Jẹnẹsisi 39:12 - Ika

¹² Ya kẹ okpoho ahụn nọ zu ẹka ye Josẹfụ ẹwuru, sị a, “Bịa nị ẹnyi ranhịn!” Kanị Josẹfụ nọ gbụ ẹwuru tọ a ẹka, gbapụ ezi.

Jẹnẹsisi 39:12 ပူးပေါင်းရင်းမြစ်များ

Jẹnẹsisi 39:10

Ọsụọn'a nị okpohoni hụ a gwa Josẹfụ ihiẹnni ụhụọhịn-ụhụọhịn, Josẹfụ ekweni sọn ẹ ranhịn mọbụ sọndẹ ẹ nọdị.

Jẹnẹsisi 39:11

O ru ụhụọhịn ohu, Josẹfụ nọ ban mmụlọ d'a rụn ọrụn a, bụ onwọnni odibo ọzọ rị mmụlọ.

Jẹnẹsisi 39:13

Ogẹn nwunyẹ Pọtifa gi hụn a nị Josẹfụ a gbụ ẹwuru tọn'a, gbapụ ezi,

Jẹnẹsisi 39:8

Kanị Josẹfụ nọ jụ, sị a, “Lee ẹ, di-nwọnni m enwọnzi ihiẹn o feye ẹnya imẹ ụlọnị. O tugụọ ihiẹn ile o nwọn ye m ẹka.

Samuẹlụ Nke Ẹbụọ 13:11

Kanị, ogẹn Tama gi bu ẹ ye ẹ n'o ri, ọ nọ kwọndọn Tama, sị a, “Nwẹnẹ m, d'e sọn m ranhịn.”

Itẹn 1:15

Nwa m, esọnkwọlẹ wẹ gha ụzọ wẹ, ụkụ ị erukwọlẹ ụzọ wẹ;

Itẹn 5:8

Gbakwọnị okpoho ughẹrẹ hụ ọsọ; anọkunmẹkwọlẹ ọnụmụzọ iwe ẹ —

Itẹn 6:5

Gbụrụ, la — lekẹ ele dan ọnyan, nọkẹ nnụnụ dan ọnyan ohuẹ.

Ẹkịliziastisi 7:26

O nwọnghọ ihiẹn m hụn ka ọnwụn njọ: okpoho hụn wụ ọnyan: hụn obi ẹ wụ ọnyan, ẹka a wụ ẹgan. Okẹnnyẹ ihiẹn ẹ sụọ Chuku a wanahịn a, kanị o k'a nwụndọn onyẹ e mẹ njọ.

Ndị Kọrẹntị Ibuzọ 15:33

Mba!! Anịzịlẹ ni wẹ e dufie ụnụ: “Eje-ọgbọ e wiwi ezi-omumẹ!”

Timoti Nke Ẹbụọ 2:22

Jụchanrịn ihiẹn a la ikorọbịa lẹ ịgbagba ẹnya; chụma ezi-omumẹ, okukwe, ihiẹn-ọsụsụọ lẹ udọn, e sọn ndị gi obi rị ọchan a kpọku Di-nwọnni-ẹnyi.

Pita Ibuzọ 2:11

Ezigbo umunẹ m, m rị a rịọ ụnụ nọkẹ ndị wụ abịamabịa lẹ ndị rịlẹni alị wẹ, gbanị nị eje-ẹgụn a lụsọn umẹ-ndụn ụnụ agha ọsọ.

Samuẹlụ Nke Ibuzọ 15:27

Hụn Samuẹlụ gi gbehutọ n'ọ pụ, Sọlụ nọ dọdọn ẹ ntịn ẹwuru, ọ nọ dọka.