Jẹnẹsisi 41:46 - Ika

⁴⁶ Josẹfụ rị nwa ahụa iri kwasị ọgụn k'ọ bịa ihun Fẹro eze Ijiptu. Josẹfụ nọ gha ebẹhụ pụ, gi ẹfan Fẹro ghagbama alị Ijiptu ile.

Jẹnẹsisi 41:46 ပူးပေါင်းရင်းမြစ်များ

Jẹnẹsisi 37:2

Ọnwan wụ akịkọ ikpụlọ Jekọpụ: Kẹ Josẹfụ rị nwa ahụa mmẹsa, ịya lẹ ụmụ nẹdi ẹ e du anụ, ụmụ nẹdi ẹ hụn wụ ụmụ Bil'ha lẹ Zil'pa inyẹnmẹ nẹdi ẹ. Josẹfụ ru ụlọ ọ gwa nẹdi ẹ eje-ihiẹn umunẹ ẹ mẹ.

Jẹnẹsisi 41:47

Alị nọ mẹ ihiẹn ọda-ọda ọrọgbọ ahụa ẹsa ahụn wẹ ku ni ihiẹn-ugbo k'e mẹ.

Jẹnẹsisi 42:8

Josẹfụ a marịngụọ nị umunẹ ẹ rọ, kanị umunẹ ẹ amarịn nị ịya rọ.

Jẹnẹsisi 45:6

Makẹni hụnnị mẹ nwan ahụa ẹbụọ ụnwụn mụpụ alịnị; ahụa isẹn họdụzị o k'a mụ: a kụnkọ wẹ ihiẹn-ugbo, a ghọkọ wẹ.

Samuẹlụ Nke Ẹbụọ 5:4

Defidi rị nwa ahụa iri-kwasị ọgụn k'o ri eze, ọ nọ kị ahụa ọgụnnaị.

Ndị-nze Nke Ibuzọ 12:6

Ya Rehobụam wụ Eze nọ jụ ndị-ichẹn alị, hụn fe nẹdi ẹ wụ Solomọnụ k'ọ rị ndụn, sị, “Kị ụnụ sị m shịarị ndịnị?”

Ndị-nze Nke Ibuzọ 12:8

Kanị Rehobụam a jụ ọdụn ndị-ichẹn ahụn dụn a. Ọ nọ jụ ndị ikorọbịa ya lẹ wẹ gba sue rị e fen'ẹ ihiẹn o k'a shịarị.

Itẹn 22:29

Ya hụnghọ onyẹ marịn ọrụn? Ndị-nze k'o k'a rụnnị ọrụn, ẹlẹ ndị mmaka k'o k'a rụnnị.

Daniẹlụ 1:19

Eze nọ du wẹ ku, ọ nọ hụn a nị onwọnni onyẹ wẹ e gi jeni Daniẹlụ, Hanania, Mishẹlụ lẹ Azaria; ya wẹ nọ rụnmanị eze ọrụn.

Daniẹlụ 1:4

ikorọbịa ndị ẹhụ zu oke, ma mma ẹhụ, ndị ghọsị nị wẹ k'a saẹka mụ ụdị ihiẹn ọwụlẹ wẹ kuzi wẹ, ndị marịn ihiẹn rị e mẹni, ndị a ghọtakẹnrinni, ndị furu hụn a rụn ọrụn imẹ obi-eze. Nebukadineza sị a kuzi wẹ ẹkụkwọ lẹ asụsụ ndị Kal'di, ndị Babilọnụ.

Ọgụngụn 4:3

Gụn nị ikẹnnyẹ ile rị gha nwa ahụa iri kwasị ọgụn d'e ru ahụa iri kwasị ọgụnnaị, ndị ile ru hụn a rụn ọrụn imẹ Ọdụ-ozuzu.

Luku 21:36

We ni nwan ẹnya ru alị ogẹn ile; e mẹ ni ekpere nị Osolobuẹ mẹ ụnụ saẹka wanahịn ihiẹn ndịnị ile jẹnkọ d'e mẹni, lẹni ụnụ sazịkwọ ẹka turu ihun Nwa nke Ịhịan.”

Luku 3:23

Jizọsị rị ihiẹn rịkẹ nwa ahụa iri-kwasị-ọgụn k'o bidọn ọrụn a. Wẹ weri Jizọsị kẹ nwa Josẹfụ. Josẹfụ wụ nwa Heli,

Judu 1:24

Ọjịja-mma ya rịnị Osolobuẹ, onyẹ hụn k'a s'ẹka mẹ ụnụ adanlẹ, mẹ ụnụ wụrụ ndị nwọnlẹni ntụpọ, ụnụ e gi ịghọghọ turu ihun ya lẹ Ọghọ a,

Samuẹlụ Nke Ibuzọ 16:21

Ya Defidi nọ bịa d'e kunrun Sọlụ, ọ nọ họnrin onyẹ ọrụn Sọlụ; ihiẹn ẹ a sụọ Sọlụ ọda-ọda, Defidi nọ họnrin onyẹ e bun'ẹ ihiẹn-ọgụn.