Jẹnẹsisi 41:14 - Ika

¹⁴ Ya kẹ Fẹro nọ zi wẹ d'e wẹhẹ Josẹfụ. Wẹ nọ gha imẹ-imẹ ụlọ-ngan wepụha Josẹfụ ozigbo-ozigbo. Ọ kọchanpụ ẹtu ẹ, yiri ẹkwa ọzọ; ọ nọ bịa ihun Fẹro.

Jẹnẹsisi 41:14 ပူးပေါင်းရင်းမြစ်များ

Samuẹlụ Nke Ẹbụọ 19:24

Mẹfiboshẹti nwa-nwa Sọlụ nọzị bịa d'e kunrun eze. Gha ụhụọhịn hụ eze pụ, o lepụdẹni ụkụ a ẹnya k'o dọn e mẹ; o gbubelụanị ẹtu ẹ, ọ sụnị ẹkwa a — d'e ru ụhụọhịn eze lụaha udọn lẹ ndọnkwa.

Ndị-nze Nke Ẹbụọ 25:29

Jehoyakini a gbụpụ ẹwuru-ngan, yiri ichẹn; d'e ru ụhụọhịn Jehoyakini nwụn ọ hụ e sọn eze Babilọnụ e ri.

Ẹsta 5:1

Hụn mẹ akpọ ụhụọhịn ẹtọ, Ẹsta nọ yiri ẹwuru-nze ẹ, wuzo ezi-ọgwa rị imẹ-imẹ obi-eze ebẹhụ, nchetarị ihun ebe eze a nọdị a hụn ịhịan. Eze nkẹ nọdị elu ukpo-eze ẹ, bu ihun zinmẹ ọnụmụzọ.

Ọpụpụ 10:16

Ya kẹ Fẹro nọ kpọ Mozizi lẹ Ẹrọnụ ozigbo-ozigbo, sị, “E mẹọlẹ m Osolobuẹ wụ Chuku ụnụ njọ, mẹzikwọ ụnụ nwẹn njọ.

Ẹkịliziastisi 4:14

ọsụọn'a nị ụlọ-ngan kẹ okorọbịa hụ gha pụha d'a wụrụ eze, ọsụọn'a nị wẹ mụ a ogbẹnnyẹ imẹ alị-eze hụ.

Azaya 61:10

M rị a ghọghọ ọda-ọda makẹ Osolobuẹ; obi rị a sụọ m ụsụọ ọda-ọda makẹ Chuku m. Makẹni o yimẹgụọ m nzụọpụha kẹ ẹwuru, we ezi-omumẹ tụ m mgburu, gi wẹ ile chọ m mma kẹ okẹnnyẹ rị a gba ẹhụhụọ dọn e kpuru okpu ma mma lekẹ onyẹ nchụn-ẹjan, kẹ nwagbọọ rị a gba ẹhụhụọ dọn e yi ihiẹn-mma a.

Azaya 61:3

ọ sị m d'a tụnị ndị ụya rị e ri imẹ Zayọnụ ụya: mmẹ d'e kpumẹ wẹ okpu ma mma gi nọkin ẹnya ntụn wẹ bụọyesọnmẹ isi, mmẹ hu ịghọghọ kpu wẹ ẹhụ kẹ udẹn, gi nọkin ẹnya ẹkwan, mmẹ mẹ ọjịja-mma Osolobuẹ jun wẹ ọnụ, gi nọkin ẹnya agụngụn onyẹ ndụn gụ. Wẹ k'a kpọ wẹ okẹn-osisi rị a ghọsị ẹka Osolobuẹ, ihiẹn Osolobuẹ kụn n'o ghọsị ọghọ a.

Daniẹlụ 2:25

Ya Arịọkụ nọ we Daniẹlụ jẹnni eze ozigbo, sị a, “A hụngụọ m okẹnnyẹ ohu imẹ ndị hụ wẹ gha Juda kpụnhan hụn k'a s'ẹka gwa eze ihiẹn nrọ a wụ.”