Jẹnẹsisi 37:4 - Ika

⁴ Ogẹn mmunẹ ẹ gi hụn a nị Josẹfụ kẹ ihiẹn ẹ ka nẹdi wẹ a sụọ karị uwẹ ile, ize Josẹfụ nọ ban wẹ, w'a ra welụazị ọnụ alị gwa a oku.

Jẹnẹsisi 37:4 ပူးပေါင်းရင်းမြစ်များ

Jẹnẹsisi 27:41

Ize Jekọpụ hụ e ze Isọ ufiri ngọzi ahụn nẹdi ẹ gọzi Jekọpụ, ya Isọ nọ sị enwẹn ẹ, “Ọ họdụ ẹkẹrẹ nị nẹdi m nwụnhụn, ẹnyi kwangụ a, e gbu m Jekọpụ.”

Jẹnẹsisi 37:11

Ẹnya nọ fụma umunẹ ẹ, kanị nẹdi ẹ nọ bu oku hụ tọ imẹ obi ẹ.

Jẹnẹsisi 37:5

Josẹfụ rọ nrọ. Ogẹn o gi ziẹnni mmunẹ ẹ nrọ ahụn, ize ẹ nọ bankẹnmẹ wẹ.

Jẹnẹsisi 4:5

Kanị, ọ nabanhannị Keni lẹ ihiẹn o ye. Ya okẹn olulu nọ bumẹ Keni, ọ nọ rọnmẹ ihun.

Jẹnẹsisi 49:23

Ndị-ụta e te gigụọ iwe ẹ rị wẹ ẹfọ maye ẹ, gba a ọbara nị wẹ rụ a ẹhụ.

Ẹbụ-ọma 38:19

Ndị iṅẹnrẹn m bu ọda; ndị rị e we iwe m mmaka e bukẹ ọda.

Ẹbụ-ọma 69:4

Ndị rị e we iwe m mmakalaka ka ntutu rị m isi ọda; ndị dikẹn rị a chọ nị wẹ tikpọ m mmakalaka. M'e d'e wekin nwan ihiẹn m zunlẹni.

Jerimaya 12:6

Umunẹ i, ndị nẹdi i mụ yụ lẹ wẹ e rezighọdẹ i; e gigụọ wẹ i yi oro. Ọsụọn'a wẹ rị e ku oku i ọhụnma ebe ị rị, egikwọlẹ wẹ dọn ẹnya.

Makị 3:25

Ikpụlọ kebeni, asakọ ẹka turu.

Taịtọsụ 3:3

Makẹni, ẹnyi nwẹn te wụzị ndị-nzuzu, ndị nnupụ-isi lẹ ndị wẹ dufie; eje-ihiẹn a gụnnị ẹnyi lẹ ihiẹn ichẹn-ichẹn a sụọnị e te kịzịghọ ẹnyi kẹ igbọn. Ẹnyi te e mẹ ibe ẹnyi eje-ihiẹn, e we iwe-ẹnya, ize ẹnyi hụ e ze ịhịan, ize ibe ẹnyi hụ e ze ẹnyi.

Jọnụ Ibuzọ 2:11

Kanị, onyẹ hụn e ze ize ibe ẹ rị imẹ ishi; imẹ ishi k'ọ ghakọ, ọ marịn ebe o jẹnkọ makẹni ishi hụ a gbakingụọ a ẹnya.

Jọnụ Ibuzọ 3:10

Ọnwan kẹ wẹ gi a marịn ndị wụ ụmụ Osolobuẹ lẹ ndị wụ ụmụ Ekwensụ: onyẹ ọwụlẹ ghalẹni e mẹ ihiẹn rị mma mọbụ onyẹ ihiẹn ibe ẹ ghalẹni a sụọ ẹlẹ nwa Osolobuẹ.

Jọnụ Ibuzọ 3:12

Ẹnyi anọkọkwọ kẹ Keni hụn rị azụụn nke Eje-onyẹ hụ, o gbu nwẹnẹ ẹ. K'o gbuni nwan nwẹnẹ ẹ? Makẹni ya nwẹn mẹ eje-ihiẹn, nwẹnẹ ẹ mẹ ihiẹn rị mma.

Jọnụ Ibuzọ 4:20

Omẹni ịhịan sị, “M nwọn ihiẹn-ọsụsụọ Osolobuẹ,” bụ ọ hụ e ze ize ibe ẹ, onyẹ-ntụ k'ọ wụ. Makẹni, omẹni ịhịan enwọnni ihiẹn-ọsụsụọ ibe ẹ hụn ọ rị e legha, ọ sakọ ẹka nwọn ihiẹn-ọsụsụọ Osolobuẹ o leghatulẹni.

Samuẹlụ Nke Ibuzọ 17:28

Kanị ogẹn nwẹnẹ Defidi hụn kanị wụ Ẹliabụ gi nụ kẹ Defidi lẹ ndị hụ rị e ku, ọ nọ gi olulu sị a, “K'ị bịadẹ nwan ebeni d'e mẹ? Onyẹ k'ị latọnị atụnrụn ndị ahụn bulẹni ọda imẹ atụ? A marịnghọ m kẹ y'e mẹkarịhan enwẹn i lẹ kẹ obi jọhan ị njọ. Agha k'ị bịahụ ebeni d'e lee.”