Jẹnẹsisi 41:51 - Ika

⁵¹ Josẹfụ gụn nwa ibuzọ a Manasẹ, gi ẹ sị, “Osolobuẹ e mẹgụọ m zọ ụya ile m ri lẹ ikpụlọ nẹdi m ile.”

Jẹnẹsisi 41:51 ပူးပေါင်းရင်းမြစ်များ

Jẹnẹsisi 41:30

Kanị, ahụa ẹsa ahụn gharịgụ, ụnwụn k'a mụ ọrọgbọ ahụa ẹsa e sọnn'ẹ — mụ nke wụnị anyanhankọzị wẹ ihiẹn-oriri ahụn barahịnị alị Ijiptu ile; ụnwụn ahụn k'e mẹ alịnị ihiẹn.

Jẹnẹsisi 41:50

Nị ụnwụn ahụn d'e bidọn, Asenatị, hụn Pọtifẹra nẹdi ẹ wụ ohẹn-mmọn Ọọnị, a mụpụgụọnị Josẹfụ di ẹ ikẹnnyẹ ẹbụọ.

Jẹnẹsisi 41:52

Ọ nọ gụn hụn ẹbọ Ifrem, gi ẹ sị, “Makẹni Osolobuẹ e mẹgụọ m ba ụba imẹ alị m nọ hụnjun ẹnya.”

Jẹnẹsisi 48:1

Omẹgụ, wẹ nọ bịa d'a sị Josẹfụ, “Emu rị a kụ nẹdi i.” Ya Josẹfụ nọ weri ụmụ a ẹbụọ ahụn wụ Manasẹ lẹ Ifrem d'a hụn a.

Jẹnẹsisi 48:5

“Ya wụ nwan nị wẹ k'a gụn ụmụ ị ẹbụọ ahụn ị mụ nị m d'a lụapụha alị Ijiptu yeni m; ẹghẹẹ, Ifrem lẹ Manasẹ sikọ d'a wụ nke m kẹ Rubẹni lẹ Simiọnụ dọn wụ nke m.

Jobu 11:16

Makẹni, i k'a zọ nsọngbu i, a nyanhan a hụ lekẹ mirin hughafeni.

Ẹbụ-ọma 30:11

Y'e gigụọ itẹn-egu nọkin ẹnya ẹkwan m rị a kwan; y'a gbụpụgụọ m ẹkwa-achọ, yimẹ m ịghọghọ,

Ẹbụ-ọma 30:5

Makẹni ẹkẹrẹ ogẹn sụọ kẹ olulu ẹ e bie, kanị ndụn kẹ ọhụnma a e ye ịhịan; ẹkwan nwọn ikẹn rịchanrịn uhinhin, kanị eki fọn ụtụntụn, ịghọghọ a bịa.

Ẹbụ-ọma 45:10

Okpoho wẹ rị a lụ, gọn ntịn; lee ẹnya, gọn ntịn: la ndị nke i lẹ ikpụlọ nẹdi i tọ,

Itẹn 31:7

nị wẹ ra, zọ elu rị a fụnị wẹ, nyanhanbehi ụya rị e rini wẹ.

Azaya 57:16

Esọnkọ m ịhịan kpe jẹnrin ejẹn, atọkọ m olulu e bu, makẹni o ru ndụn m a gụchanrịn ịhịan — umẹ-ndụn ịhịan hụn m ke.

Azaya 65:16

Ogẹn ahụn, onyẹ ọwụlẹ chọ nwan n'ọ gọzi ịhịan o gi ẹfan Chuku ezioku gọzi; onyẹ chọ n'o kun iyi, o kun ẹfan Chuku ezioku. Anyanhankọzị wẹ nsọngbu isi-ibuzọ, makẹni mmẹ nwẹn wụ Osolobuẹ arịzị a hụn wẹ.

Ọgụngụn 26:28

Ụmụ Josẹfụ, ẹbozo-ẹbozo, wụ ndịnị: ndị Manasẹ mụ lẹ ndị Ifrem mụ.

Ditrọnọmi 33:17

Ọghọ rị a ẹhụ nọkẹ okẹn-efin ibuzọ, okẹn-efin ibuzọ nnẹ-efin mụ; mpịn a wụ mpịn efin-ọfịa rị a lụ ọgụn. O k'e gi wẹ lụsọn alị ichẹn-ichẹn ọgụn, d'e rudẹ ndị rị ebe ụwa ru. Ọhụn wụ okeri ẹbozo Josẹfụ: kẹ nnụ-uku iri nnụ-uku iri Ifrem mụ kẹ nnụ-uku nnụ-uku Manasẹ mụ.”

Joshụa 14:4

kama, ụmụ Josẹfụ ẹlẹ ebọn ohu sụọ, kanị ebọn ẹbụọ: Manasẹ lẹ Ifrem. Onwọnzini nwan alị wẹ keye ndị Livaị imẹ alị hụ wẹ banhan karị obodo ndị wẹ sikọ d'e bi lẹ alị wẹ ye wẹ makẹ anụ wẹ lẹ ihiẹn ndị ọzọ wẹ nwọn.

Joshụa 17:1

Ọnwan kẹ wẹ keye ebọn Manasẹ, makẹni ịya wụ nwa-ibuzọ Josẹfụ. Ụmụ Makiri nwa-ibuzọ Manasẹ wụkwasị ndị wẹ keye ẹ. Makiri wụ nẹdi Gilẹdị. E keyegụọ wẹ ụfọdụ ụmụ a ẹgbẹrẹ Gilẹdị lẹ Bashanị makẹni wẹ wụ ezigbo ndị-agha.

Samuẹlụ Nke Ibuzọ 1:20

O mẹgụ, Hana nọ tụrụ imẹ, mụ okẹnnyẹ. Ọ nọ gụn a “Samuẹlụ”, sị, “M rịọnarịn Osolobuẹ ya.”