Jẹnẹsisi 41:57 - Ika

⁵⁷ Ndị alị ndị ọzọ ile hụ a bịa alị Ijiptu d'e ṅọnnarịn Josẹfụ ọka, makẹni ụnwụn ahụn e kẹnrẹnpụgụọ imẹ ụwa ile.

Jẹnẹsisi 41:57 ပူးပေါင်းရင်းမြစ်များ

Jẹnẹsisi 12:10

O ru ogẹn ohu, ụnwụn nọ mụma alị Kenaanị. Ebram nọ gi ufiri ẹ kwashi alị Ijiptu d'e biri nọkẹ abịamabịa, makẹni ụnwụn hụ karị ẹka imẹ alị Kenanị.

Jẹnẹsisi 41:54

ya ahụa ẹsa ụnwụn nọ bidọn, nọkẹ kẹ Josẹfụ dọn ku ẹ. Ụnwụn mụgbarị alị ndị ọzọ ile, kanị ihiẹn-oriri rịchanrịn ebe ọwụlẹ imẹ alị Ijiptu.

Jẹnẹsisi 41:56

Ogẹn ụnwụn gi mụgbarị alị hụ ile, Josẹfụ nọ kpọpụ ụlọ ndị ahụn wẹ kpọntọ ọka, reyemẹ ndị Ijiptu ọka, makẹni ụnwụn ahụn kẹnrẹn ekẹnrẹn imẹ alị Ijiptu.

Jẹnẹsisi 42:1

Ogẹn Jekọpụ gi nụ nị ihiẹn-oriri rị alị Ijiptu, Jekọpụ nọ sị ụmụ a, “Kị ụnụ rị e letarịnị ile?”

Jẹnẹsisi 42:5

Ya ụmụ Izrẹlụ nọ bịa alị Ijiptu d'e ṅọn ọka nọkẹ ndị ọzọ rị a bịanị, makẹni ụnwụn ahụn ruzi alị wẹ wụ Kenaanị.

Jẹnẹsisi 42:6

Josẹfụ rị a kị alị Ijiptu ogẹn ahụn; ịya kẹ ndị alị ile e ṅọnnarịn ọka. Ogẹn umunẹ Josẹfụ gi nwan bịa, wẹ nọ kụn'a isi alị.

Jẹnẹsisi 43:1

Ụnwụn nwẹn hụkwọ e kẹnrẹn imẹ alị Kenaanị.

Jẹnẹsisi 47:14

Ya kẹ egho ile rị alị Ijiptu lẹ alị Kenaanị nọ lashi ẹka Josẹfụ, ebe wẹ rị e ṅọnnarịn a ihiẹn-oriri, Josẹfụ hụ e kpọn egho ndị ahụn ile a la obi-eze Fẹro.

Jẹnẹsisi 50:20

Eje-ihiẹn kẹ ụnụ te mamanị m, kanị ihiẹn rị mma kẹ Osolobuẹ bu obi imẹ ẹ kẹni o gi ẹ rụnpụha ihiẹnni rị e mẹ kikẹnni: hụn wụ ịgbapụha ndụn ndị bu ọda.

Ditrọnọmi 9:28

Amamgbe ndị alị ị gha wepụha ẹnyi a sị, ‘Makẹni Osolobuẹ asanị ẹka we wẹ ru alị ahụn o kwe wẹ nkwa lẹ makẹni iwe wẹ rị a obi k'o gi wepụha wẹ d'e gbu imẹ atụ.’