Jẹnẹsisi 4:26 - Ika

²⁶ Sẹtị nkẹ mụzịkwọ okẹnnyẹ, kpọ a “Ẹnọshị”. Ogẹn hụ kẹ ịhịan gi kpọkumẹ ẹfan Osolobuẹ.

Jẹnẹsisi 4:26 ပူးပေါင်းရင်းမြစ်များ

Jẹnẹsisi 12:8

Omẹgụ, ọ nọ kwarịzị, jẹnmẹ azụụn mẹ oke-oke hụn rị ibẹka ọwụwa-ẹnyanwụn obodo Bẹtẹlụ. Ọ nọ tumẹ ọdụ w'e bi, ụlọ w'a kpụkpọrị, ye ẹgbata Bẹtẹlụ lẹ Aị, Bẹtẹlụ rị a azụụn ọdịdan-ẹnyanwụn, Aị rị a azụụn ọwụwa-ẹnyanwụn. Ọ nọ rụnzịnị Osolobuẹ ukpo wẹ n'a chụn ẹjan ebahụn, kpọku ẹfan Osolobuẹ.

Jẹnẹsisi 26:25

Ya ọ nọ rụn ukpo nchụn ẹjan ebahụn, nọ ebẹhụ kpọku ẹfan Osolobuẹ, fe ẹ; ọ nọ biri ebẹhụ; omẹgụ, idibo ẹ nọ gu ọmị ye ebahụn.

Ndị-nze Nke Ibuzọ 18:24

Ụnụ a kpọku mmọn ụnụ, mmẹ nwẹn a kpọku Osolobuẹ. Hụn gi ọkụn za, ịya wụ Chuku wẹ k'e fe.” Ndị ahụn ile nọ sị, “Ọ hụ mma!”

Ẹbụ-ọma 116:17

M k'a chụnyen'i ẹjan-ekele, kpọ ẹfan Osolobuẹ.

Azaya 44:5

Ogẹn hụ, onyẹ ohu k'a sị, ‘M wụ nke Osolobuẹ’, onyẹ ọzọ a kpọ enwẹn ẹ ‘Jekọpụ’; onyẹ ọzọ k'e de ‘Nke Osolobuẹ’ ye enwẹn ẹ ẹka, zama Izrẹlụ.”

Azaya 48:1

Ebọn Jekọpụ, gọn ni ntịn, ụnụ ndị w'a kpọ Izrẹlụ, ụnụ ndị ẹbozo Juda; ụnụ ndị e kun ẹfan Osolobuẹ, a kpọku Chuku Izrẹlụ — kanị ụnụ ara gi ezioku lẹ ezi-omumẹ mẹ ẹ;

Azaya 63:19

Ẹnyi nwẹn rị okpuru i gha alị lala; kanị wẹ nwẹn arịtuni okpuru i, azatuni wẹ ẹfan ị.

Jerimaya 33:16

ihiẹn a rịnị Juda mma, ẹhụ e fu obodo Jerusalẹm. Ẹfan wẹ k'a gha a kpọ Jerusalẹm ogẹn ahụn wụ: ‘Osolobuẹ Mẹ Ẹnyi Gi Rị Mma.’

Juwẹlụ 2:32

Onyẹ ọwụlẹ hụn k'a kpọku ẹfan Osolobuẹ k'a wanahịn makẹni Osolobuẹ e kuọl'a n'o k'e nwọnrịrị ndị k'a wanahịnnị — imẹ ndị rị ugu Zayọnụ lẹ ndị rị Jerusalẹm; ndị hụ k'a wanahịnnị k'a wụ ndị m họrị.

Zẹfanaya 3:9

“M k'e ye ndị alị ichẹn-ichẹn ọnụ rụlẹni, kẹni wẹ kpọkumẹ ẹfan Osolobuẹ, e gi wẹ ọnụ ohu fe ẹ.

Luku 3:38

Kenanị wụ nwa Ẹnọshị, Ẹnọshị wụ nwa Sẹtị, Sẹtị wụ nwa Adam, Adam wụ nwa Osolobuẹ.

Ọrụn Ndị-ozi 11:26

Ọ hụn a, ọ nọ wẹhẹ ẹ Antịọkụ. Uwẹ lẹ ndị ụka ahụn hụ e zu, wẹ hụ a kuzi igwerigwe, ọrọgbọ ahụa. Imẹ Antịọkụ kẹ wẹ nọ kpọma ndị nsọnmazụụn Kraịstị “Kristiansị,” ya wụ, “Ndị Nke Kraịstị.”

Ọrụn Ndị-ozi 2:21

Ogẹn hụ, onyẹ ọwụlẹ hụn k'a kpọku ẹfan Di-nwọnni-ẹnyi k'e nwọn nzụọpụha.” ’

Ndị Rom 10:13

Makẹni Ẹkụkwọ-nsọ sị, “Onyẹ ọwụlẹ kpọku ẹfan Onyẹ-nwọnni-ẹnyi k'e nwọn nzụọpụha.”

Ndị Kọrẹntị Ibuzọ 1:2

Ẹnyi rị e dejẹnni ndị ụka Osolobuẹ rị obodo Kọrẹntị, ndị ahụn Osolobuẹ dọn nsọ imẹ Kraịstị wụ Jizọsị, ndị ahụn wẹ kpọ d'a wụrụ ndị-nsọ. Ẹnyi rị e dejẹnni uwẹ lẹ ndị ile rị ebe ọwụlẹ hụn a kpọku ẹfan Di-nwọnni-ẹnyi wụ Jesu Kristi hụn Nwọn ẹnyi lẹ wẹ.