Jẹnẹsisi 35:9 - Ika

⁹ Ogẹn Jekọpụ gi ghagụ Padan-aram lụaha, ya Chuku nọ bịazị d'e kunrun ẹ, gọzi ẹ,

Jẹnẹsisi 35:9 ပူးပေါင်းရင်းမြစ်များ

Jẹnẹsisi 12:7

Ya kẹ Osolobuẹ nọ we enwẹn ẹ ghọsị Ebram, sị, “M k'e ye nwa ị alịnị.” Ebram nọ rụnnị Osolobuẹ ukpo wẹ n'a chụn ẹjan ebahụn — Osolobuẹ hụn we enwẹn ẹ ghọsị a.

Jẹnẹsisi 17:1

Ogẹn Ebram gi rị ahụa ohu arịa ọgụn-isẹn, Osolobuẹ nọzị we enwẹn ẹ ghọsị Ebram, sị a, “Mmẹ wụ Chuku Hụn nwọn ikẹn ile; bi kẹ m dọn chọ; emẹkwọlẹ ihiẹn wẹ e gi kọrịanị ị —

Jẹnẹsisi 18:1

Omẹgụ, Osolobuẹ nọ bịa d'e kunrun Ebraham ẹhụ okẹn-osisi Mamre efinaị ohu anwụn rị a mụ, ebe Ebraham nọdị alị ọnụmụzọ ụlọ hụ w'a kpụkpọrị o bi.

Jẹnẹsisi 25:20

Aziki rị nwa ahụa ọgụnnaị k'ọ lụrụ Rebika nwa Bẹtuẹlụ onyẹ Aram, onyẹ Padan-Aram; nwẹnẹ Rebika okẹnnyẹ wụ Labanị, onyẹ Aram.

Jẹnẹsisi 26:2

Ya Osolobuẹ nọ bịa d'e kunrun Aziki, sị a, “Ejẹnlẹ alị Ijiptu; ka nọdị alị m k'a ghọsị ị.

Jẹnẹsisi 28:13

O legha Osolobuẹ k'o turu mkpọnụnụ obe ahụn. Osolobuẹ nọ sị a, “Mmẹ wụ Osolobuẹ, Chuku Ebraham nẹdi i kanị lẹ Chuku Aziki; m jẹnkọ d'e ye yụ lẹ ụmụ ị alịnị i dinẹ.

Jẹnẹsisi 31:3

Ya kẹ Osolobuẹ nọ sị Jekọpụ, “Lakin alị ndị nẹdi i wẹ; laburu ndị nke i; m k'a nọyen'i.”

Jẹnẹsisi 32:1

Ya Jekọpụ nọ jẹnmẹ ebe o jẹnkọ, ndị mmọn-ozi Chuku nọ bịa d'e kunrun ẹ.

Jẹnẹsisi 35:1

Ya Osolobuẹ nọ sị Jekọpụ, “Buli nị shi Bẹtẹlụ d'e biri, y'a nọ ebẹhụ rụnnị Chuku ukpo nchụn-ẹjan — Chuku hụn pụha d'e kunrun i kẹ ị gbakọnị Isọ nwẹnẹ i.”

Jerimaya 31:3

O nwọn ogẹn Osolobuẹ gi bịa d'e kunrun m, sị m, “Ihiẹn-ọsụsụọ ghalẹni a gụ kẹ m nwọn ebe ụnụ rị. Ya haịn m gilẹni e mẹbehi ụnụ kẹ ndị nke m.

Hosia 12:4

o sọn mmọn-ozi Osolobuẹ ahụn dọ, mẹri, kwan ẹkwan, rịọ a ihiẹn. Imẹ Bẹtẹlụ kẹ ya lẹ Chuku nọ hụn, ebẹhụ kẹ Osolobuẹ nọ gwa ẹnyi oku,

Hosia 12:5

Osolobuẹ, Chuku ihiẹn ile rị okpuru ẹ, Osolobuẹ wụ ẹfan a kete-kete!

Ọrụn Ndị-ozi 7:2

Stivini nọ za, sị, “Umunẹ m lẹ ndị nẹdi ẹnyi, gọn nị m ntịn! Osolobuẹ hụn nwọn ọghọ bịa d'e kunrun nẹdi ẹnyi kanị wụ Ebraham imẹ alị Mẹsopotemịa. Ebraham eke jẹn alị Haranị d'e biri ogẹn ahụn.