Jẹnẹsisi 42:22 - Ika

²² Rubẹni nọ sị wẹ, “Agwanị m ụnụ emẹlẹ nwata ahụn njọ, ụnụ a jụ? Lee ni nwan, ẹdeke ẹ rị ẹnyi isi!”

Jẹnẹsisi 42:22 ပူးပေါင်းရင်းမြစ်များ

Jẹnẹsisi 4:10

Ya kẹ Osolobuẹ nọ sị a, “Kị wụ ihiẹnni i mẹ? Lee ẹ, ẹdeke nwẹnẹ i rị a gha alị a kwanghọsị m!

Jẹnẹsisi 42:23

Amarịn wẹ nị Josẹfụ hụ a ghọta ihiẹn wẹ rị e ku, hụn ahụn o mẹ ni wẹ rị a nayeni ya lẹ wẹ oku.

Jẹnẹsisi 45:3

Josẹfụ nọ sị mmunẹ ẹ, “Mmẹ wụ Josẹfụ! Nẹdi m hụkwọ ndụn?” Kanị, mmunẹ ẹ asanị ẹka shịarị a oku, makẹni ezigbo egun rị a tụ wẹ nị ihun Josẹfụ nwẹn kẹ wẹ rị.

Jẹnẹsisi 50:15

Ogẹn umunẹ Josẹfụ gi hụn a nị nẹdi wẹ a nwụngụọ, wẹ nọ sị, “O mẹ tan nị echẹn kẹ ize ẹnyi rịkwọ Josẹfụ ẹfọ, o gi ẹ mẹgwarị ẹnyi eje-ihiẹn ile ẹnyi mẹ ẹ.”

Ndị-nze Nke Ibuzọ 2:32

Osolobuẹ jẹnkọ d'a kụ a ụgwọ ọchụ o gbu, makẹni, ọ jụnị nẹdi m wụ Defidi, ọ nọ gi ọpịa-agha maye ikẹnnyẹ ẹbụọ, gbu wẹ. Wẹ ẹbụbụọ — kẹ Abna nwa Nẹ hụn te kị ndị-agha Izrẹlụ ile wezụka Juda kẹ Amasa nwa Jeta hụn te kị ndị-agha Juda — ka a ezigbo ịhịan a wụ, ka a ọchan a rị.

Ndị-nze Nke Ibuzọ 2:33

Ikpe-ọmụma rịnị ẹdeke wẹ ya rị Jụabụ lẹ ụmụ a isi jẹnrin-ejẹn. Kanị, nke Defidi lẹ ụmụ a, ikpụlọ a lẹ ukpo ẹ, ngọzi Osolobuẹ ya rịferini wẹ jẹnrin-ejẹn!”

Ihiẹn Mẹni Nke Ẹbụọ 24:22

Eze wụ Jụashị anyanhandẹni ọhụnma Jehoyada nẹdi Zẹkaraya mẹn'ẹ. O gbu nwa a. Ihiẹn Zẹkaraya ku ebẹhụ ọ rị alị a lụ ọnwụn wụ: “Osolobuẹ ya lee ihiẹnni, jụ ụnụ ukwere ẹ.”

Ẹbụ-ọma 9:12

Makẹni Onyẹ hụn e gbugwarị ndị e gbu ọchụn k'ọ wụ; ọ nyanhan anyanhan — a ra zọ ẹkwan ndị wẹ rị a bịangbu.

Izikẹlụ 3:18

“M sị eje-ịhịan, ‘Ị jẹnkọ d'a nwụnrịrị,’ bụ y'a gban'a mkpịnsịn-ẹka ẹnya mọbụ gwapụ a kẹn'o bibehi eje-obibi hụ ọ rị e bi, gi ẹ zụọpụha a, eje-ịhịan hụ k'a nwụn makẹ njọ a, kanị ẹdeke ẹ jẹnkọ d'a rị ị ẹka.

Luku 23:41

Ikpe wẹ ma ẹnyi hụghọ mma, makẹni ihiẹn ẹnyi chọ kẹ ẹnyi rị a hụn; kanị onwọnni ihiẹn okẹnnyẹni mẹ.”

Ọrụn Ndị-ozi 28:4

Ndị alị hụ a hụn agwọ hụ k'o kọnrin ẹ ẹka, wẹ nọ sị ibe wẹ, “Eziẹ-eziẹ, okẹnnyẹni wụ izighẹ. Ọsụọn'a n'ọ wanahịngụọ ohimin, eje-ihiẹn o mẹ anịkọ a rị ndụn.”

Ndị Rom 2:15

omumẹ wẹ hụ a ghọsị nị Osolobuẹ e degụ Iwu ahụn imẹ obi wẹ, ịhọrị wẹ hụ a shịanị wẹ ẹri: obi wẹ hụ a ma wẹ ikpe mọbụ e kuni wẹ ọhụnma.

Rẹvẹleshọnụ 13:10

Onyẹ wẹ k'a nwụnrụn kẹ wẹ k'a nwụnrụn; onyẹ wẹ k'e gi ọpịa-agha gbu kẹ wẹ k'e gi ọpịa-agha gbu. Ọnwan chọ ndidin lẹ okukwe ẹka ndị nke Osolobuẹ.

Rẹvẹleshọnụ 16:9

Ọ ma wẹ ọda-ọda, wẹ nọ kpọma Osolobuẹ hụn rị e zihẹ afụnfụn ndịnị wẹ iyi. Egini w'ẹ rogharị, ye ẹ ọghọ.

Samuẹlụ Nke Ibuzọ 19:4

Jonatanị nọ ku oku Defidi ọhụnma ebe nẹdi ẹ rị, sị a, “Agụ, emẹlẹ odibo i wụ Defidi eje-ihiẹn; onwọnni eje-ihiẹn o mẹ i; ọrụn a a bangụọn'ị erere ọda-ọda.