọ m ẹka.” Ọ nọ wepụhanị wẹ Simiọnụ.

Jẹnẹsisi 43:30

Hụn ahụn Josẹfụ hụn nwẹnẹ ẹfọ a, o mẹtụ a obi ọda-ọda, ọ nọ pụ ozigbo, ẹkwan hụ a chọ n'ọ nahịn a. Ọ nọ shi mmughẹ ẹ, nọ ebẹhụ kwan ẹkwan.

Jẹnẹsisi 45:1

Josẹfụ asazịnị ẹka kwọndọn enwẹn ẹ, ọ sụọn'a nị ndị idibo ẹ ile rị ebẹhụ. Ọ nọ yi, “Sị nị onyẹ ọwụlẹ pụnị m!!” Onwọnni onyẹ ọzọ ya lẹ Josẹfụ rị ebẹhụ ogẹn o gi mẹ umunẹ marịn onyẹ ọ wụ.

Jẹnẹsisi 45:2

Ọ kwan ẹkwan hụn wụnị ndị Ijiptu ahụn a nụ k'ọ rị a kwan; kẹ ndị rị iwe Fẹro a nụghọdẹ oku ẹkwannị.

Azaya 63:9

Ọ nị ihiẹn ile rị e mẹtụrụnị wẹ e mẹtụrụ ya nwẹn; ọ nọyeni wẹ nọkẹ mmọn-ozi, zụọpụha wẹ. Ọ nọ gi ihiẹn-ọsụsụọ lẹ omikẹn gbapụha wẹ; ọ bushi wẹ elu, parịdẹ wẹ aparị — hụn ahụn ile ogẹn mbụ ahụn.

Luku 19:41

Ogẹn Jesu gi nwan ru ẹhụ Jerusalẹm, ọ hụn a, ọ nọ kwanman'a ẹkwan,

Ndị Rom 12:15

Sọn ni ndị rị a ghọghọnị ghọghọ, ụnụ e sọn ndị rị a kwannị kwan.

Ndị Kọrẹntị Ibuzọ 12:26

Omẹni mkpamkpa ohu nwọn nsọngbu, wẹ ile e buru nsọngbu hụ; ọ bọ mkpamkpa ohu, wẹ ile e sọn ẹ ghọghọ.

Hibru 4:15

Makẹni onyẹ-isi nchụn-ẹjan ẹnyi ẹlẹ hụn marịnlẹni nị ndụn arị ẹnyi, kanị hụn wẹ nwangụ ụzọ ile nọkẹ ẹnyi kanị o gin'ẹ mẹ njọ.