Jẹnẹsisi 41:42 - Ika

⁴² Fẹro nọ gbụpụha ọla rị a mkpịnsịn-ẹka, ọla o gi e biye ẹka, gbụ a ye Josẹfụ mkpịnsịn-ẹka; o yimẹsọnmẹ Josẹfụ ẹkwa linẹ rị mma, bu ihiẹn olu goru che ẹ olu.

Jẹnẹsisi 41:42 ပူးပေါင်းရင်းမြစ်များ

Jẹnẹsisi 38:18

Juda nọ sị a, “Kịnị kẹ m k'e ye i?” Ọ nọ sị Juda, “Ye m ihiẹn i gi e yi ahịma kwọndọn, ya lẹ eriri ẹ lẹ ọkpọnị i gi ẹka.” Ọ nọ we ihiẹn ndị ahụn ye Tama, ya lẹ ịya a ranhịn, ọ nọ ye ẹ imẹ.

Jẹnẹsisi 41:43

Fẹro nọ bu ụgbọ-anyịnyan hụn e sọn nke ẹ ye Josẹfụ, yezikwọ a ndị k'a gha e sọn ẹ ebe-lẹ-ebe o jẹnkọ, e yi “Gbu ni n'ẹ osekpu!” Ẹnịna kẹ Fẹro mẹ we alị Ijiptu ile che okpuru Josẹfụ.

Ẹsta 10:3

Mọdikaya onyẹ Ju a hansọn Eze wụ Ahazẹrusu ogẹn ahụn; okẹn-ịhịan k'ọ wụzị imẹ igunrun ndị Ju; ndị Ju ibe ẹ bu ọda a gbaye ẹ ọda-ọda, makẹni ọ hụ e mẹ n'ọ rịnị ndị nke ẹ mma, a sị ya rịnị ẹbozo ndị Ju ile mma.

Ẹsta 3:10

Eze nọ gbụpụha ọla mkpịnsịn ẹka o gi e biye ẹka ihiẹn o de, we ẹ ye Hamanị nwa Hamẹdata onyẹ ebọn Agagị, Hamanị eṅẹnrẹn ndị Ju.

Ẹsta 3:12

Nke akp'ọhịn mmẹtọ imẹ ifọn ibuzọ hụ, wẹ nọ kpọ ndị akanwe eze. Wẹ nọ de ihiẹn Hamanị sị ndị ọkịkị ile mẹ — kẹ ndị a nọkin ẹnya eze Azụụn ichẹn-ichẹn kẹ ndị gọvanọ Azụụn ichẹn-ichẹn kẹ ndị-isi kị ndị alị ichẹn-ichẹn. Hamanị sị wẹ gi mkpụrụ-ẹkụkwọ Azụụn ichẹn-ichẹn gi e de ihiẹn deni wẹ ịya, gizi asụsụ alị ichẹn-ichẹn rị azụụn hụ deni ndị ọwụlẹ ya. Ẹfan eze wụ Ahazẹrusu kẹ wẹ gi de ihiẹn hụ, gi ọla mkpịnsịn ẹka o gi e biye ihiẹn ẹka biye ẹ ẹka.

Ẹsta 8:10

Ẹfan eze wụ Ahazẹrusu kẹ Mọdikaya gi de ẹkụkwọ ndị hụ o zipụ, gi ọla mkpịnsịn ẹka eze gi e biye ihiẹn ẹka biye wẹ ẹka; ọ nọ we wẹ ye ndị ozi gi ẹshin ndị a gba okẹn-ọsọ hụn wẹ zụntọnị eze wejẹnsọnmẹ Azụụn ichẹn-ichẹn.

Ẹsta 8:15

Kẹ Mọdikaya gha ebe eze rị pụha, o yihụ ẹwuru ndị-nze nke ọchan lẹ nke bru; o kpuhụ okpu-eze goru hi ogbe; o yihụzị ẹwuru e nwun pọpụ-pọpụ wẹ gi linẹni riẹnni kwa elu. Ndị bi obodo Susa hụ e yi oro, a ghọghọ.

Ẹsta 8:2

Eze nọ gbụpụ ọla mkpịnsịn ẹka o gi e biye ihiẹn ẹka, hụn ọ napụha Hamanị, we ẹ ye Mọdikaya. Ẹsta nkẹ nọ we ihiẹn Hamanị che ẹka Mọdikaya.

Ẹsta 8:8

Ụnụ nwẹn, de ni nwan iwu ọzọ hụn jẹnkọ d'e yeni ndị Ju ẹka; de n'ẹ k'ọ dọn rị mma ẹnya ụnụ. Gi ni ẹfan eze de ẹ, ọnụ e gi ọla mkpịnsịn ẹka eze gi e biye ẹka biye ẹ. Makẹni, w'ara saẹka kagbu ihiẹn wẹ gi ẹfan eze de, gi ọla mkpịnsịn ẹka eze biye ẹ ẹka.”

Ẹbụ-ọma 73:6

Ya haịn wẹ gi e yi mpache lekẹ ihiẹn-olu, e yi ẹka-ikẹn kẹ ẹwuru.

Itẹn 1:9

wẹ k'a wụrụn'ị ihiẹn wẹ gi tu i ugọn lẹ ihiẹn-olu wẹ gi chọ ị mma.

Itẹn 31:22

O mẹmẹrin ẹkwa wẹ gi e dinẹ, ezigbo ẹkwa linẹni lẹ ẹkwa pọpụ k'o yi.

Itẹn 31:24

Ọ kpa ẹwuru linẹni e re, a kpazị akpụkpọ-ukun e reye ndị a zụjẹn afịa alị ọzọ.

Ẹbụ Solomọnụ 1:10

Ihiẹn-ntịn ị e furukẹ i, ihiẹn-olu i e furuzịghọ ị.

Ẹbụ Solomọnụ 4:9

Y'e werigụọ obi m, nwẹnẹ m, nwunyẹ m; y'e werigụọ obi m — ẹnya hụn i lee m hụ k'i gi weri akpobi m, akpụ ihiẹn-olu ohu imẹ hụn i yi k'i gi weri akpobi m.

Azaya 3:23

lẹ ughegbe lẹ ẹwuru linẹ lẹ okpu-isi ma mma lẹ ẹkwa w'a tụye olu.

Jerimaya 52:33

Jehoyakini nọ gbupụkwama ẹkwa-ngan a; ọ nọ sọn eze Babilọnụ ri ihiẹn-oriri o we nwụn.

Izikẹlụ 27:7

Ẹkwa linẹni wẹ kpa imẹ alị Ijiptu kpayesọnmẹ ihiẹn ma mma kẹ wẹ tanma ufere gi e bu yụ wụ ụgbọ-mirin, o họnrin ahịma ị; ẹkwa bru lẹ pọpụ pụ ichẹn ndị alị Ẹlisha kẹ wẹ gi kwa ẹtu-ụlọ ghahunmẹ i.

Daniẹlụ 5:16

Kanị, a nụgụọ m nwan nị ya s'ẹka a kọwa ihiẹn lẹni ya s'ẹka a marịn ihiẹn a fụ ọrụn ọmarịn. Omẹni i y'a saghọ ẹka gụn ihiẹnni kọwanị m ihiẹn ọ wụ, wẹ k'e yimẹ i okẹn ẹwuru pọpụ, yimẹ i ihiẹn olu goru, bu i che ọbẹ ẹtọ imẹ ndị a kị alị-ezeni.”

Daniẹlụ 5:29

Bẹlụshaza nọ gwa wẹ, wẹ nọ yimẹ Daniẹlụ okẹn ẹwuru pọpụ, yimẹ ẹ ihiẹn olu goru, ma ọkwa nị ịya wụ nwan ube-ẹtọ imẹ ndị a kị alị-eze hụ.

Daniẹlụ 5:7

Eze nọ yi wẹ kpọha ndị a gwọ ọgụn lẹ ndị ile a hụn ụzọ ozigbo, wẹ lẹ ndị a gba-ẹfa. Ọ nọ sị ndị ahụn ile a hụn ụzọ imẹ Babilọnụ, “Onyẹ ọwụlẹ hụn k'a sa ẹka gụn ihiẹnni wẹ de, kọwanị m ihiẹn ọ wụ, wẹ k'e yimẹ ẹ okẹn ẹwuru pọpụ, yimẹ ẹ ihiẹn-olu goru, ọ wụrụ ube-ẹtọ imẹ alị-ezeni.”

Luku 15:22

“Kanị, nẹdi ẹ nọ kpọ ndị idibo ẹ, sị wẹ, ‘Ozigbo-ozigbo! Wẹhẹ ni ẹkwa hụn kachanrịn mma yimẹ ẹ! Yimẹ n'ẹ ọla ẹka! Yimẹn'ẹ akpụkụ!

Samuẹlụ Nke Ibuzọ 18:4

Jonatanị a gbụpụ ẹwuru-tueni o yi, w'ẹ ye Defidi, ịya lẹ ẹwuru o yiye imẹ ẹ lẹ ọpịa-agha a lẹ ụta a lẹ akpụkpọ-ukun ẹ.