Jẹnẹsisi 38:25 - Ika

²⁵ Ogẹn wẹ gi wepụha a, ọ nọ zi ozi jẹnni nẹdi di ẹ, sị, “Onyẹ nwọn ihiẹn ndịnị ye m imẹ. Dodo we ẹnya ru alị lele kẹ y'a marịnghọ onyẹ nwọn ihiẹnni wẹ gi e yi ahịma lẹ eriri lẹ ọkpọnị.”

Jẹnẹsisi 38:25 ပူးပေါင်းရင်းမြစ်များ

Jẹnẹsisi 37:32

Wẹ nọ weri ẹwuru ọma ahụn jẹnni nẹdi wẹ, sị a, “Lee ihiẹn ẹnyi hụn, lele ẹ kẹ ẹwuru nwa ị rọ.”

Jẹnẹsisi 38:18

Juda nọ sị a, “Kịnị kẹ m k'e ye i?” Ọ nọ sị Juda, “Ye m ihiẹn i gi e yi ahịma kwọndọn, ya lẹ eriri ẹ lẹ ọkpọnị i gi ẹka.” Ọ nọ we ihiẹn ndị ahụn ye Tama, ya lẹ ịya a ranhịn, ọ nọ ye ẹ imẹ.

Ẹbụ-ọma 50:21

Ụnụ hụ e mẹ ihiẹn ndịnị ile, a gba m ụnụ nkịtịn, ụnụ hụ e ro nị m nọhụ kẹ ụnụ. Kanị m rị nwan a jụgbọ ụnụ, m rị nwan a gwapụ ụnụ ihiẹn ụnụ mẹ.

Jerimaya 2:26

Kẹ ohin wẹ nwụn dọn a fa, ẹrịra kẹ ikpụlọ Izrẹlụ dọn fa — kẹ uwẹ kẹ ndị-nze wẹ kẹ ndị-isi wẹ kẹ ndị nchụn-ẹjan wẹ kẹ ndị-amụma wẹ.

Ndị Rom 2:16

Ẹrịra k'o jẹnkọ d'a rị Ụhụọhịn ahụn Osolobuẹ k'e gi gi ihiẹn zueri obi ịhịan kin ịhịan ikpe ghahanị Jesu Kristi kẹ m dọn rị e ku imẹ oziọma m rị e zi.

Ndị Kọrẹntị Ibuzọ 4:5

Eke hanlẹ ni nwan eṅẹn ebe ogẹn kelẹni ru. Cheri ni nị Di-nwọnni-ẹnyi bịa. O jẹnkọ d'e wepụha ihiẹn rị imẹ ishi ifọn, o kpuchanrịn obi ile oghe. Ogẹn hụ, onyẹ-onyẹ a narịn ọjịja-mma run'ẹ ẹka Osolobuẹ.

Rẹvẹleshọnụ 20:12

M nọ hụn ndị nwụnhụnnị kẹ wẹ turu nwan ihun ukpo-eze hụ, kẹ onyẹ-uku kẹ onyẹ-nta. E kpupụsọnmẹ wẹ ẹhụhụọ bu ọda; ya wẹ nọzị kpupụ ẹhụhụọ ọzọ, hụn wụ ẹkụkwọ ndụn-itẹbitẹ. Wẹ nọ gi ihiẹn wẹ detọsọnmẹ imẹ ẹhụhụọ ndị hụ kin onyẹ-onyẹ ikpe ihiẹn o mẹ.