Jẹnẹsisi 37:25 - Ika

²⁵ Ogẹn wẹ gi nọdị alị nị wẹ rimẹ ihiẹn-oriri, e lee wẹ ẹnya, wẹ nọ hụn igunrun ndị-afịa, ndị Ishmẹlụ gha Gilẹdị lala. Wẹ bu ihiẹn-udẹn e kun fuẹin lẹ ori alị wẹ lẹ maa jun elu anyịnyan-mkpukpuke wẹ bukọ alị Ijiptu.

Jẹnẹsisi 37:25 ပူးပေါင်းရင်းမြစ်များ

Jẹnẹsisi 31:21

Ọ nị weri ihiẹn ile o nwọn gbapụ — fetu Iyi Yufretisi, dọn ihun ẹgbẹrẹ Gilẹdị hụn rị elu òke.

Jẹnẹsisi 31:23

Ya ọ nọ weri umunẹ ẹ, gi akpọhịn ẹsa chụ Jekọpụ, kunrun ẹ alị Gilẹdị hụn rị elu òke.

Jẹnẹsisi 37:24

Wẹ nọ buru ẹ, tụ a ye imẹ ọmị, kanị okpokoro ọmị rọ, mirin arịa.

Jẹnẹsisi 37:28

Ogẹn ndị-afịa hụ, ndị Ishmẹlụ alị Midianị hụ, gi nwan ru ebe wẹ rị, umunẹ Josẹfụ nọ gha imẹ ọmị hụ wepụha a, re ẹ ye ndị Ishmẹlụ, akpụrụ egho siliva ọgụn kẹ wẹ re ẹ; ndị Ishmẹlụ hụ ṅọnrin Josẹfụ nọ w'ẹ shi Ijiptu.

Jẹnẹsisi 37:36

Ndị Midianị hụ ṅọnrin Josẹfụ e ru Ijiptu, wẹ nọ re ẹ ye Pọtifa hụn rị ndị-isi ọrụn Fẹro. Ịya kị ndị-nche Fẹro.

Jẹnẹsisi 39:1

Ogẹn ndị Ishmẹlụ ahụn ṅọnrin Josẹfụ gi nwan we ẹ ru alị Ijiptu, ya kẹ onyẹ alị Ijiptu wụ Pọtifa nọ ṅọnnarịn wẹ Josẹfụ. Pọtifanị rị ndị-isi ọrụn Fẹro: ịya wụ onyẹ-isi ndị-nche Fẹro.

Jẹnẹsisi 43:11

Izrẹlụ nẹdi wẹ nọ sị wẹ, “O mẹ nwan ni onwọnzini kẹ w'e mẹ ẹ, lee ni nwan ihiẹn ụnụ jẹnkọ d'e mẹ: kpọnrin ni ihiẹn kachanrịn mma alịnị ye imẹ ẹkpa ụnụ bujẹnnị okẹnnyẹ ahụn; werizi ni ẹkẹrẹ ori-Kenaanị lẹ ẹkẹrẹ mirin-ẹnwụn, ihiẹn ihiẹn-oriri gi a sụọ, mkpụrụ-pistachio lẹ amọndụ.

Ẹsta 3:15

Ndị ọsọ hụ nọ jẹnmẹ ozigbo-ozigbo kẹ eze dọn gwa wẹ; wẹ nọzịkwọ ti iwu hụ imẹ obodo Susa hụ eze nọ a kị. Eze lẹ Hamanị a nọdị alị a ra manya kanị isusu hụ obodo Susa.

Ẹbụ-ọma 14:4

Ndị-njọnị aghọtakọdẹ? Ndịnị hụn e bu ndị nke m e ri kẹ brẹdi, ndịnị ghalẹni a kpọku Osolobuẹ.

Ẹbụ-ọma 83:6

kẹ ndị alị Ẹdọm kẹ ndị Ishmẹlụ; ndị Mụabụ lẹ ndị Hagri;

Itẹn 30:20

“Lee kẹ okpoho hụn a zọ ụkụ e ye ọfịa e mẹ: o ri, o finchanpụ ọnụ, ọ sị, ‘Onwọnni eje-ihiẹn m mẹ!’

Ẹbụ Solomọnụ 5:1

A banhangụọ m imẹ ugbo-obobo m, nwẹnẹ m, nwunyẹ m; a kparịgụọ m maa m lẹ ihiẹn m ndị-ọzọ e kun ọhụnma. E rigụọ m ọgba-ẹnwụn m lẹ mirin-ẹnwụn m; a ragụọ m manya m lẹ mirin-ẹran m. E ri ni-o ndị ọwụ ẹnyi; a ra nị-o; ndị rị a sụọnị, rajun ni ẹfọ-o!

Jerimaya 22:6

Lee ihiẹn Osolobuẹ ku banyeni obi-eze Juda: “Ọsụọn'a nị obi-ezeni ma mma kẹ alị Gilẹdị, ọsụọn'a n'ọ rị m kẹ osisi Lẹbanọnụ mẹ gwoza-gwoza, ma isi m, m k'e mẹ i gba okpokoro nọkẹ atụ, ebe ịhịan bilẹni!

Jerimaya 46:11

Ọ sụọkwọ ị jẹnmẹ Gilẹdị d'a chọrị ọgụn, ịyụ Ijiptu hụn kelẹni hụn ihiẹn, y'a dịnhịnkọ.

Jerimaya 8:22

Ọgụn arịzịdẹ nwan obodo Gilẹdị ra? Onyẹ a zụọ emu arịzịdẹ ebẹhụ? Kị haịn nwan nzụọrị gilẹni rị, kị haịn ẹhụ ndị nke m rụ gilẹni a la?”

Izikẹlụ 47:18

“Ebe o k'a gha ẹbamịn ọwụwa-ẹnyanwụn jẹnkọ d'a gha ẹgbata Haụranị lẹ Damaskọsụ gbasọnmẹ Iyi-Jọdanị hụn rị ẹgbata Gilẹdị lẹ alị Izrẹlụ, d'a pụ ụsụọ Ohimin Nnu, Ohimin Nwụnnị, hụn rị ẹbamịn ọwụwa-ẹnyanwụn d'e rukwọrị Tama. Ọhụn wụ okẹn ẹ ẹbamịn ọwụwa-ẹnyanwụn.

Emọsụ 6:4

O k'a jọ ụnụ njọ, ụnụ ndị rị e ri ụwa — e dinẹ bẹdi magbu enwẹn ẹ mma wẹ gi eze ẹnyi rụn, a danchanpụ elu oche wẹ rụn kẹ bẹdi, e ri anụ efin lẹ anụ atụnrụn wẹ zụntọ, e rijun ẹfọ;

Emọsụ 6:6

e gidẹ afẹrẹ e lura manya, a kwọ udẹn kachanrịn mma — kanị, ara fụ wẹ nị Izrẹlụ, ụmụ Josẹfụ, rị a la iwi.

Joshụa 13:11

ẹgbẹrẹ Gilẹdị lẹ nke ndị Gẹshọ lẹ ndị Maaka rịzị imẹ ẹ, ya lẹ Ugu Hẹmọnụ ile lẹ ẹgbẹrẹ Bashanị ile d'e ru Salẹka;