Jẹnẹsisi 39:9 - Ika

⁹ Onwọnni onyẹ kanị m mmụlọ ebeni; imẹ ihiẹn ile di-nwọnni m nwọn, ịyụ sụọ k'o tuyelẹni ẹka m, makẹni ịyụ wụ nwunyẹ ẹ. Nanị kẹ m'a dọn nwan mẹ eje-ihiẹn han ẹnịna, mẹ Osolobuẹ njọ?”

Jẹnẹsisi 39:9 ပူးပေါင်းရင်းမြစ်များ

Jẹnẹsisi 13:13

Bụ ndị Sodọm e mẹ njọ ọda-ọda. W'e mẹ ihiẹn Osolobuẹ sị w'e emẹlẹ e mẹshi ẹ ikẹn.

Jẹnẹsisi 20:3

Kanị, Osolobuẹ nọ bịa d'e kunrun Abimẹlẹkị imẹ nrọ imẹ uhinhin, sị a, “Y'e d'a nwụnhụn makẹ ufiri okpohoni i weri, makẹni nwunyẹ ịhịan rọ.”

Jẹnẹsisi 20:6

Osolobuẹ nọ nọ imẹ nrọ ahụn sị a, “Ẹghẹẹ, a marịngụọ m n'o nwọnni ihiẹn i bu obi mẹ ẹ. Mmẹ gbọndọnzikwọ ị emẹlẹ m njọ; ya haịn m gilẹni n'ị mẹtụ a ẹka.

Jẹnẹsisi 20:9

Ya kẹ Abimẹlẹkị nọ kpọ Ebraham, sị a, “K'i mẹni ẹnyi ihiẹnni? Kị m mẹ i, i gi nu mmẹ lẹ ndị ile m rị a kị ye imẹ ihiẹnni ikpe gi nwan ma ẹnyi? Y'e mẹọlẹ m ihiẹn wẹ ghalẹni e mẹ ịhịan.”

Jẹnẹsisi 24:2

Ya kẹ Ebraham nọ sị odibo ẹ hụn kanị, hụn e lepụn'a ihiẹn ile o nwọn ẹnya, “Bu ẹka che m okpuru ọgbọdọgbọ,

Jẹnẹsisi 39:10

Ọsụọn'a nị okpohoni hụ a gwa Josẹfụ ihiẹnni ụhụọhịn-ụhụọhịn, Josẹfụ ekweni sọn ẹ ranhịn mọbụ sọndẹ ẹ nọdị.

Jẹnẹsisi 41:40

Ịyụ jẹnkọ nwan d'e lepụma obi-eze m ẹnya; ihu m ile sikọ d'a rị okpuru i; ukpo-eze sụọ kẹ m'e gihụ karị ị.”

Jẹnẹsisi 42:18

Nke akp'ọhịn ẹtọ, Josẹfụ nọ sị wẹ, “Nị m gwa ụnụ ihiẹn ụnụ k'e mẹ makẹ wẹ gha e gbu ụnụ, makẹni egun Chuku a tụ m a tụ:

Samuẹlụ Nke Ẹbụọ 11:27

Ogẹn wẹ gi a kwan ịhịan e zugụ, Defidi nọ webanhan a obi-eze, o họnrin nwunyẹ ẹ; ọ nọ mụnị Defidi okẹnnyẹ. Kanị ihiẹn Defidi mẹ asụọnị Osolobuẹ.

Samuẹlụ Nke Ẹbụọ 12:13

Ya Defidi nọ sị Natanị, “E mẹọlẹ m Osolobuẹ njọ.” Natanị nọ sị, “Ẹghẹẹ, kanị Osolobuẹ a gbagharịgụọ ị njọ, isi i atọk'a.

Nehemiah 5:15

Kanị, ndị gọvanọ bu m ụzọ kị buye wẹ okẹn ibu, d'e ru ebe wẹ nọ sị wẹ tụhamanị wẹ ihiẹn-oriri lẹ manya lẹ akpụrụ egho siliva ọgụnnaị ụhụọhịn-ụhụọhịn; ndị ọrụn ndị gọvanọ a kịgbudẹ wẹ a kịgbu. Kanị, emẹni m ẹrịra, makẹ egun Osolobuẹ.

Nehemiah 6:11

Kanị m nọ sị, “Nị onyẹ nọ kẹ mmẹ gbapụ? Nị onyẹ nọ kẹ mmẹ warị imẹ Ụlọ-NSỌ nị m rị e ghe isi? Ejẹnkọ m!”

Jobu 31:23

Egun otikpọ Chuku k'e tikpọ m a tụ m atụ, egun Onyẹ Hụn Ọ Wụ anịnị m mẹ ihiẹn ndị nọ ẹrịra.

Ẹbụ-ọma 51:4

Ịyụ kẹ m mẹ njọ — ịyụ sụọ; e mẹọlẹ m ihiẹn rịlẹni mma ẹnya ị. Ya wụ, y'e mẹghọ ọhụnma ebe i nọ ma m ikpe; y'e mẹni eje-ihiẹn ebe i nọ hangbu m eṅẹn.

Ọpụpụ 20:14

“Analẹ nwunyẹ ịhịan; azọlẹ ụkụ ye ọfịa.

Itẹn 6:29

Ẹrịra k'ọ rị onyẹ sọn nwunyẹ ịhịan ranhịn — onwọnni onyẹ e mẹtụ nwunyẹ ịhịan ẹka a la mmaka.

Itẹn 6:32

Onyẹ na nwunyẹ ịhịan enwọn uche; onyẹ ọwụlẹ mẹn'ẹ gbu enwẹn ẹ.

Ẹkịliziastisi 7:26

O nwọnghọ ihiẹn m hụn ka ọnwụn njọ: okpoho hụn wụ ọnyan: hụn obi ẹ wụ ọnyan, ẹka a wụ ẹgan. Okẹnnyẹ ihiẹn ẹ sụọ Chuku a wanahịn a, kanị o k'a nwụndọn onyẹ e mẹ njọ.

Jerimaya 28:16

Lee nwan ihiẹn Osolobuẹ ku: ‘M'e d'e wepụ ị elu-ụwanị. Ahụanị k'i jẹnkọ d'a nwụn, makẹni y'e mẹgụọ ndịnị jụ oku Osolobuẹ.’ ”

Jerimaya 50:7

Ndị ile hụnnị wẹ hụ e bu wẹ e ri. Ndị iṅẹnrẹn wẹ hụ a sị, ‘Uwẹ sị ẹnyi mẹ wẹ ihiẹn ẹnyi mẹ wẹ, uwẹ mẹ Osolobuẹ njọ — Osolobuẹ hụn wẹ nọ ẹka a e rijun ẹfọ, Osolobuẹ ndị nẹdi wẹ gi dọn ẹnya.’ Osolobuẹ sị nwan,

Lẹvitikọsụ 20:10

“Onyẹ mẹ mgba nwunyẹ ibe ẹ, wẹ k'e gburịrị kẹ hụn okẹnnyẹ mẹ mgba nwunyẹ ịhịan kẹ hụn okpoho zọ ụkụ ye ọfịa.

Lẹvitikọsụ 6:2

“Omẹni ịhịan mẹ Osolobuẹ njọ ghahanị ịtụ ibe ẹ ntụ banyeni ihiẹn wẹ ye ẹ dọnmẹ mọbụ ihiẹn wẹ gi biye ụgwọ mọbụ gbama ibe mọbụ zunarịn ibe ẹ ihiẹn mọbụ mẹgbu ibe ẹ,

Ọgụngụn 32:23

Kanị, omẹni ụnụ emẹn'ẹ, njọ kẹ ụnụ rị e mẹ Osolobuẹ; marịnkwọ nị nị njọ ụnụ jẹnkọ d'e sepụha ụnụ.

Luku 12:48

Kanị, odibo marịnlẹni ihiẹn di-nwọnn'ẹ chọ mẹ ihiẹn w'e gi fịan a mkpịnsịn, a fịan w'a hụn bulẹni ọda. “Ihiẹn bu ọda kẹ w'a tụ ẹnya a ẹka onyẹ wẹ ye ihiẹn bu ọda; kanị, hụn ka ọda kẹ w'a tụ ẹnya a ẹka onyẹ wẹ buche ihiẹn ka ọda ẹka.

Ndị Kọrẹntị Ibuzọ 4:2

Ihiẹn w'a chọ nwan ẹka onyẹ wẹ buche ihiẹn ẹka a wụ nị o furu wẹ gi e dọn ẹnya.

Taịtọsụ 2:10

w'e zunlẹ wẹ ohin, kama, wẹ ghọsịchanrịn nị wẹ furu wẹ gi e dọn ẹnya ogẹn ile, kẹni wẹ gi obibi wẹ e mẹ nkuzi Osolobuẹ Onyẹ-nzụọpụha ẹnyi a wụrụ ihiẹn a la ẹnya.

Hibru 13:4

Gbayekẹnmẹ ni ọlụlụ di-lẹ-nwunyẹ; kẹ di kẹ nwunyẹ ẹ dọnmẹ enwẹn ẹ makẹ elu-ukpo wẹ gha a rụ, makẹni Osolobuẹ jẹnkọ d'a ma ndị ughẹrẹ ikpe.

Jọnụ Ibuzọ 3:9

Onwọnni onyẹ Osolobuẹ mụ e mẹ njọ. Makẹni, mkpụrụ Osolobuẹ rị imẹ hụnyẹ. Ọ sakọ ẹka mẹ njọ, makẹni Osolobuẹ mụ a.

Rẹvẹleshọnụ 21:8

“Kanị, ndị ụjọ lẹ ndị-ghẹrẹghẹrẹ lẹ ndị rụnị; ndị-izighẹ lẹ ndị ughẹrẹ; ndị ile a gwọ eje-ọgụn; ndị a rụa mmọn lẹ ndị-ntụ ile — wẹ ile shikọ d'a rị odiyiri ọkụn lẹ nsịn-ẹnyanwụn hụ, hụn wụ ọnwụn nke mgbe ẹbụọ.”

Rẹvẹleshọnụ 22:15

Makẹni ndị e bi kẹ nkitẹ, ndị nshi-lẹ-ẹjan, ndị ughẹrẹ, ndị-izighẹ, ndị a rụa mmọn lẹ onyẹ ọwụlẹ e mẹ mọbụ a kwadọn ihiẹn ya lẹ ntụ wị abanyekọ obodo hụ.